ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext book chage to ROMAN letter  
Atthakatha Book 1 : PALI ROMAN Vinaya.A. (samanta.1)

     {233} Uddittha kho ayasmanto cattaro parajika dhammati
idam idha udditthaparajikaparidipanameva. Samodhanetva pana
sabbaneva catuvisati parajikani veditabbani. Katamani catuvisati.
Paliagatani tava bhikkhunam cattari bhikkhuninam asadharanani
cattariti attha. Ekadasa abhabbapuggala. Tesu
Pandakatiracchanagataubhatobyanjanako tayo vatthuvipanna ahetukapatisandhika.
Tesam saggo avarito maggo pana varito. Abhabba hi te
maggapatilabhaya vatthuvipannatta. Pabbajjapi nesam patikkhitta.
Tasma tepi parajika .  theyyasamvasako titthiyapakkantako
matughatako pitughatako arahantaghatako bhikkhunidusako ruhiruppadako
sanghabhedakoti ime attha attano kiriyaya vipannatta abhabbatthanam
pattati parajika ca. Tesu theyyasamvasako titthiyapakkantako
bhikkhunidusakoti imesam tinnam saggo avarito maggo pana
varitova. Itaresam pancannam ubhayampi varitam. Tehi anantara
narake nibbattanakasatta. Iti ime ca ekadasa purima ca
attha ekunavisati. Tepi gihilinge rucim uppadetva gihinivasam
nivatthaya bhikkhuniya saddhim visati. Sa hi ajjhacaravitikkamam
akatvapi ettavata assamaniti imani tava visati parajikani.
Aparanipi lambi mudupitthiko parassa angajatam mukhena ganhati
parassa angajate abhinisidatiti imesam catunnam vasena cattari
anulomaparajikaniti vadanti. Etani hi yasma ubhinnam
ragavasena sadisabhavupagatanam dhammo methunadhammoti vuccati tasma
etena pariyayena methunadhammam apatisevitvayeva kevalam maggena
maggappavesanavasena apajjitabbatta methunadhammaparajikassa
anulomentiti anulomaparajikaniti vuccantiti. Iti imani cattari
purimani ca visati samodhanetva sabbaneva catuvisati parajikani
Veditabbani. Na labhati bhikkhuhi saddhim samvasanti
uposathappavaranapatimokkhuddesasanghakammappabhedam bhikkhuhi saddhim samvasam
na labhati. Yatha pure tatha pacchati yatha pubbe gihikale ca
anupasampannakale ca paccha parajikam apannopi tatheva asamvaso
hoti. Natthi tassa bhikkhuhi saddhim uposathappavarana-
patimokkhuddesasanghakammappabhedo samvasoti bhikkhuhi saddhim samvasam na
labhati. Tatthayasmante pucchamiti tesu catusu parajikesu ayasmante
kaccittha parisuddhati pucchami. Kaccitthati kacci ettha etesu
catusu parajikesu kacci parisuddhati attho. Athava kaccittha
parisuddhati kacci parisuddha bhavathati attho. Sesam sabbattha
uttanatthamevati.
     Samantapasadikaya vinayasamvannanaya catutthaparajikavannana
nitthita.
       Ciram titthatu saddhammo     kale vassam ciram pajam
       tappetu devo dhammena   raja rakkhatu medaninti.


             The Pali Atthakatha in Roman Book 1 page 628-630. http://84000.org/tipitaka/atthapali/read_rm.php?B=1&A=13201&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=1&A=13201&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=300              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=11365              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=4336              The Pali Tipitaka in Roman Character :- http://84000.org/tipitaka/read/roman_read.php?B=1&A=4336              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext book chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]