ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter  
Atthakatha Book 11 : PALI ROMAN Sam.A. (sarattha.1)

                        10. Samiddhisuttavannana
       [20] Dasame tapodarameti tapodassa tattodakassa rahadassa vasena
evam laddhaname arame. Vebharapabbatassa kira hettha bhummatthakanaganam
pancayojanasatikam nagabhavanam  devalokasadisam manimayena 8- talena aramuyyanehi ca
samannagatam. Tattha naganam kilanatthane mahaudakarahado, tato tapoda nama
nadi sandati kuthita unhodaka. Kasma panesa edisa? rajagaham kira
parivaretva mahapetaloko titthati. Tattha dvinnam mahalohakumbhinirayanam antarena
ayam tapoda agacchati. Tasma kuthita sandati. Vuttampi cetam:-
           "yatayam 9- bhikkhave tapoda sandati, so daho 10-
            acchodako satodako sitodako setodako
            supatittho 11- ramaniyo pahutamacchakacchapo, cakkamattani ca
            padumani pupphanti. Apicayam bhikkhave tapoda dvinnam mahanirayanam
            anantarikaya agacchati, tenayam tapoda kuthita sandati"ti 12-
@Footnote: 1 cha.Ma. darabharanassa   2 Si. puttanipphattiya   3 Ma. asayam   4 cha.Ma., i. athassa
@5 Ma. anumodetva       6 cha.Ma., i. vanditva gandhamaladihi     7 Ma. devabhavanameva
@8 Ma. nimmalena          9 ka. yatthayam, Si. yatoyam, Ma. yadayam   10 i. rahado
@11 ka. supatittho        12 vinaYu. mahavi. 1/231/164 catutthaparajika vinitavatthu

--------------------------------------------------------------------------------------------- page39.

Imassa pana aramassa abhimukhatthane tato mahaudakarahado jato, tassa vasenayam viharo "tapodaramo"ti vuccati. Samiddhiti tassa kira therassa attabhavo samiddho abhirupo pasadiko, tasma "samiddhi"tveva sankham gato. Gattani parisincitunti padhanikatthero esa, balavapaccuse utthaya senasanam utum gahapetva 1- bahi satthihatthamatte mahacankame aparaparam cankamitva "sedagahitehi gattehi paribhunjamanam senasanam kilissati"ti mannamano gattanam parisincanattham sariradhovanattham upasankami. Ekacivaro atthasiti nivasanam nivasetva kayabandhanam bandhitva civaram hatthena gahetva atthasi. Gattani sukkhapayamanoti 2- gattani pubbasadisani nirodakani 3- kurumano. Allasarire parutanhi civaram kilissati duggandham hoti, na cetam vattam. Thero pana vattasampanno, tasma vatte thitova nhayitva paccuttaritva atthasi. Tattha idam nhanavattam:- udakatittham gantva yattha va tattha 4- va civarani nikkhipitva vegena thitakeneva na otaritabbam, sabbadisava 5- oloketva vivittabhavam natva khanugumbalatadini vavatthapetva tikkhattum ukkasitva avakujjatthitena uttarasangacivara apanetva pasaretabbam, kayabandhanam mocetva civarapittheyeva thapetabbam. Sace udakasatika natthi, udakante ukkutikam nisiditva nivasanam mocetva sace nisinnatthanam 6- atthi, pasaretabbam. No ce atthi, samharitva thapetabbam. Udakam otarantena sanikam nabhippamanamattam otaritva vicim anutthapentena saddam akarontena nivattitva agatadisabhimukhena nimmujjitabbam, evam civaram rakkhitam hoti. Ummujjantenapi saddam akarontena sanikam ummujjetva nhanapariyosane udakante ukkutikena nisiditva nivasanam parikkhipitva utthaya suparimandalam nivasetva kayabandhanam bandhitva civaram aparupetvava thatabbanti. Theropi tatha nhayitva paccuttaritva vigacchamanaudakam kayam olokiyamano atthasi. Tassa pakatiyapi pasadikassa paccusasamaye samma parinataharassa @Footnote: 1 cha.Ma., i. utthayasana sariram utum gahapetva 2 cha.Ma., pubbapayamanoti @3 cha.Ma., i. vodakani 4 cha.Ma., i. yattha katthaci 5 cha.Ma., i. pana @6 cha.Ma. sannitthanam

--------------------------------------------------------------------------------------------- page40.

