|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
nayo sabbattha. {58} Evam sevanacitteneva pavesentassa apattim
dassetva idani yasma tam pavesanam nama na kevalam attupakkamena
parupakkamenapi hoti tatrapi ca sadiyantasseva apatti
patisevanacittasamangissa na itarassa tasma ye saddhapabbajita kulaputta
sammapatipannaka parapakkamena pavesanepi sati na sadiyanti tesam
Rakkhanattham bhikkhupaccatthika manussitthintiadimaha. Tattha patipakkham
atthayanti icchantiti paccatthika. Bhikkhueva paccatthika
bhikkhupaccatthika. Visabhaganam veribhikkhunametam adhivacanam. Manussitthim
bhikkhuno santike anetvati issapakata tam bhikkhum nasetukama
amisena va upalapetva mittasanthavavasena va idam amhakam
kiccam karohiti vatva kanci manussitthim rattibhage tassa bhikkhussa
vasanokasam anetva. Vaccamaggena angajatam abhinisidentiti
tam bhikkhum hatthapadasisadisu suggahitam nippariphandam gahetva itthiya
vaccamaggena tassa bhikkhuno angajatam abhinisidenti sampayojentiti
attho. So cetiadisu so ce bhikkhu vaccamaggabbhantaram
attano angajatassa pavesanam sadiyati adhivaseti tasmim khane
sevanacittam upatthapeti pavittham sadiyati adhivaseti pavitthakale
sevanacittam upatthapeti thitam sadiyati adhivaseti thanappattakale
sukkavisatthisamaye sevanacittam upatthapeti uddharanam sadiyati adhivaseti
niharanakale patisevanacittam upatthapeti evam catusu thanesu sadiyanto
mama verisamanehi idam katanti vattum na labhati parajikapattimeva
apajjati. Yatha ca imani cattari sadiyanto apajjati evam
purimam ekam asadiyitva tini sadiyantopi dve asadiyitva dve
sadiyantopi tini asadiyitva ekam sadiyantopi apajjatiyeva.
Sabbaso pana asadiyanto asivisamukham viya angarakasum viya ca
pavittham angajatam mannamano napajjati. Tena vuttam pavesanam na
Sadiyati .pe. Uddharanam na sadiyati anapattiti. Imam hi
evarupam araddhavipassakam kaye ca jivite ca anapekkham ekadasahi
aggihi sampajjalitaniva sabbayatanani ukkhittasike viya ca vadhake
pancakamagune passantam puggalam rakkhanto bhagava paccatthikanam
cassa manorathavighatam karonto imam pavesanam na sadiyatitiadikam
catukkam niharitva thapetiti.
Pathamacatukkakatha nitthita.
{59-60} Evam pathamam catukkam dassetva idani yasma bhikkhupaccatthika
itthim anetva na kevalam vaccamaggeneva abhinisidenti athakho
passavamaggenapi mukhenapi. Itthim anentapi ca keci jagarantim
anenti keci suttam keci mattam keci ummattam keci pamattam
annavihitam vikkhittanti attho. Keci matam akkhayitam sonasigaladihi
akkhayitanimittanti attho. Keci matam yebhuyyena akkhayitam. Yebhuyyena
akkhayita nama yassa nimitte vaccamagge va passavamagge va
mukhe va bahutaro okaso akkhayito hoti. Keci matam yebhuyyena
khayitam. Yebhuyyena khayita nama yassa vaccamaggadike nimitte
bahum khayitam hoti appam akkhayitam. Na kevalanca manussitthimeva
anenti athakho amanussitthimpi tiracchanagatitthimpi. Na kevalanca
vuttappakaram itthimeva ubhatobyanjanakampi pandakampi purisampi
anenti. Tasma tesam vasena annanipi catukkani dassento
bhikkhupaccatthika manussitthim jagarantintiadimaha. Tattha paliya
Asammohattham vuttacatukkani evam sankhyato veditabbani.
