ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 1 : PALI ROMAN Vinaya.A. (samanta.1)

Evam papakiriyaya anadinavadassavinam adinavam dassetva athakho
bhagava vaggumudatiriye bhikkhu anekapariyayena vigarahitva dubbharataya
dupposataya .pe. Imam sikkhapadam uddiseyyathati vatva catuttham
@Footnote: 1. tassatutho.
Parajikam pannapento yo pana bhikkhu anabhijanantiadimaha.
     Evam mulacchejjavasena dalham katva catutthaparajike pannatte
aparampi anuppannattatthaya adhimanavatthu udapadi. Tassuppattidipanattham
evam vuttam evancidam bhagavata bhikkhunam sikkhapadam pannattam
hotiti. {196} Tattha aditthe ditthasanninoti arahatte nanacakkhuna
adittheyeva dittham amhehi arahattanti ditthasannino hutva.
Esa nayo appattadisu. Ayam pana viseso. Appatteti
attano santane uppattivasena appatte. Anadhigateti
maggabhavanaya anadhigate. Apatiladdhetipi attho. Asacchikateti
apatividdhe paccavekkhanavasena va apaccakkhakate. Adhimanenati
adhigatamanena. Adhigata mayanti evam uppannamanenati attho.
Adhikamanena va thaddhamanenati attho. Annam byakarimsuti
arahattam byakarimsu. Pattam avuso amhehi arahattam katam
karaniyanti bhikkhunam arocesum. Tesam maggena appahinakilesatta
kevalam samathavipassanavasena vikkhambhitakilesanam aparena samayena
tatharupapaccayasamayoge ragayapi cittam namati ragatthaya namatiti attho.
Esa nayo itaresu. Tanca kho etam abboharikanti tancakho
etam tesam annam byakaranam abboharikam apattippannapane
voharam na gacchati apattiya angam na hotiti attho. Kassa
panayam adhimano uppajjati kassa nuppajjatiti. Ariyasavakassa
tava nuppajjati. So hi maggaphalanibbanapahinakkilesavasitthakkilesa-
paccavekkhanena
Sanjatasomanasso ariyagunapativedhe nikkankho tasma
sotapannadinam aham sakadagamitiadivasena mano nuppajjati.
Dussilassa nuppajjati. So hi ariyagunadhigame nirasova. Silavatopi
pariccattakammatthanassa niddaramatadimanuyuttassa nuppajjati.
Suparisuddhasilassa pana kammatthane appamattassa namarupam vavatthapetva
paccayapariggahena vitinnakankhassa tilakkhanam aropetva sankhare
sammasantassa araddhavipassakassa uppajjati. Uppanno ca suddhasamathalabhim
suddhavipassanalabhim va antara thapeti. So hi dasampi visatimpi
timsampi vassani kilesasamudacaram apassanto aham sotapannoti va
sakadagamiti va anagamiti va mannati. Samathavipassanalabhim pana
arahatteyeva thapeti. Tassa hi samadhibalena kilesa vikkhambhita
vipassanabalena sankhara supariggahita tasma satthimpi vassani
asitimpi vassani vassasatampi kilesa na samudacaranti khinasavasseva
cittacaro hoti. So evam digharattam kilesasamudacaram apassanto
antara atthatvava araha ahanti mannatiti.



             The Pali Atthakatha in Roman Book 1 page 595-597. http://84000.org/tipitaka/atthapali/read_rm.php?B=1&A=12506&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=1&A=12506&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=231              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=8643              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=3353              The Pali Tipitaka in Roman Character :- http://84000.org/tipitaka/read/roman_read.php?B=1&A=3353              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]