Unhodakena nhatassa ativiya mukhavanno viroci, 1- bandhana pamuttatalaphalam viya pabhasampanno punnacando viya tamkhanam vikasitapadumam viya mukham sassirikam ahosi, sariravannopi vippasidati. Tasmim samaye vanasande adhivattha bhummadevata pasadikam bhikkhum olokayamana manam 2- niggahetum asakkonti kamupanita lobhabhibhuta 3- hutva "theram palobhissami"ti 4- attabhavam ularena alankarena alankaritva sahassavattipadipam pajjalamana viya candam utthapayamana viya sakalaramam ekobhasam katva theram upasankamitva avanditvava vehase thita gatham abhasi. Tena vuttam "athakho annatara devata .pe. Ajjhabhasi"ti. Abhutvati panca kamagune aparibhunjitva. Bhikkhasiti pindaya carasi. Ma tam kalo upaccagati ettha kalo nama pancakamagunapatisevanakkhamo daharayobbanakalo. Jarajinnena hi obhaggena 5- dandaparayanena pavedhamanena kasasasabhibhutena na sakka kame paribhunjitum, iti imam kalam sandhaya devata "ma tam kalo upaccaga"ti aha. Tattha ma upaccagati ma atikkami. Kalam voham na janamiti ettha voti nipatamattam. Kalam na janamiti maranakalam sandhaya vadati. Sattananhi:- jivitam byadhi kalo ca dehanikkhepanam gati pancete jivalokasmim animitta na jayare. 6- Tattha jivitam tava "ettakameva, na ito paran"ti vavatthanabhavatopi 7- animittam. Kalalakalepi hi satta maranti, abbudapesighanamasikadvimasa- temasacatumasapancamasa .pe. Dasamasakalepi, kucchito nikkhanta samayepi, tato param vassasatassa antopi bahipi marantiyeva. Byadhipi "iminava byadhina satta maranti, na annena"ti vavatthanabhavato animitto. Cakkhurogenapi hi satta maranti sotarogadinam annatarenapi. Kalopi "imasmimyeva kale maritabbam, na annasmin"ti evam vavatthanabhavato animitto. Pubbanhepi hi satta maranti @Footnote: 1 Ma. virocati 2 cha.Ma.samanam 3 cha.Ma., i. kamaparilahabhibhuta @4 cha.Ma., i. palobhessami 5 Ma. obhaggavibhaggena 6 Si. nayare @7 cha.Ma. vavatthanabhavato

--------------------------------------------------------------------------------------------- page41.

Majjhantikadinam 1- annatarasmimpi. Dehanikkhepanampi "idheva miyyamananam 2- dehena patitabbam, na annattha"ti evam vavatthanabhavato animittam. Antogame jatananhi bahi gamepi attabhavo patati, bahigamepi jatanam antogamepi. Tatha thalajanam jale, jalajanam thaleti anekappakarato vittharetabbam. Gatipi "ito cutena idha nibbattitabban"ti evam vavatthanabhavato animitta. Devalokato hi cuta manussesupi nibbattanti, manussalokato cuta devalokadinam yattha katthaci nibbattantiti evam yantayuttagono viya gatipancako loko 3- samparivattati. Tasseva samparivattato "imasmim nama kale maranam bhavissati"ti imam maranassa kalam voham na janami. Channo kalo na dissatiti ayam kalo mayham paticchanno avibhuto na pannayati. Tasmati yasma ayam kalo paticchanno na pannayati, tasma panca kamagune abhutvava bhikkhami. Ma mam kalo upaccagati ettha samanadhammakaranakalam sandhaya "kalo"ti aha. Ayanhi samanadhammo nama pacchime kale tisso vayasima 4- atikkantena obhaggena dandaparayanena pavedhamanena kasasasabhibhutena na sakka katum. Tada hi na sakka hoti icchiticchitam buddhavacanam va ugganhitum, dhutangam va paribhunjitum, arannavasam va vasitum, icchiticchitakkhane samapattim va samapajjitum, padabhanasarabhannadhammakathaanumodanadini va katum, tarunayobbanakale panetam sabbam sakka katunti ayam samanadhammakaranakalo ma mam upaccaga, yava mam natikkamati, tava kame abhutvava samanadhammam karomiti aha. Pathaviyam patitthahitvati sa kira devata "ayam bhikkhusamanadhammakaranassa kalam nama katheti, akalam nama katheti, sahetukam katheti sanisamsan"ti ettavata ca there lajjam paccupatthapetva mahabrahmam viya aggikkhandham viya ca nam mannamana garavajata akasa oruyha pathaviyam atthasi, tam sandhayetam vuttam. Kincapi pathaviyam thita, yena panatthena agata, punapi tameva gahetva daharo tvantiadimaha. Tattha susuti taruno. Kalakesoti sutthu kalakeso. Bhadrenati bhaddakena. @Footnote: 1 cha.Ma. majjhanhikadinam 2 cha.Ma., i. miyamananam @3 cha.Ma. gatipancake loko,i. gatipancake loke 4 cha.Ma. vayosima

--------------------------------------------------------------------------------------------- page42.