Manussitthiya tinnam magganam vasena tini suddhikacatukkani tini
jagaranticatukkani tini suttacatukkani tini mattacatukkani tini
ummattacatukkani tini pamattacatukkani tini mataakkhayitacatukkani
tini yebhuyyena akkhayitacatukkani tini yebhuyyena khayitacatukkaniti
sattavisati catukkani. Tatha amanussitthiya tatha tiracchanagatitthiyati
itthivare ekasiti catukkani. Yatha ca itthivare evam
ubhatobyanjanakavare. Pandakapurisavaresu pana dvinnam magganam vasena
catuppannasa catuppannasa honti. Evam sabbanipi dve satani
sattati ca catukkani honti. Tani uttanatthaniyeva.
Sabbavaresu panettha matam yebhuyyena akkhayitam yebhuyyena khayitanti
etasmim thane ayam vinicchayo. Tambapannidipe kira dve vinayadhara
samanacariyakatthera ahesum upatissatthero ca pussadevatthero ca.
Te mahabhaye vinayapitakam pariharanta rakkhimsu. Tesu upatissatthero
byattataro. Tassapi dve antevasika ahesum mahapadumatthero ca
mahasumatthero ca. Tesu mahasumatthero navakkhattum vinayapitakam
assosi. Mahapadumatthero tena saddhim navakkhattum visunca ekako
navakkhattunti attharasakkhattum assosi. Ayameva tesu byattataro.
Tesu mahasumatthero navakkhattum vinayapitakam sutva acariyam muncitva
aparagangam agamasi. Tato mahapadumatthero aha suro vata re
esa vinayadharo yo dharamanakamyeva acariyam muncitva annattha
Vasitabbam mannati nanu acariye dharamane vinayapitakanca atthakathanca
anekakkhattum gahetvapi na vissajjetabbam niccakalam sotabbam anusamvaccharam
sajjhayitabbanti. Evam vinayagarukanam bhikkhunam kale ekadivasam
upatissatthero mahapadumattherappamukhanam pancannam antevasikasatanam
pathamaparajikasikkhapade imam padesam vannento nisinno hoti.
Tam antevasika pucchimsu bhante yebhuyyena akkhayite parajikam
yebhuyyena khayite thullaccayam upaddhakkhayite kena bhavitabbanti.
Thero aha avuso buddha nama parajikam pannapenta na
savasesam katva pannapenti anavasesam katva sabbam pariyadiyitva
sotam chinditva parajikavatthusmim parajikameva pannapenti idam
hi sikkhapadam lokavajjam na pannattivajjam tasma yadi
upaddhakkhayite parajikam bhaveyya pannapeyya sammasambuddho
parajikacchaya panettha na dissati thullacyameva dissatiti. Apica
matasarire parajikam pannapento bhagava yebhuyyena akkhayite thapesi
tato param parajikam natthiti dassetum thullaccayam pannapento
yebhuyyena khayite thapesi tato param thullaccayam natthiti dassetunti
veditabbam. Khayitakhayitanca nametam matasarirasmimyeva veditabbam na
jivamane. Jivamane hi nakhapitthippamanepi mamse va naharumhi
va sati parajikameva hoti. Yadipi nimittam sabbaso khayitam chavicammam
natthi nimittasanthanam pannayati pavesanam jayati parajikameva.
Nimittasanthanam pana anavasesetva sabbasmim nimitte chinditva
Samantato tacchetva uppatite vanasankhepavasena thullaccayam.
Nimittato patitaya mamsapesiya upakkamantassa dukkatam. Matasarire
pana yadipi sabbam sariram khayitam hoti yadipi akkhayitam tayo pana
magga akkhayita tesu upakkamantassa parajikam. Yebhuyyena
akkhayite parajikameva upaddhakkhayite ca yebhuyyena khayite ca
thullaccayam. Manussanam jivamanasarire akkhinasakannacchiddavatthikosesu
satthakadihi katavane va methunaragena tilaphalamattampi angajatam
pavesentassa thullaccayameva. Avasesasarire upakacchakadisu dukkatam.
