|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
8. Gopakamoggallanasuttavannana
[79] Evamme sutanti gopakamoggalanasuttam. Tattha aciraparinibbute
bhagavatiti bhagavati aciraparinibbute, dhatubhajaniyam katva dhammasangitim katum rajagaham
agatakale. Ranno pajjotassa asankamanoti candapajjoto namesa raja
bimbisaramaharajassa sahayo ahosi. Jivakam pesetva bhesajjakaritakalato patthaya
pana dalhamittova jato, so "ajatasattuna devadattassa vacanam gahetva pita
ghatito"ti sutva "mama piyamittam ghatetva esa rajjam karissamiti mannati, mayham
sahayassa sahayanam atthikabhavam janapessami"ti parisati vacam abhasi. Tam sutva
tassa asanka uppanna. Tena vuttam "ranno pajjotassa asankamano"ti.
Kammantoti bahinagare nagarapatisankharapanatthaya kammantatthanam.
Upasankamiti mayam dhammavinayasangitim karessamati vicarama, ayam ca mahesakkho
rajavallabho sangahe kate veluvanassa arakkham kareyyati mannamano upasankami.
Tehi dhammehiti tehi sabbannutananadhammehi. Sabbena sabbanti sabbakarena
sabbam. Sabbatha sabbanti sabbakotthasehi sabbam. Kim pucchamiti pucchati? cha hi
sattharo pathamataram uppanna 1- appannatakulehi nikkhamitva pabbajita, te
tathagate dharamaneyeva kalakata, savakapi nesam appannatakuleheva pabbajita, te
tesam accayena mahavivadam akamsu. Samano pana gotamo mahakula pabbajito,
tassa accayena savakanam mahavivado bhavissatiti ayam katha sakalajambudipam
pattharamana udapadi. Sammasambuddhe ca 2- dharante bhikkhunam vivado nahosi.
Yopi ahosi, sopi tattheva vupasamito. Parinibbutakale panassa "atthasatthiyojana-
satasahassubbedham 3- sinerum apavahitum 4- samatthassa vatassa purato puranapannam kim
thassati, dasa paramiyo puretva sabbannutananam pattassa satthuno alajjamano
maccuraja kassa lajjissati"ti mahasamvegam janetva bhiyyoso mattaya bhikkhu samagga
jata ativiya upasantupasanta, kim nu kho etanti idam pucchamiti pucchati.
Anusannayamanoti anusannayamano, katakatam janantoti attho. Anuvicaramano va.
@Footnote: 1 cha.Ma. ayam patho na dissati 2 Ma. nama 3 Ma. atthasatthiyojanasahassubbedham
@4 Ma. asanthahitum
[80] Atthi nu khoti ayampi hetthimapucchameva pucchati. Appatissaraneti
appatissarane dhammavinaye. Ko hetu dhammasamaggiyati 1- tumhakam samaggabhavassa
ko hetu ko paccayo. Dhammappatissaranati dhammo amhakam patissaranam, dhammo
avassayoti dipeti.
[81] Vattatiti 2- pagunam hutva agacchati. Apatti hoti vitikkamoti
ubhayametam buddhassa anavitikkamanameva. Yathadhammam yathanusittham 3- karemati yatha
dhammo ca anusitthi ca thita, evam karemati attho.
Na kira no bhavanto karenti, dhammo no karetiti padadvayepi
nokaro nipatamattam. Evam sante na kira bhavanto karenti, dhammova karetiti
ayamettha attho.
[83] Tagghati ekamse nipato. Kaham pana bhavam anandoti kim therassa
veluvane vasanabhavam na janatiti? janati. Veluvanassa pananena arakkha
dinna, tasma attanam ukkamsapetukamo pucchati. Kasma pana tena tattha
arakkha dinna? so kira ekadivasam mahakaccayanattheram gijjhakuta otarantam disva
"makkato viya eso"ti aha. Bhagava tam katham sutva "sace khamapeti, iccetam
kusalam, no ce khamapeti, imasmim veluvane gonangulamakkato 4- bhavissati"ti aha.
So tam katham sutva "samanassa gotamassa kathaya dvedhabhavo nama natthi, paccha
me makkatabhutakale gocaratthanam bhavissati"ti veluvane nanavidhe rukkhe ropetva
arakkham adasi. Aparabhage kalam katva makkato hutva nibbatti. "vassakara"ti
vutte agantva samipe atthasi. Tagghati sabbavaresu ekamsavacaneyeva nipato.
Taggha bho anandati evam therena parisamajjhe attano ukkamsitabhavam natva
ahampi theram ukkamsissamiti evamaha.
[84] Na ca kho brahmanati thero kira cintesi "sammasambuddhena
vannitajjhanampi atthi, avannitajjhanampi atthi, ayam pana brahmano sabbameva
@Footnote: 1 cha.Ma. samaggiyati 2 cha.Ma. pavattatiti 3 Si. yathasattham
@4 Si., ka. gonangutthamakkato
Vanneti panhe 1- visamvadeti, na kho pana sakka amassa mukham oloketum na
pindapatam 2- rakkhitum, panham ujum katva kathessami"ti idam vattum araddham.
Antaram karitvati abbhantaram karitva. Evarupam kho brahmana so bhagava jhanam
vannesiti idha sabbasangahikajjhanam nama kathitam.
Yanno mayanti ayam kira brahmano vassakarabrahmanam usuyati, tena
pucchitapanhassa akathanam paccasimsamano kathitabhavam natva "vassakarena pucchitapanham
punappunam tassa namam ganhanto vittharetva kathesi, maya pucchitapanham pana
yatthikotiya uppilento viya ekadesameva kathesi"ti anattamano ahosi, tasma
evamaha. Sesam sabbattha uttanamevati.
Papancasudaniya majjhimanikayatthakathaya
gopakamoggallanasuttavannana nitthita.
--------------
The Pali Atthakatha in Roman Book 10 page 48-50.
http://84000.org/tipitaka/atthapali/read_rm.php?B=10&A=1213&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=10&A=1213&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=14&i=105
เนื้อความพระไตรปิฎกฉบับหลวง :-
http://84000.org/tipitaka/read/r.php?B=14&A=1735
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=14&A=1769
The Pali Tipitaka in Roman Character :-
http://84000.org/tipitaka/read/roman_read.php?B=14&A=1769
Contents of The Tipitaka Volume 14
http://84000.org/tipitaka/read/?index_14
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]