ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 1 : PALI ROMAN Vinaya.A. (samanta.1)

     Sikkham apaccakkhaya dubbalyam anavikatvati sikkhanca
apatikkhipitva dubbalabhavanca appakasetva. Yasma dubbalye
avikatepi sikkha apaccakkhatava hoti sikkhaya pana paccakkhataya
dubbalyam avikatameva hoti tasma dubbalyam anavikatvati imina
padena na koci visesattho labbhati. Yatha ca pana dirattatirattam
sahaseyyam kappeyyati vuttena dirattavacanena na koci visesattho
labbhati kevalam lokavoharavasena byanjanasilitthataya mukharulhataya
etam vuttam evamidampi voharasukhataya byanjanasilitthataya
mukharulhataya vuttanti veditabbam. Yasma va bhagava sattham
sabyanjanam dhammam deseti tasma sikkham apaccakkhayati imina attham
sampadetva dubbalyam anavikatvati imina byanjanam sampadeti.
Parivarikapadavirahitam hi ekameva atthapadam vuccamanam parivaravirahito
raja viya vatthalankaravirahito viya ca puriso na sobhati.
Parivarakena pana atthanulomena sahayapadena saddhim tam sobhati.
Yasma va sikkhapaccakkhanassa ekaccam dubbalyavikammam attho hoti
tasma tam sandhaya sikkham apaccakkhayati padassa attham vivaranto
Dubbalyam anavikatvati aha. Tattha siya yasma na sabbam
dubbalyavikammam sikkhapaccakkhanam tasma dubbalyam anavikatvati
pathamam vatva tassa atthaniyamanattham sikkham apaccakkhayati
vattabbanti. Tanca na. Kasma. Atthanukkamabhavato.
Sikkhasajivasamapannoti hi vuttatta yam sikkham samapanno tam
apaccakkhayati vuccamane anukkamena attho vutto hoti na
annatha. Tasma idameva pathamam vuttanti. Apica anupatipatiyapi
ettha attho veditabbo. Katham. Sikkhasajivasamapannoti ettha
yam sikkham samapanno tam apaccakkhaya yanca sajivasamapanno
tattha dubbalyam anavikatvati.
     Idani sikkhapaccakkhanadubbalyavikammanam visesavisesam
sikkhapaccakkhanalakkhananca dassento atthi bhikkhavetiadimaha. Tattha
atthi bhikkhavetiadini dve matikapadani. Tani vibhajanto
kathanca bhikkhavetiadimaha. Tatrayam anuttanapadavannana.
Kathanti kenakarena. Dubbalyavikammancati dubbalyassa
avikammanca. Idhati imasmim sasane. Ukkanthitoti
anabhiratiya imasmim sasane kicchajivikappatto. Athava ajja
yami sve yami ito yami ettha yamiti uddham kantham katva
viharamano vikkhitto anekaggoti vuttam hoti. Anabhiratoti
sasane abhirativirahito. Samanna cavitukamoti samanabhavato
apagantukamo. Bhikkhubhavanti bhikkhubhavena. Karanatthe
Upayogavacanam. Kanthe alaggena attiyeyyatiadisu pana yathalakkhanam
karanavacaneneva vuttam. Attiyamanoti attam pilitam dukkhitam viya
attanam acaramano. Tena va bhikkhubhavena attiyamano
piliyamanoti attho. Harayamanoti lajjamano. Jigucchamanoti
asucim viya tam jigucchanto. Gihibhavam patthayamanotiadini
uttanatthaniyeva. Yannunaham buddham paccakkheyyanti ettha
yannunati parivitakkadassane nipato. Idam vuttam hoti sacaham
buddham paccakkheyyam sadhu vata me siyati. Vadati vinnapetiti
imamattham etehi va annehi va byanjanehi vacibhedam katva
vadaticeva yassa ca vadati tam vinnapeti janapeti. Evampiti
upari attham sampindanattho pikaro. Evampi dubbalyavikammanceva
hoti sikkha ca apaccakkhata annathapi. Idani tam annathapi
dubbalyavikammam sikkhaya ca apaccakkhanam dassento athava
panatiadimaha. Tam sabbam atthato uttanameva. Padato panettha
adito patthaya buddham paccakkheyyam dhammam sangham sikkham vinayam
patimokkham uddesam upajjhayam acariyam saddhiviharikam antevasikam
samanupajjhayakam samanacariyakam sabrahmacarim paccakkheyyanti imani
cuddasa padani paccakkhanakarena vuttani. Gihi assantiadinam gihi
upasako aramiko samanero titthiyo titthiyasavako assamano
asakyaputtiyo assanti imani attha padani assanti imina
bhavavikappakarena vuttani. Evam yannanahanti imina patisamyuttani
Dvavisati padani. {46} Yatha ca etani evam yadi panaham athaham
handaham hoti meti imesu ekamekena patisamyuttani dvavisatiti
sabbaneva satanca dasa padani honti. {47} Tato param
saritabbavatthudassananayena pavattani mataram saramitiadini sattarasa padani.
