|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
10. Devadutasuttavannana [261] Evamme sutanti devadutasuttam. Tattha dve agaratiadi assapurasutte vittharitameva. [262] Nirayam upapannati bhagava katthaci nirayato patthaya desanam devalokena osapeti, katthaci devalokato patthaya nirayena osapeti. Sace saggasampattim vittharetva kathetukamo hoti. Nirayadukkham ekadesato katheti tiracchanayonidukkham pettivisayadukkham manussalokasampattim ekadesato katheti, saggasampattimeva vitthareti. Sace nirayadukkham vittharetva kathetukamo hoti, devalokamanussalokesu sampattim tiracchanayonipettivisayesu ca dukkham ekadesato katheti, nirayadukkhameva vitthareti. So imasmim sutte nirayadukkham vittharetukamo, tasma devalokato patthaya desanam nirayena osapeti. Devalokamanussalokasampattiyo tiracchanayonipettivisayadukkhani ca ekadesato kathetva nirayadukkhameva vittharena kathetum tamenam bhikkhave nirayapalatiadimaha. Tattha ekacce thera "nirayapala nama natthi, yantarupam viya kammameva karanam kareti"ti vadanti. Tesam tam "atthi niraye nirayapalati, amanta, atthi ca karanika"tiadina nayena abhidhamme 1- patisedhitameva. Yatha hi manussaloke kammakaranakaraka 2- atthi, evameva niraye nirayapala atthiti. Yamassa rannoti yamaraja nama vemanikapetaraja, ekasmim kale dibbavimane dibbakapparukkhadibbauyyanadibbanatakadisampattim anubhavati, ekasmim kale kammavipakam, dhammiko raja. Na cesa ekova hoti, catusu pana dvaresu cattaro jana honti. Naddasanti attano santike pesitassa kassaci devadutassa abhavam sandhaya evam vadati. Atha nam yamo "nayam bhasitassa attham sallakkheti"ti natva sallakkhapetukamo ambhotiadimaha. Jatidhammoti jatisabhavo, aparimutto jatiya, jati nama mayham abbhantareyeva atthiti. 3- Parato jaradhammotiadisupi eseva nayo. @Footnote: 1 abhi. ka. 37/1818/628 (sya) 2 ka. kammakaranakammakaranika 3 ka. pavattatiti--------------------------------------------------------------------------------------------- page168.
[263] Pathamam devadutam samanuyunjitvati ettha daharakumaro atthato evam vadati nama "passatha bho mayhampi tumhakam viya hatthapada atthi, sake panamhi muttakarise palipanno, attano dhammataya utthahitva nhayitum na sakkomi, aham kilitthagattomhi, nhapetha manti vattumpi na sakkomi, jatitomhi aparimuttataya ediso jato. Na kho panahameva, tumhepi jatito aparimuttava. Yatheva hi mayham, evam tumhakampi jati agamissati, iti tassa pure jatiya agamanava kalyanam karotha"ti. Tenesa devaduto nama jato, vacanattho pana maghadevasutte vuttova. Dutiyam devadutanti etthapi jarajinnasatto atthato evam vadati nama "passatha bho ahampi tumhe viya taruno ahosim urubalabahubalajavanasampanno, tassa me ta balajavanasampattiyo antarahita, vijjamanapi me hatthapada hatthapadakiccam na karonti, jarayamhi 1- aparimuttataya ediso jato. Na kho panahameva, tumhepi jaraya aparimuttava. Yatheva hi mayham, evam tumhakampi jara agamissati, iti tassa pure agamanava kalyanam karotha"ti. Tenesa devaduto nama jato. Tatiyam devadutanti etthapi gilanasatto 2- atthato evam vadati nama "passatha bho ahampi tumhe viya nirogo ahosim, somhi etarahi byadhina abhihato 3- sake muttakarise palipanno, utthatumpi na sakkomi, vijjamanapi me hatthapada hatthapadakiccam na karonti, byadhitomhi aparimuttataya ediso jato. Na kho panahameva, tumhepi byadhito aparimuttava. Yatheva hi mayham, evam tumhakam byadhi agamissati, iti tassa pure agamanava kalyanam karotha"ti. Tenesa devaduto nama jato. [265] Catuttham devadutanti ettha pana kammakarana va devadutati katabba kammakaranika va. Tattha pana kammakaranapakkhe dvattimsa tava kammakarana atthato evam vadanti nama "mayam nibbattamana na rukkhe va @Footnote: 1 Ma. jaraya 2 Ma. gilanappatto 3 Si. abhibhuto--------------------------------------------------------------------------------------------- page169.