Mate allasarire parajikakkhette parajikam thullaccayakkhette thullaccayam
dukkatakkhette dukkatam. Yada pana sariram uddhumatakam hoti
kuthitam nilamakkhikasamakinnam kimikulasamakulam navahi vanamukhehi
pagghalitapubbakunapabhavena upagantumpi asakkuneyyam tada parajikavatthunca
thullaccayavatthunca vijahati tadise sarire yattha katthaci upakkamato
dukkatameva. Tiracchanagatanam hatthiassagogadrabhaotthamahisadinam
nasaya thullaccayam. Vatthikose thullaccayameva. Sabbesampi
tiracchanagatanam akkhikannavanesu dukkatam avasesasarirepi dukkatameva.
Matanam allasarire parajikakkhette parajikam thullaccayakkhette
thullaccayam dukkatakkhette dukkatam. Kuthitakunape pubbe vuttanayeneva
sabbattha dukkatam. Kayasamsaggaragena va methunaragena va
jivamanakapurisassa vatthikosam appavesento nimitte nimittam chupati dukkatam.
Methunaragena itthiya appavesento nimittena nimittam chupati
Thullaccayam. Mahaatthakathayam pana itthinimittam methunaragena mukhena
chupati thullaccayanti vuttam. Cammakkhandhake chabbaggiya bhikkhu
aciravatiya nadiya gavinam tarantinam visanesupi ganhanti kannesupi
ganhanti givayampi ganhanti cheppayampi ganhanti pitthimpi abhiruhanti
rattacittapi angajatam chupantiti imissa atthuppattiya avisesena
vuttam na ca bhikkhave rattacittena angajatam chupitabbam yo chupeyya
apatti thullaccayassati. Tam sabbampi samsandetva yatha na virujjhati
tatha gahetabbam. Kathanca na virujjhati. Yam tava mahaatthakathayam
vuttam methunaragena mukhena chupatiti tatra kira nimittamukham mukhanti
adhippetam. Methunaragenati ca vuttattapi ayameva tattha adhippayo
veditabbo. Na hi itthinimitte pakatimukhena methunupakkamo hoti.
Khandhakepi ye pitthim abhiruhanta methunaragena angajatena angajatam
chupimsu te sandhaya thullaccayam vuttanti veditabbam. Itaratha hi
dukkatam siya. Keci panahu khandhakepi mukheneva chupanam sandhaya
olarikatta kammassa thullaccayam vuttam atthakathayampi tam sandhaya
bhasitam gahetvava methunaragena mukhena chupati thullaccayanti vuttanti.
Tasma sutthu sallakkhetva ubhosu vinicchayesu yo yuttataro
so gahetabbo. Vinayannu pana purimam pasamsanti. Kayasamsaggaragena
pana pakatimukhena va nimittamukhena va itthinimittam
chupantassa sanghadiseso. Tiracchanagatitthiya passavamaggam
nimittamukhena chupantassa vuttanayeneva thullaccayam kayasamsaggaragena
Dukkatanti.
Avasesaekunasattaticatukkakatha nitthita.