Tattha khettanti salikhettadi. Vatthunti tinapannasakaphalaphala-
samutthanatthanam. Sippanti kumbhakarapesakarasippadikam. {48} Tato
param sakincanasapalibodhabhavadassanavasena pavattani mata me atthi
sa maya posetabbatiadini nava padani. {49} Tato param
sanissayasappatitthabhavadassanavasena pavattani mata me atthi sa mam
posessatitiadini solasa padani. {50} Tato param ekabhattaekaseyya-
brahmacariyanam dukkarabhavadassanena pavattani dukkarantiadini attha
padani. Tattha dukkaranti ekabhattadinam karane dukkaratam dasseti.
Na sukaranti sukarabhavam patikkhipati. Evam duccaram na sucaranti
ettha. Na ussahamiti tattha ussahabhavam asakkuneyyatam
dasseti. Na visahamiti asayhatam dasseti. Na ramamiti ratiya
abhavam dasseti. Nabhiramamiti abhiratiya abhavam dasseti. Evam
imani ca pannasa purimani ca dasuttarasatanti satthisatam padani
dubbalyavikammavare vuttaniti veditabbani. {51} Sikkhapaccakkhanavarepi
kathanca bhikkhavetiadi sabbam atthato uttanameva. Padato
panetthapi buddham paccakkhami dhammam sangham sikkham vinayam patimokkham
uddesam upajjhayam acariyam saddhiviharikam antevasikam samanupajjhayakam
Samanacariyakam sabrahmacarim paccakkhamiti imani cuddasa padani
sikkhapaccakkhanavacanasambandhena pavattani. Sabbapadesu ca vadati
vinnapetiti vacanassa ayamattho. Vacibhedam katva vadati yassa ca
vadati tam teneva vacibhedena ayam sasanam jahitukamo sasanato
muncitukamo bhikkhubhavam jahitukamo imam vakyabhedam karotiti
vinnapeti saveti janapeti. Sace panayam buddham paccakkhamiti
vattukamo padapaccabhattham katva paccakkhami buddhanti va vadeyya
milakkhabhasasu va annatarabhasaya tamattham vadeyya buddham
paccakkhamiti vattukamo uppatipatiya dhammam paccakkhamiti va
sabrahmacarim paccakkhamiti va vadeyya seyyathapi
uttarimanussadhammavibhange pathamam jhanam samapajjamiti vattukamo dutiyam
jhananti vadati sace yassa vadati so ayam bhikkhubhavam jahitukamo etamattham
vadatiti ettakamattampi janati viruddhannama natthi khettameva
otinnam paccakkhata hoti sikkha. Sakkatta va brahmatta
va cutasatto viya cutova hoti sasana. Sace pana buddham
paccakkhinti va buddham paccakkhissamiti va buddham paccakkheyyanti
va atitanagataparikappavacanehi vadati dutam va pahinati sasanam
peseti akkharam va chindati hatthamuddhaya va tamattham aroceti
apaccakkhata hoti sikkha. Uttarimanussadhammarocanam pana
hatthamuddhayapi sisam eti. Sikkhapaccakkhanam manussajatiyasattassa
santike cittasampayuttam vacibhedam karontasseva sisam eti. Vacibhedam
Katva vinnapentopica yadi ayameva janatuti ekam niyametva
aroceti tanca soyeva janati paccakkhata hoti sikkha.