Pasane va nibbattama, tumhadisanam sarire nibbattama, iti amhakam pure nibbattitova kalyanam karotha"ti. Tenete devaduta nama jata. Kammakaranikapi atthato evam vadanti nama "mayam dvattimsa kammakarana karonta na rukkhadisu karoma, tumhadisesu sattesuyeva karoma, iti amhakam tumhesu pure kammakaranakaranatova 1- kalyanam karotha"ti. Tenetepi devaduta nama jata. [266] Pancamam devadutanti ettha matakasatto atthato evam vadati nama "passatha bho mamam amakasusane chadditam uddhumatakadibhavappattam, maranatomhi aparimuttataya ediso jato. Na kho panahameva, tumhepi maranato aparimuttava. Yatheva hi mayham evam tumhakampi maranam agamissati, iti tassa pure agamanava kalyanam karotha"ti. Tenesa devaduto nama jato. Imam pana devadutanuyogam ko labhati, ko na labhatiti? yena tava bahum Papam katam, so gantva niraye nibbattatiyeva. Yena pana parittam papakammam katam, so labhati. Yatha hi sabhandam coram gahetva kattabbameva karonti, na vinicchinanti. Anuvijjitva gahitam pana vinicchayatthanam nayanti, so vinicchayam labhati. Evamsampadametam. Parittapapakamma hi attano dhammatayapi saranti, sariyamanapi saranti. Tattha dighajayantadamilo nama attano dhammataya sari. So kira damilo sumanagirivihare akasacetiyam rattapatena pujesi, atha niraye ussadasamante nibbatto aggijalasaddam sutvava attano pujitapatam anussari, so gantva sagge nibbatto. Aparopi puttassa daharabhikkhuno khalisatakam dento padamule thapesi, maranakalamhi patapatati sadde nimittam ganhi, sopi ussadasamante nibbatto jalasaddena tam satakam anussaritva sagge nibbatto. Evam tava attano dhammataya kusalakammam saritva sagge nibbattatiti. @Footnote: 1 Ma. kammakaranakaranatova--------------------------------------------------------------------------------------------- page170.
Attano dhammataya asarante pana panca devadute pucchati. Tattha koci pathamena devadutena sarati, koci dutiyadihi. Yo pana pancahipi na sarati, tam yamo raja sayam sareti. Eko kira amacco sumanapupphakumbhena mahacetiyam pujetva yamassa pattim adasi, tam akusalakammena niraye nibbattam yamassa santikam nayimsu. Tasmim pancahipi devadutehi kusale asarante yamo sayam olokento disva "nanu tvam mahacetiyam sumanapupphakumbhena pujetva mayham pattim adasi"ti saresi, so tasmim kale saritva devalokam gato. Yamo pana sayam oloketvapi apassanto "mahadukkham nama anubhavissati ayam satto"ti tunhi hoti. [267] Mahanirayeti avicimahanirayamhi. Kim panassa pamanam? abbhantaram Ayamena ca vittharena ca yojanasatam hoti. Lohapathavi lohachadanam ekeka ca bhitti navanavayojanika hoti. Puratthimaya bhittiya acci utthita 1- pacchimam bhittim gahetva tam vinivijjhitva parato yojanasatam gacchati. Sesadisasupi eseva nayo. Iti jalapariyantavasena ayamavittharato attharasayojanadhikani tini yojanasatani, parikkhepato pana navayojanasatani catupannasayojanani, samanta pana ussadehi saddhim dasayojanasahassam hoti. [268] Ubbhatam tadisameva hotiti ettha akkantapadam yava atthito daddham 2- uddharitumeva na sakka. Ayam panettha attho:- hetthato patthaya dayhati, uparito patthaya jhayati, 3- iti akkamanakale dayhamanam pannayati, uddharanakale tadisameva, tasma evam vuttam. Bahusampattoti bahuni vassasatavassasahassani sampatto. Kasma panesa narako aviciti sankham gatoti. Vici nama antaram vuccati, tattha ca aggijalanam va sattanam va dukkhassa va antaram natthi. Tasma so aviciti sankham gatoti. Tassa hi puratthimabhittito jala utthita @Footnote: 1 Ma. utthahitva 2 Si.,ka. dalham 3 Ma. jalati--------------------------------------------------------------------------------------------- page171.