{61-62} Evam bhagava patipannakassa bhikkhuno rakkhanattham sattatidvisatacatukkani
niharitva idani ye anagate papabhikkhu santhatam 1-
imam na kinci upadinnakam upadinnakena phusati ko ettha
dosoti sancicca lesam odessanti tesam sasane patittha evam na
bhavissatiti disva tesu sattatidvisatacatukkesu ekamekam catukkam catuhi
santhatadibhedehi bhinditva dassento bhikkhupaccatthika manussitthim
bhikkhussa santike anetva vaccamaggena passavamaggena mukhena
angajatam abhinisidenti santhataya asanthatassatiadimaha. Tattha
santhataya asanthatassatiadisu santhataya itthiya vaccamaggena
passavamaggena mukhena asanthatassa bhikkhussa angajatam abhinisidentiti
imina nayena yojana veditabba. Tattha santhata nama yassa
tisu maggesu yokoci maggo palivethetva anto va pavesetva
yena kenaci vatthena va pannena va vakapatena va cammena
va tipusisadinam patena va paticchanno. Santhato nama yassa
angajatam tesamyeva vatthadinam yena kenaci paticchannam. Tattha
upadinnakena va anupadinnakam ghattiyatu anupadinnakena va upadinnakam
anupadinnakena va anupadinnakam upadinnakena va upadinnakam
sace yattake pavitthe parajikam hotiti vuttam tattakam pavisati
@Footnote: 1. puranapotthakesu santhatanti likhiyati.
Sabbattha sadiyantassa parajikakkhette parajikam thullaccayakkhette
thullaccayam dukkatakkhette dukkatameva hoti. Sace itthinimittam
khanum katva santhatam khanum ghattentassa dukkatam. Sace
purisanimittam khanum katva santhatam khanum pavesentassa dukkatam.
Sace ubhayam khanum katva santhatam khanuna khanum ghattentassa
dukkatam. Sace itthinimitte velunalapabbadinam kinci pakkhittam
tassa hetthabhagancepi phusanto tilaphalamattam paveseti parajikam.
Uparibhagancepi ubhosu passesu ekam passam cepi phusanto paveseti
parajikam. Cattaripi passani aphusanto pavesetva tassa talancepi
phusati parajikam. Yadi pana passesu va tale va aphusanto
akasagatameva katva pavesetva niharati dukkatam. Bahiddha khanuke
phusati dukkatameva. Yatha ca itthinimitte vuttam evam sabbattha
lakkhanam veditabbanti.
Santhatacatukkappabhedakatha nitthita.
{63-64} Evam santhatacatukkappabhedam vatva idani yasma na kevalam
manussitthiadike bhikkhussa santike anenti athakho bhikkhumpi tasam
santike anenti tasma tam pabhedam dassento bhikkhupaccatthika
bhikkhum manussitthiya santiketiadina nayena sabbani tani catukkani
punapi niharitva dassesi. Tesu vinicchayo vuttanayeneva veditabboti.
Bhikkhupaccatthikavasena catukkabhedavannana nitthita.
{65} Yasma pana bhikkhupaccatthika evameva karonti
Rajapaccatthikadayopi karonti tasma tampabhedam dassento
rajapaccatthikatiadimaha. Tattha rajayeva paccatthika
rajapaccatthika. Te ca sayam anentapi annehi anapentapi
anentiyevati veditabba. Coraeva paccatthika corapaccatthika.
Dhuttati methunupasamhitakhiddapasuta nagariyakerajiyapurisa 1-
itthidhuttasuradhuttadayo va. Dhuttaeva paccatthika dhuttapaccatthika.
Gandhanti hadayam vuccati tam uppatentiti uppalagandha 2-.
Uppalagandhaeva paccatthika uppalagandhapaccatthika. Te kira na
kasivanijjadihi jivanti panthaghatadini katva puttadaram posenti.
Te kammasiddhim patthayamana devatanam ayacitva tasam balikammattham
manussanam hadayam uppatenti. Sabbakalanca manussa dullabha
bhikkhu pana aranne viharanta sulabha honti. Te silavantam bhikkhum
gahetva silavato vadho nama bhariyo hotiti mannamana tassa
silavinasanattham manussitthiadike va anenti tam va tattha nenti.
Ayamettha viseso. Sesam vuttanayeneva veditabbam. Bhikkhupaccatthikavare
vuttanayeneva ca imesu catusupi varesu catukkani veditabbani.