Atha so na janati anno samipe thito janati apaccakkhata
hoti sikkha. Atha dvinnam thitatthane dvinnampi niyametva
etesam arocemiti vadati tesu ekasmim janantepi dvisu janantesupi
paccakkhata hoti sikkha. Evam sambahulesupi veditabbam. Sace
pana anabhiratiya pilito sabhage bhikkhu parisankamano yokoci
janatuti uccasaddam karonto buddham paccakkhamiti vadati tance
avidure thito vanakammiko va anno va samayannu puriso sutva
ukkanthito ayam samano gihibhavam pattheti sasanato cutoti janati
paccakkhatava hoti sikkha. Tamkhananneva pana apubbam acarimam
dujjanam. Sace avajjanasamayena janati yatha pakatiya loke
manussa vacanam sutva jananti paccakkhata hoti sikkha. Atha
aparabhage kim imina vuttanti kankhanto cirena janati apaccakkhata
hoti sikkha. Idam hi sikkhapaccakkhananca upari
abhutarocanadutthullavacaattakamadutthadosabhutarocanasikkhapadani ca
ekaparicchedani avajjanasamayena nateeva sisam enti. Kim ayam
bhanatiti kankhata cirena nate sisam na enti. Yatha cayam buddham
paccakkhamiti pade vinicchayo vutto evam sabbapadesu veditabbo.
Yasma ca yada sikkha paccakkhata hoti tada yannunaham buddham
paccakkheyyantiadini avadatapi dubbalyam avikatam hoti tasma
Sabbesampi padanam avasane vuttam evampi bhikkhave dubbalyavikammanceva
hoti sikkha ca paccakkhatati. Tato param gihiti mam dharehiti
ettha sace gihi bhavissamiti va gihi homiti va gihi jatomhiti
va gihimhiti va vadati apaccakkhata hoti sikkha. Sace pana
ajja patthaya gihiti mam dharehiti va janahiti va sanjanahiti
va manasikarohiti va vadati ariyakena va vadati milakkhakena
va evametasmim atthe vutte yassa vadati sace so janati
paccakkhata hoti sikkha. Esa nayo sesesupi upasakotiadisu
sattasu padesu. Evam imani ca attha purimani ca
cuddasati dvavisati padani honti. {52} Ito param purimaneva cuddasa
padani alamme kinnume na mamattho sumuttahanti imehi catuhi
yojetva vuttani chappannasa honti. Tattha alanti hotu
pariyattanti attho. Kinnumeti kim mayham kiccam kim karaniyam kim
sadhetabbanti attho. Na mamatthoti natthi mama attho.
Sumuttahanti sumutto aham. Sesamettha vuttanayameva. Evam
imani ca chappannasa purimani ca dvavisatiti atthasattati padani
sarupeneva vuttani. {53} Yasma pana tesam vevacanehipi sikkhapaccakkhanam
hoti tasma yani vapanannanipitiadimaha. Tattha yani
vapanannanipiti paliyam buddhantiadini agatapadani thapetva
yani annani atthi. Buddhavevacanani 1- vati buddhassa va
pariyayanamani .pe. Asakkhaputtiyassa va. Tattha vannapatthane agatam
@Footnote: 1. vividham ekasmimyeva atthe vacanam vivacanameva vevacananti yojanaviggaho.
