AtthaPali Vol.10

4. Sevitabbasevitabbasuttavannana [109] Evamme sutanti sevitabbasevitabbasuttam. Tattha tanca annamannam kayasamacaranti annam sevitabbam kayasamacaram, annam asevitabbam vadami, sevitabbameva kenaci pariyayena asevitabbanti, asevitabbam va sevitabbanti ca na vadamiti attho. Vacisamacaradisupi eseva nayo. Iti bhagava sattahi padehi matikam thapetva vittharato avibhajitvava desanam nitthapesi. Katma? sariputtattherassa okasakaranattham. [113] Manosamacare micchaditthisammaditthiyo ditthipatilabhavasena visum angam hutva thitati na gahita. [114] Cittuppade akammapathappatta ^1- abhijjhadayo veditabba. [115] Sannapatilabhavare abhijjhasahagataya ^2- sannayatiadini kamasannadinam dassanattham vuttani. [117] Sabyapajjhanti sadukkham. Aparinitthitabhavayati bhavanam aparinitthitabhavaya. Ettha ca sabyapajjhattabhava nama cattaro honti. Yo hi puthujjanopi tenattabhavena bhavam parinitthapetum na sakkoti, tassa patisandhito patthaya akusala dhamma vaddhanti, kusala dhamma ca parihayanti, sadukkhameva attabhavam abhinibbatteti nama. Tatha sotapannasakadagamianagamino. Puthujjanadayo tava hontu, anagami katham sabyapajjham attabhavam abhinibbatteti, kathancassa akusala dhamma abhivaddhanti, kusala dhamma parihayantiti. Anagamipi hi suddhavase nibbatto uyyanavimanakapparukkhe oloketva "aho sukham aho sukhan"ti udanam udaneti, anagamino bhavalobho bhavatanha appahinava honti, tassa appahinatanhataya akusala dhamma ^3- vaddhanti nama, kusala parihayanti nama, sadukkhameva attabhavam abhinibbatteti, aparinitthitabhavoyeva hotiti veditabbo. Abyapajjhanti adukkham. Ayampi catunnam jananam vasena veditabbo. Yo hi puthujjanopi tenattabhavena bhavam parinitthapetum sakkoti, puna patisandhim na @Footnote: ¹ Ma. kammapathapatta ² tika. anabhijjhasahagataya ³ cha.Ma. ayam patho na dissati Ganhati, tassa patisandhiggahanato patthaya akusala parihayanti, kusalayeva vaddhanti, adukkhameva attabhavam nibbatteti, parinitthitabhavoyeva nama hoti. Tatha sotapannasakadagamianagamino. Sotapannadayo tava hontu, puthujjano katham abyapajjham attabhavam nibbatteti, kathancassa akusalaparihaniadini hontiti. Puthujjanopi pacchimabhaviko tenattabhavena bhavam parinitthapetum samattho hoti. Tassa angulimalassa viya ekenunapanasahassam ghatentassapi attabhavo abyapajjhoyeva nama, bhavam parinitthapetiyeva nama. Akusalameva hayati, vipassanameva gabbham ganhapeti nama. [119] Cakkhuvinneyyantiadisu yasma ekaccassa tasmimyeva rupe ragadayo uppajjanti, abhinandati assadeti, abhinandanto assadento anayabyasanam papunati, ekaccassa na uppajjanti, nibbandati virajjati, nibbindanto virajjanto nibbutim papunati, tasma "tanca annamannan"ti na vuttam. Eseva nayo sabbattha. Evam vittharena attham ajanamiti ^1- ettha ke bhagavato imassa bhasitassa attham ajananti, ke na ajanantiti. Ye tava imassa suttassa palinca atthakathanca ugganhitva takkara na honti, yathavuttam anulomapatipadam na patipajjanti, te na ajananti nama. Ye pana takkara honti, yathavuttam anulomapatipadam patipajjanti, te ajananti nama. Evam santepi sappatisandhikanam tava digharattam hitaya sukhaya hotu, appatisandhikanam katham hotiti. Appatisandhika anupadana viya jataveda parinibbayanti, kappasatasahassanampi ^2- accayena tesam puna dukkham nama natthi. Iti ekamsena tesamyeva digharattam hitaya sukhaya hoti. Sesam sabbattha uttanamevati. Papancasudaniya majjhimanikayatthakathaya sevitabbasevitabbasuttavannana nitthita. ------------- @Footnote: ¹ cha.Ma. ajaneyyunti ² Ma. kappasahassampi

The Pali Atthakatha in Roman Book 10 page 69-70. http://84000.org/tipitaka/atthapali/read_rm.php?B=10&A=1751&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=10&A=1751&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=14&i=198 เนื้อความพระไตรปิฎกฉบับหลวง :- http://84000.org/tipitaka/read/r.php?B=14&A=2899 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=14&A=2874 The Pali Tipitaka in Roman Character :- http://84000.org/tipitaka/read/roman_read.php?B=14&A=2874 Contents of The Tipitaka Volume 14 http://84000.org/tipitaka/read/?index_14