Paliyam pana sankhittena vuttani.
Sabbakarena catukkappabhedakatha nitthita.
{66} Idani yam vuttam manussitthiya tayo magge methunam dhammam
@Footnote: 1. keratika..itipi . 2. uppalanti vuccati hadayam. tam uppatentiti
@uppalagandha. gandhasaddo hi chandane vattati. avajatam na icchanti yo hoti
@kulagandhanoti sadhakam.
Patisevantassatiadi ettha asammohattham maggena
maggantiadimaha. Tattha maggena magganti itthiya tisu maggesu
annatarena attano angajatam paveseti. Athava sambhinnesu
dvisu maggesu passavamaggena vaccamaggam vaccamaggena va passavamaggam
paveseti. Maggena amagganti passavadimaggena pavesetva
tassa samanta vanena niharati. Amaggena magganti samanta
vanena pavesetva maggena niharati. Amaggena amagganti dvisu
sambhinnavanesu ekena vanena pavesetva dutiyena niharati.
Imassa suttassa anulomavasena sabbattha vanasankhepe thullaccayam
veditabbam. Idani yam parato vakkhati anapatti ajanantassa
asadiyantassati tattha asammohattham bhikkhu suttabhikkhumhitiadimaha.
Tatrayam adhippayo yo patibuddho sadiyati so suttamhi mayi
eso vipatipajji naham janamiti na muccati. Ubho nasetabbati
cettha dvepi linganasanena nasetabba. Tatra dusakassa patinnakaranam
natthi dusito pucchitva patinnaya nasetabbo. Sace na sadiyati
na nasetabbo. Eso nayo samaneravarepi.
Evam tattha tattha tamtam apattinca anapattinca dassetva
idani anapattimeva dassento anapatti ajanantassatiadimaha.
Tattha ajananto nama yo mahaniddam okkanto
parena katam upakkamampi na janati vesaliyam mahavane divaviharam
gato bhikkhu viya evarupassa anapatti. Vuttampi cetam naham
Bhagava janamiti anapatti bhikkhu ajanantassati. Asadiyanto
nama yo janitvapi na sadiyati tattheva sahasa vutthitabhikkhu
viya. Vuttampi cetam naham bhagava sadiyinti anapatti bhikkhu
asadiyantassati. Ummattako nama pittummattako. Duvidham hi
pittam baddhapittam abaddhapittanca. Abaddhapittam lohitam viya
sabbangagatam. Tamhi kupite sattanam kandukacchusarirakampadini
honti. Tani bhesajjakiriyaya vupasamanti. Baddhapittam pana
pittakosake thitam. Tamhi kupite satta ummattaka honti.
Vipallatthasanna hirottappam chaddetva asaruppacaram caranti.
Lahukagarukani sikkhapadani maddantapi na jananti. Bhesajjakiriyayapi
atekiccha honti evarupassa ummattakassa anapatti. Khittacitto
nama visatthacitto yakkhummattako vuccati. Yakkha kira bheravani
va arammanani dassetva mukhena hattham pavesetva hadayarupam
va maddanta satte vipallatthasanne karonti. Evarupassa
khittacittassa anapatti. Tesam pana ubhinnam ayam viseso.
Pittummattako niccameva ummattako hoti pakatisannam na labhati.
Yakkhummattako antarantara pakatisannam patilabhati. Idha pana
pittummattako va hotu yakkhummattako va yo sabbaso
mutthassati kinci na janati aggimpi suvannampi guthampi
candanampi ekasadisam maddanto vicarati evarupassa anapatti.
Antarantara sannam patilabhitva natva karontassa pana apattiyeva.
Vedanatto nama yo adhimattaya dukkhavedanaya aturo kinci na
janati evarupassa anapatti. Adikammiko nama yo tasmim
tasmim kamme adibhuto. Idha pana sudinnatthero adikammiko tassa
anapatti. Avasenanam makkatisamanavajjiputtadinam apattiyevati.