Namasahassam upaligathasu namasatam annani ca gunato labbhamanani
namani buddhavevacananiti veditabbani. Sabbanipi dhammassa namani
dhammavevacananiti veditabbani. Esa nayo sabbattha. Ayam
panettha yojana. Buddham paccakkhamiti na vevacanena paccakkhanam
yatharuttameva. Sammasambuddham paccakkhami anantabuddhim anomabuddhim
bodhippannanam dhiram vigatamoham pabhinnakhilam vijitavijayam paccakkhamitievamadi
buddhavevacanena sikkhapaccakkhanam. Dhammam paccakkhamiti na
vevacanena paccakkhanam yatharuttameva. Svakkhatam dhammam paccakkhami
sanditthikam akalikam ehipassikam opanayikam paccattam veditabbam vinnuhi
dhammam paccakkhami asankhatam dhammam paccakkhami viragam nirodham amatam
dhammam paccakkhami dighanikayam paccakkhami brahmajalam majjhimanikayam
mulapariyayam samyuttanikayam anguttaranikayam jatakanikayam abhidhammam
kusalam dhammam akusalam dhammam abyakatam dhammam satipatthanam sammappadhanam
iddhipadam indriyam balam bojjhangam maggam phalam nibbanam paccakkhami
caturasitidhammakkhandhasahassesu ekadhammakkhandhassapi namam
dhammavevacanameva. Evam dhammavevacanena sikkhapaccakkhanam hoti. Sangham
paccakkhamiti na vevacanena paccakkhanam. Supatipannam sangham paccakkhami
ujupatipannam nayapatipannam samicipatipannam sangham catuppurisayugam sangham
atthapurisapuggalam sangham ahuneyyam pahuneyyam dakkhineyyam anjalikaraniyam
anuttaram punnakkhettam sangham paccakkhamiti evam sanghavevacanena
sikkhapaccakkhanam hoti. Sikkham paccakkhamiti na vevacanena
Paccakkhanam. Bhikkhusikkham paccakkhami bhikkhunisikkham adhisilasikkham
adhicittasikkham adhipannasikkham paccakkhamiti evam sikkhavevacanena
sikkhapaccakkhanam hoti. Vinayam paccakkhamiti na vevacanena
paccakkhanam. Bhikkhuvinayam paccakkhami bhikkhunivinayam pathamam parajikam
dutiyam tatiyam catuttham parajikam sanghadisesam thullaccayam pacittiyam
patidesaniyam dukkatam dubbhasitam paccakkhamitievamadi vinayavevacanena
sikkhapaccakkhanam hoti. Patimokkham paccakkhamiti na vevacanena
paccakkhanam. Bhikkhupatimokkham paccakkhami bhikkhunipatimokkham
paccakkhamiti evam patimokkhavevacanena sikkhapaccakkhanam hoti.
Uddesam paccakkhamiti na vevacanena paccakkhanam. Bhikkhupatimokkhuddesam
pathamam patimokkhuddesam dutiyam tatiyam catuttham pancamam patimokkhuddesam
sammasambuddhuddesam anantabuddhiuddesam anomabuddhiuddesam
bodhippannanuddesam dhiruddesam vigatamohuddesam pabhinnakhiluddesam
vijitavijayuddesam paccakkhamitievamadi uddesavevacanena sikkhapaccakkhanam
hoti. Upajjhayam paccakkhamiti na vevacanena paccakkhanam. Yo mam
pabbajesi yo mam upasampadesi yassa mulenaham pabbajito yassa
mulenaham upasampanno yassa mulika mayham pabbajja yassa mulika
mayham upasampada taham paccakkhamiti evam upajjhayavevacanena
sikkhapaccakkhanam hoti. Acariyam paccakkhamiti na vevacanena
paccakkhanam. Yo mam pabbajesi yo mam anussavesi yaham
nissaya vasami yaham uddisapemi yaham paripucchami yo me
Uddisati yo mam paripucchapeti taham paccakkhamiti evam
acariyavevacanena sikkhapaccakkhanam hoti. Saddhiviharikam paccakkhamiti
na vevacanena paccakkhanam. Yaham pabbajesim yaham upasampadesim
mayham mulena yo pabbajito mayham mulena yo upasampanno
mayham mulika yassa pabbajja mayham mulika yassa upasampada
taham paccakkhamiti evam saddhiviharikavevacanena sikkhapaccakkhanam
hoti. Antevasikam paccakkhamiti na vevacanena paccakkhanam.
Yaham pabbajesim yaham anussavesim yo mam nissaya vasati
yo mam uddisapeti yo mam paripucchati yassaham uddisami
yaham paripucchapemi tam paccakkhamiti evam antevasikavevacanena
sikkhapaccakkhanam hoti. Samanupajjhayakam paccakkhamiti na vevacanena
paccakkhanam. Mayham upajjhayo yam pabbajesi yam upasampadesi
yo tassa mule 1- pabbajito yo tassa mule 1- upasampanno yassa
tammulika pabbajja yassa tammulika upasampada tam paccakkhamiti
evam samanupajjhayakavevacanena sikkhapaccakkhanam hoti. Samanacariyakam
paccakkhamiti na vevacanena paccakkhanam. Mayham acariyo yam pabbajesi
yam anussavesi yo tam nissaya vasati yo tam uddisapeti
paripucchati yassa me acariyo uddisati yam  paripucchapeti tam
paccakkhamiti evam samanacariyakavevacanena sikkhapaccakkhanam hoti.