Samsibbamana yojanasatam gantva pacchimabhittim vinivijjhitva parato yojanasatam gacchati. Sesadisasupi eseva nayo. Imesam channam jalanam majjhe nibbatto devadatto, tassa yojanasatappamano attabhavo, dve pada yava gopphaka lohapathavim pavittha, dve hattha yava manibandha lohabhittiyo pavittha, sisam yava bhamukatthito lohachadane pavittham, adhobhagena ekam lohasulam pavisitva kayam vinivijjhantam chadane pavittha, pacinabhittito nikkhantasulam hadayam vinivijjhitva pacchimabhittim pavittham, uttarabhittito nikkhantasulam phasuka vinivijjhitva dakkhinabhittim pavittham. Niccale tathagatamhi aparaddhatta niccalova hutva paccatiti kammasarikkhataya ediso jato. Evam jalanam nirantarataya avici nama. Abbhantare panassa yojanasatike thane naliyam kottetva puritapittham viya satta nirantara, "imasmim thane satto atthi, imasmim natthi"ti na vattabbam, gacchantanam thitanam nisinnanam nipannanam anto natthi, gacchanta va thite va nisinane va nipanne va annamannam na badhanti. Evam sattanam nirantaraya avici. Kayadvare pana cha upekkhasahagatani cittani uppajjanti, ekam dukkhasahagatam. Evam santepi yatha jivhagge cha madhubinduni thapetva ekasmim tambalohabindumhi thapite anudahanabalavataya tadeva pannayati, itarani abboharikani honti, evam anudahanabalavataya dukkhamevettha nirantaram, itarani abboharikaniti. Evam dukkhassa nirantarataya avici. [269] Mahantoti yojanasatiko. So tattha patatiti eko pado mahaniraye hoti, eko guthaniraye nipatati. Sucimukhati sucisadisamukha, te hatthigivappamana ekadonikanavappamana va honti. Kukkulanirayoti yojanasatappamanova anto kutagaramattavitaccitangarapunno adittacharikanirayo, yattha patitapatita kudrusakarasimhi khittaphalavasisiladini 1- viya hetthimatalameva ganhanti. @Footnote: 1 ka. khitta sasaparasimhi siddhatthaphaladini--------------------------------------------------------------------------------------------- page172.
Aropentiti ayadandehi pothenta aropenti. Tesam arohanakale te kantaka adhomukha honti, orohanakale uddhammukha. Vateritaniti kammamayena vatena calitani. Hatthampi chindantiti phalake mamsam viya kottayamanani chindanti. Sace utthaya palayati, ayopakaro samutthahitva parikkhipati, hettha khuradhara samutthati. Kharodaka naditi vettarani nama tambalohanadi. Tattha ayomayani kharavalikapokkharapattani, 1- hettha khuradhara ubhosu tiresu vettalata ca kusatinani ca. So tattha dukkha tibba kharati so tattha uddhanca adho ca vuyhamano pokkharapattesu chijjati. Singhatakasanthanaya kharavalikaya 2- kantakehi vijjhiyati. Khuradharahi phaliyati, ubhosu tiresu kusatinehi vilekhati. Vettalatahi akaddhiyati, tikkhasattihi phaliyati. [270] Tattena ayosankunati tena 3- jighacchitomhiti vutte mahantam lohapacchim lohagulanam puretva tam upagacchanti, so lohagulabhavam natva dante samphuseti. Athassa te tattena ayosankuna mukham vivaranti, tambalohadharehi mahantena lohakatahena tambaloham upanetva evamevam karonti. Puna mahanirayeti evam pancavidhabandhanato patthaya yava tambalohapana tambalohapanato patthaya puna pancavidhabandhanadini karetva mahaniraye pakkhipanti. Tattha koci pancavidhabandhaneneva muccati. Koci dutiyena, koci tatiyena, koci tambalohapanena muccati, kamme pana aparikkhine puna mahaniraye pakkhipanti. Idam pana suttam ganhanto eko daharabhikkhu "bhante ettakam dukkham anubhavitasattam 4- punapi mahaniraye pakkhipanti"ti aha. Ama avuso kamme aparikkhine punappunam evam karontiti. Titthatu bhante uddeso, kammatthanameva kathethati kammatthanam kathapetva sotapanno hutva agamma uddesam @Footnote: 1 Si. ayomaya kharavalliya..., Ma. ayomayani khuravallika... @2 Si. kharavallikaya, Ma. kharavalukaya 3 Si. tenahi 4 Ma. anubhavitabbam--------------------------------------------------------------------------------------------- page173.
Aggahesi. Annesampi imasmim padese uddesam thapetva arahattam pattanam ganana natthi. Sabbabuddhanancetam suttam avijahitameva hoti. [271] Hinakayupagati hinakayam upagata hutva. Upadaneti tanhaditthiggahane. Jatimaranasambhaveti jatiya ca maranassa ca karanabhute. Anupadati catuhi upadanehi anupadiyitva. Jatimaranasankhayeti jatimaranasankhayasankhate 1- nibbane vimuccanti. Ditthadhammabhinibbutati ditthadhamme imasmimyeva attabhave sabbakilesanibbanena nibbuta. Sabbadukkham upaccagunti sabbadukkhatikkanta nama honti. Papancasudaniya majjhimanikayatthakathaya devadutasuttavannana nitthita. Tatiyavaggavannana nitthita. ------------ @Footnote: 1 Ma. jatiya maranassa khayasankhateThe Pali Atthakatha in Roman Book 10 page 167-173. http://84000.org/tipitaka/atthapali/read_rm.php?B=10&A=4252&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=10&A=4252&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=14&i=504 เนื้อความพระไตรปิฎกฉบับหลวง :- http://84000.org/tipitaka/read/r.php?B=14&A=6750 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=14&A=6669 The Pali Tipitaka in Roman Character :- http://84000.org/tipitaka/read/roman_read.php?B=14&A=6669 Contents of The Tipitaka Volume 14 http://84000.org/tipitaka/read/?index_14
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]