Padabhajaniyavannana nitthita.
Imasmim pana sikkhapade kosallattham idam pakinnakam veditabbam.
Samutthananca kiriya atho sanna sacittakam
lokavajjanca kammanca kusalam vedanaya cati.
Tattha samutthananti sabbasangahiyavasena cha sikkhapadasamutthanani.
Tani parivare avibhavissanti. Samasato pana
sikkhapadannama atthi chassamutthanam atthi catussamutthanam atthi
tisamutthanam atthi kathinasamutthanam atthi elakalomasamutthanam
atthi dhuranikkhepadisamutthanam. Tatrapi kinci kiriyato samutthati
kinci akiriyato samutthati kinci kiriyakiriyato samutthati kinci
siya kiriyato siya akiriyato samutthati kinci siya kiriyato
siya kiriyakiriyato samutthati. Tatrapi atthi sannavimokkham
atthi no sannavimokkham. Tattha yam cittangam labhatiyeva tam
sannavimokkham itaram no sannavimokkham. Puna atthi acittakam
atthi sacittakam. Yam saheva cittena apajjati tam sacittakam.
Yam vinapi cittena apajjati tam acittakam. Tam sabbampi lokavajjam
pannattivajjanti duvidham. Tesam lakkhanam vuttameva.
Kammakusalavedanavasenapi cettha atthi sikkhapadam kayakammam atthi vacikammam.
Tattha yam kayadvarikam tam kayakammam yam vacidvarikam tam vacikammanti
veditabbam. Atthi pana sikkhapadam kusalam atthi akusalam atthi
abyakatam. Dvattimseva hi apattisamutthapakacittani attha
kamavacarakusalacittani dvadasa akusalani dasa kamavacarakiriyacittani
kusalato ca kiriyato ca dve abhinnacittaniti. Tesu
yam kusalacittena apajjati tam kusalam itarehi itaram. Atthi ca
sikkhapadam tivedanam atthi dvivedanam atthi ekavedanam. Tattha yam
apajjanto tisu vedanasu annataravedanasamangi hutva apajjati
tam tivedanam. Yam apajjanto sukhasamangi va upekkhasamangi va
apajjati tam dvivedanam. Yam apajjanto dukkhavedanasamangiyeva
apajjati tam ekavedananti veditabbam. Evam
samutthananca kiriya atho sanna sacittakam
lokavajjanca kammanca kusalam vedanaya cati
imam pakinnakam viditva tesu samutthanadisu idam sikkhapadam
samutthanato ekasamutthanam angavasena dukasamutthanam kayacittato
samutthati. Kiriyasamutthananca karontoyeva hi etam apajjati.
Methunapatisamyuttaya kamasannaya abhavena muccanto sannavimokkham.
Anapatti ajanantassa asadiyantassati hi vuttam. Methunacitteneva
nam apajjati na vina cittenati sacittakam. Saragavaseneva tam
apajjitabbato lokavajjam. Kayadvareneva samutthanato kayakammam.
Cittam panettha angamattam hoti. Na tassa vasena kammabhavo
labbhati. Lobhacittena apajjatabbato akusalacittam. Sukhasamangi
va upekkhasamangi va tam apajjatiti dvivedananti veditabbam.
Sabbancetam apattiyam yujjati. Sikkhapadasisena pana sabbaatthakathasu
desana arulha tasma evam vuttanti.
The Pali Atthakatha in Roman Book 1 page 312-326.
http://84000.org/tipitaka/atthapali/read_rm.php?B=1&A=6579&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=1&A=6579&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=1&i=40
เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=1350
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=1024
The Pali Tipitaka in Roman Character :-
http://84000.org/tipitaka/read/roman_read.php?B=1&A=1024
Contents of The Tipitaka Volume 1
http://84000.org/tipitaka/read/?index_1
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]