Sabrahmacarim paccakkhamiti na vevacanena paccakkhanam. Yenaham
@Footnote: 1. hettha karanavacanam katam.
Saddhim adhisilam sikkhami adhicittam adhipannam sikkhami tam paccakkhamiti
evam sabrahmacarivevacanena sikkhapaccakkhanam hoti. Gihiti mam
dharehiti na vevacanena paccakkhanam. Agarikoti mam dharehi
kasako vanijo gorakkho ogallako molibaddho kamagunikoti mam
dharehiti evam gihivevacanena sikkhapaccakkhanam hoti. Upasakoti
mam dharehiti na vevacanena paccakkhanam. Dvevaciko upasakoti
mam dharehi tevaciko buddham saranagamaniko dhammam sangham saranagamaniko
pancasikkhapadiko dassikkhapadiko upasakoti mam dharehiti evam
upasakavevacanena sikkhapaccakkhanam hoti. Aramikoti mam dharehiti
na vevacanena paccakkhanam. Kappiyakarakoti mam dharehi veyyavaccakaro
apaharitakarako yagubhajako phalabhajako khajjakabhajakoti mam dharehiti
evam aramikavevacanena sikkhapaccakkhanam hoti. Samaneroti mam
dharehiti na vevacanena paccakkhanam. Kumarakoti mam dharehi
cetako 1- petako monigallo samanuddesoti mam dharehiti evam
samaneravevacanena sikkhapaccakkhanam hoti. Titthiyoti mam dharehiti
na vevacanena paccakkhanam. Nigganthoti mam dharehiti ajivako
tapaso paribbajako pandarangoti mam dharehiti evam titthiyavevacanena
sikkhapaccakkhanam hoti . Titthiyasavakoti mam dharehiti na vevacanena
paccakkhanam. Nigganthasavakoti mam dharehi ajivakatapasa-
paribbajakapandarangasavakoti mam dharehiti evam titthiyasavakavevacanena
@Footnote: 1. sabbattha celakoti likhiyati.
Sikkhapaccakkhanam hoti. Assamanoti mam dharehiti na vevacanena
paccakkhanam. Dussiloti mam dharehi papadhammo asucisankassarasamacaro
paticchannakammanto assamano samanapatinno abrahmacari
brahmacaripatinno antoputi avassuto kasambujato kondoti mam
dharehiti evam assamanavevacanena sikkhapaccakkhanam hoti.
Asakyaputtiyoti mam dharehiti na vevacanena paccakkhanam. Na
sammasambuddhaputtoti mam dharehi na anantabuddhiputto na
anomabuddhiputto na bodhippannanaputto na dhiraputto na vigatamohaputto na
pabhinnakhilaputto na vijitavijayaputtoti mam dharehiti evamadi
asakyaputtiyavevacanena sikkhapaccakkhanam hoti. Tehi akarehi tehi
lingehi tehi nimittehiti tehi buddhavevacanani vatiadina nayena
vuttehi buddhadinam vevacanehi. Vevacanani hi sikkhapaccakkhanassa
karanatta akarati buddhadinam santhanadipanatta sikkhapaccakkhanasanthanatta
eva va linganiti sikkhapaccakkhanassa sanjananahetuto
manussanam tilakadini viya nimittaniti vuccanti. Evam kho bhikkhaveti
itoparam annassa sikkhapaccakkhanakaranassa abhavato niyamento
aha. Ayam hettha attho evameva dubbalyavikammanceva hoti
sikkhapaccakkhananca na ito param karanamatthiti. {54} Evam
sikkhapaccakkhanalakkhanam dassetva apaccakkhane asammohattham tasseva ca
sikkhapaccakkhanalakkhanassa puggaladivasena vipattidassanattham kathanca
bhikkhave apaccakkhatatiadimaha. Tattha yehi akarehitiadi
Vuttanayameva. Ummattakoti yakkhummattako va pittummattako
va yokoci viparitasanno. So sace paccakkhati apaccakkhata
hoti sikkha. Ummattakassati tadisasseva ummattakassa.
Tadisassa hi santike sace pakatatto sikkham paccakkhati ummattako
na janati apaccakkhata hoti sikkha. Khittacittoti yakkhummattako
vuccati. Purimapade pana ummattakasamannena vuttam yakkhummattako
va pittummattako vati. Ubhinnampi viseso anapattivare
avibhavissati. Evam khittacitto paccakkhati apaccakkhatava
hoti. Tassa santike paccakkhatapi tamhi ajanante apaccakkhata
hoti. Vedanattoti balavatiya dukkhavedanaya phuttho mucchapareto.
Tena vippalapantena paccakkhatapi apaccakkhata hoti. Tassa
santike paccakkhatapi tamhi ajanante apaccakkhata hoti.
Devataya santiketi bhummadevatam adim katva yava akanitthadevataya
santike paccakkhata apaccakkhata hoti. Tiracchanagatassati
nagamanavakassa va supannamanavakassa va kinnarahatthimakkatadinam
va yassa kassaci santike paccakkhata apaccakkhatava hoti.
Tatra utmattakadinam santike ajananabhavena apaccakkhatava.
Devataya santike atikhippam jananabhavena. Devata nama mahapanna
tihetukapatisandhika atikhippam jananti. Cittayca nametam lahuparivattam
tasma cittalahukassa puggalassa cittavaseneva ma atikhippam vinaso
ahositi devataya santike sikkhapaccakkhanam patikkhipi. Manussesu
Pana niyamo natthi yassa kassaci sabhagassa va visabhagassa va
gahatthassa va pabbajitassa va vinnussa santike paccakkhata
paccakkhatava hoti. Sace pana so na janati apaccakkhatava
hoti. Etamattham dassento ariyakenatiadimaha. Tattha ariyakannama
ariyavoharo magadhabhasa. Milakkhakam nama yokoci anariyako
andhadamiladi. So ce na pativijanatiti bhasantare va anabhinnataya
buddhasamaye va akovidataya imannama attham esa bhanatiti na
pativijanati. Davayati sahasa annam bhanitukamo sahasa buddham
paccakkhamiti bhanati. Ravayati ravabhannena. Annam bhanissamiti
annam bhananto purimena ko visesoti ce. Purimam panditassapi
sahasavasena annam bhananam. Idam pana mandatta momuhatta
pakkhalantassa annam bhanissamiti annam bhananam. Assavetukamo
savetiti imassa sikkhapadassa palim vaceti paripucchati ugganhati
sajjhayam karoti vanneti ayam vuccati assavetukamo savetiti.
Savetukamo na savetiti dubbalabhavam avikatva sikkham paccakkhanto
vacibhedam na karoti ayam vuccati savetukamo na savetiti.
Avinnussa savetiti mahallakassa va potthakarupasadisassa garumedhassa
va samaye akovidassa gamadarakanam va avinnutam pattanam
saveti. Vinnussa na savetiti panditassa natum samatthassa na
saveti. Sabbaso va panati buddham paccakkhamitiadisu yena
pariyayena sikkha paccakkhata hoti tato ekampi vacibhedam
Katva na saveti. Evam khoti apaccakkhanalakkhanam niyameti.
Ayam hi ettha attho evameva sikkha apaccakkhata hoti
na annena karanenati.
     {๕๕} Idani methunam dhammam patiseveyyatiadinam atthadassanattham
methunadhammo namatiadimaha. Tattha methunadhammo namati idam
niddisitabbassa methunadhammassa uddesapadam. Asaddhammoti asatam
nicajananam dhammo. Gamadhammoti gamavasinam sevanadhammo.
Vasaladhammoti vasalanam dhammo. Kilesavassanato va sayameva
vasalo dhammoti vasaladhammo. Dutthullanti dutthanca kilesehi
dutthatta thullanca anipunabhavatoti dutthullam. Ito patthaya ca
tisu padesu yo soti idam parivattetva yantanti katva
yojetabbam yantam dutthullam yantam odakantikam yantam rahassanti.
Ettha ca yasma tassa kammassa parivarabhutam dassanampi gahanampi
amasanampi phusanampi ghattanampi dutthullam tasmapi tam kammam
dutthullam yantam dutthullam so methunadhammo udakam assa ante
suddhattham adiyatiti udakantam udakantameva odakantikam yantam
odakantikam so methunadhammo raho paticchanne okase
kattabbataya rahassam yantam rahassam so methunadhammoti evam
yojana veditabba. Dvayena dvayena samapajjitabbato
dvayadvayasamapatti 1-. Tattha yojana ya sa dvayadvayasamapatti
so methunadhammo namati. Idha pana tam sabbam ekajjham nigamento
@Footnote: 1. dvayanadvayasamapattitipi likhiyati. visuddhimaggatikayam dvayadvayasamapattinti
@dvihi dvihi samapajjitabbam methunanti vuttam. manorathapuraniyampi
@dvayadvayasamapattinti dvihi dvihi samapajjitabbabhavanti vuttam.
Aha eso methunadhammo namati. Kimkarana vuccati
methunadhammoti. Ubhinnam rattanam sarattanam avastutanam pariyutthitanam
ubhinnam sadisanam dhammoti tamkarana vuccati methunadhammoti.
Patisevati namati idam patiseveyyati ettha yenakarena
patiseveyyati vuccati tassakarassa dassanattham matikapadam.
Yo nimittena nimittantiadisu yo bhikkhu itthiya nimittena
attano nimittam itthiya angajatena attano angajatam sabbantimena
pamanena ekatilabijamattampi vatena asamphutthe allokase paveseti
eso patisevati nama. Ettakena silabhedam papunati parajiko
hoti. Ettha ca itthinimitte cattari passani vemajjhancati
pancatthanani labbhanti. Purisanimitte cattari passani majjham
upariti cha. Tasma itthinimitte hettha pavesentopi parajiko
hoti uparito pavesentopi ubhohi passehi pavesentopi cattari
thanani muncitva majjhena pavesentopi parajiko hoti.
Purisanimittam pana hetthabhagena chupantam pavesentopi parajiko
hoti uparibhagena chupantam pavesentopi ubhohi passehi chupantam
pavesentopi majjheneva chupantam pavesentopi samminjitaanguli viya
majjhimapabbapitthiya sankopetva uparibhagena chupantam pavesentopi
parajiko hoti. Tattha tuladandasadisam pavesentassapi cattari
passani majjhancati pancatthanani. Sankopetva pavesentassapi
cattari passani uparibhagamajjhancati pancatthanani. Evam
Sabbanipi purisanimitte dasatthanani honti. Nimitte jatam
anatthakayappasadam cammakhilam va pilakam va paveseti apatti
parajikassa. Natthakayappasadam matacammam va sukkhapilakam va
paveseti apatti dukkatassa. Methunassadena lomam va
anguliangutthabijani va pavesentassapi dukkatameva. Ayanca methunakatha
nama yasma dutthulla katha asabbhikatha tasma etam va annam
va vinaye idisam thanam kathentena patikulamanasikaranca samanasannanca
hirottappanca paccupatthapetva sammasambuddhe garavam uppadetva
asamakarunassa lokanathassa karunagunam avajjitva kathetabbam.
So hi nama bhagava sabbaso kamehi vinivattamanasopi sattanudayaya
lokanukampaya sattesu karunnatam paticca sikkhapadappannapanatthaya
idisam katham kathesi aho satthu karunagunoti evam lokanathassa
karunagunam avajjitva kathetabbam. Apica yadi bhagava sabbakarena
idisam katham na katheyya ko janeyya ettakesu thanesu parajikam
ettakesu thullaccayam ettakesu dukkatanti. Tasma sunantenapi
kathentenapi vijanakena mukham apidhaya dantavidamsakam hasamanena na
nisiditabbam. Sammasambuddhenapi idisam kathitanti paccavekkhitva
tabbhitena hirottappasampannena satthupatibhagena hutva kathetabbanti.
                 Mulappannattisikkhapadam nitthitam.
     Anuppannattivare antamasoti sabbantimena paricchedena.
Tiracchanagatayapiti patisandhivasena tiracchanesu gataya. Pageva
Manussitthiyati pathamataram manussajatikaya itthiya. Parajikabhutaeva
cettha tiracchanagatitthi tiracchanagatati gahetabba na sabba.
Tatrayam paricchedo
        apadanam ahimaccha        dipadananca kukkuti
        catuppadanam majjari        vatthu parajikassimati.
Tattha ahiggahanena sabbapi ajagaragonasadibheda dighajati sangahita.
Tasma dighajatisu yattha tinnam magganam annatarasmim sakka
tilaphalamattam pavesetum sa parajikavatthu avasesa dukkatavatthuti
veditabba. Macchaggahanena sabbapi macchakacchapamandukadibheda
udakajati sangahita. Tatrapi dighajatiyam vuttanayeneva
parajikavatthuca dukkatavatthuca veditabbam. Ayam pana viseso
kharakamukhamanduka nama honti tesam mukhasanthanam mahantam chiddam appakam
tattha pavesanam nappahoti mukhasanthanam pana vanasankhepam gacchati
tasma tam thullaccayavatthuti veditabbam. Kukkutiggahanena sabbapi
kakakapotadibheda pakkhijati sangahita. Tatrapi vuttanayeneva
parajikavatthu ca dukkatavatthu ca veditabbam. Majjariggahanena sabbapi
rukkhasunakhamangusagodhadibheda catuppadajati sangahita. Tatthapi
vuttanayeneva parajikavatthu ca dukkatavatthu ca veditabbam. Parajikoti
parajito parajayam apanno. Ayam hi parajikasaddo
sikkhapadapattipuggalesu vattati. Tattha atthanametam ananda anavakaso
yam tathagato vajjinam va vajjiputtakanam va karana savakanam
Parajikasikkhapadam pannattam samuhaneyyati evam sikkhapade vattamano
veditabbo. Apattim tvam bhikkhu apanno parajikanti evam
apattiya. Na mayam parajika yo avahato so parajikoti
evam puggale vattamano veditabbo. Parajikena dhammena
anuddhamseyyatiadisu pana dhamme vattatiti vadanti. Yasma pana
tattha dhammoti katthaci apatti katthaci sikkhapadameva adhippetam
tasma so visum na vattabbo. Tattha sikkhapadam yo tam
atikkamati tam parajeti tasma parajikanti vuccati. Apatti
pana yo tam ajjhapajjati tam parajeti tasma parajikati
vuccati. Puggalo yasma parajito parajayamapanno tasma
parajikoti vuccati. Etameva hi attham sandhaya parivarepi
       parajikanti yam vuttam         tam sunahi yathakatham
       cuto paraddho bhattho ca    saddhamma hi nirankato
       samvasopi tahim natthi        tenetam iti vuccatiti
vuttam. Ayam hettha attho tam sikkhapadam vitikkamanto apattinca
apanno puggalo cuto hotiti sabbam yojetabbam. Tena
vuccatiti yena karanena assamano hoti asakyaputtiyo paribhattho
chinno parajito sasanato tena vuccati. Kinti. Parajiko
hotiti. Saha vasanti etthati samvaso. Tam dassetum samvaso
namati vatva ekakammantiadimaha. Tatrayam saddhim yojanaya
samvannana. Catubbidhampi sanghakammam simaparicchinnehi pakatattehi
Bhikkhuhi ekato kattabbatta ekakammam nama. Tatha pancavidhopi
patimokkhuddeso ekato uddisitabbatta ekuddeso nama. Pannattam
pana sikkhapadam sabbehipi lajjipuggalehi samam sikkhitabbabhavato
samasikkhata nama. Ettha yasma sabbepi lajjino etesu
kammadisu saha vasanti na ekopi tato bahiddha sandissati
tasma tani sabbanipi gahetva eso samvaso namati aha.
So ca vuttappakaro samvaso tena puggalena saddhim natthi tena
karanena parajiko puggalo asamvasoti vuccatiti.



             The Pali Atthakatha in Roman Book 1 page 292-311. http://84000.org/tipitaka/atthapali/read_rm.php?B=1&A=6144&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=1&A=6144&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=30              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=803              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=816              The Pali Tipitaka in Roman Character :- http://84000.org/tipitaka/read/roman_read.php?B=1&A=816              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]