Ekacco hi daharopi samano kano va hoti kuniadinam va annataro, so bhadrena yobbanena samannagato nama na hoti. 1- Yo pana abhirupo hoti dassaniyo pasadiko sabbasampattisampanno, yam yadeva alankarapariharam icchati, tena tena alankato devaputto viya carati, ayam bhadrena yobbanena samannagato nama hoti. Thero ca uttamarupasampanno, tena nam evamaha. Anikkilitavi kamesuti kamesu akilitakilo abhuttavi, akatakamakaroti 2- attho. Ma sanditthikam hitvati yebhuyyena hi ta aditthasacca avitaraga aparacittaviduniyo devata bhikkhu dasapi vassani visatipi .pe. Satthipi vassani parisuddham akhandam brahmacariyam caramane disva "ime bhikkhu manusake panca kamagune pahaya dibabe kame patthayanta samanadhammam karonti"ti sannam uppadenti, ayampi tatheva uppadesi. Tasma manusake kame sanditthike, dibbe ca kalike katva evamaha. Na khvaham avusoti avuso aham sanditthike kame hitva na kalike kame anudhavami na patthemi na pihemi. Kalikanca khvaham avusoti aham kho avuso kalikam kamam hitva sanditthikam lokuttaradhammam anudhavami. Iti thero cittanantaram aladdhabbataya dibbepi manusakepi panca kamagune kalikati akasi, cittanantaram laddhabbataya lokuttaradhammam sanditathikanti. Pancasu kamagunesu samohitesupi sampannakamassapi kamino cittanantaram icchiticchitarammananubhavanam na sampajjati. Cakkhudvare ittharammanam anubhavitukamena hi cittakarapotthakara- rupakaradayo pakkosapetva "idam nama sajjetha"ti vattabbam hoti, etthantare anekakotisatasahassani cittani uppajjitva nirujjhanti. Atha paccha tam arammanam sampapunati. Sesadvaresupi eseva nayo. Sotapattimagganantaram pana sota pattiphalameva uppajjati, antara 3- annassa cittassa varo natthi. Sesaphalesupi eseva nayoti. So tamevattham gahetva kalika hi avusotiadimaha. Tattha kalikati vuttanayena samohitasampattinapi kalantare pattabba. Bahudukkhati panca @Footnote: 1 i. samannagato nama hoti 2 cha.Ma., i. akatakamakiloti 3 Si. maggassa anantara

--------------------------------------------------------------------------------------------- page43.

Kamagune nissaya pavattadukkhassa 1- bahutaya bahudukkha. Tamvatthukasseva upayasassa bahutaya bahupayasa. Adinavo ettha bhiyyoti panca kamagune nissaya laddhabbasukhato adinavo bhiyyo, dukkhameva bahutaranti attho. Sanditthiko ayam dhammoti ayam lokuttaradhammo yena yena adhigato hoti, tena tena parasaddhaya gantabbatam hitva paccavekkhanananena sayam datthabboti sanditthiko. Attano phaladanam sandhaya nassa kaloti akalo, akaloyeva akaliko. Yo ettha ariyamaggadhammo, so attano pavattisamanantarameva phalam detiti attho. "ehi passa imam dhamman"ti evam pavattam ehipassavidhim arahatiti ehipassiko. Adittam celam va sisam va ajjhupekkhitvapi bhavanavasena attano citte upaneyyam 2- arahatiti opanayiko. Sabbehipi ugghatitannuadihi vinnuhi "bhavito me maggo, adhigatam phalam, sacchikato nirodho"ti attani attani veditabboti paccattam veditabbo vinnuhiti. Ayamettha sankhepo, vittharo pana visuddhimagge 3- dhammanussativannana yam vutto. Idani sa devata andho viya rupavisesam, therena kathitassa attham ajananti kathanca bhikkhutiadimaha. Tattha kathancati padassa "kathanca bhikkhu kalika kama vutta bhagavata, katham bahudukkha, katham bahupayasa"ti evam sabbapadehi sambandho veditabbo. Navoti aparipunnapancavasso bhikkhu hi navo nama hoti, pancavassato patthaya majjhimo, dasavassato patthaya thero. Aparo nayo:- aparipunnadasavasso navo, dasavassato patthaya majjhimo, visativassato patthaya thero. Tesu 4- aham navoti vadati. Navopi ekacco sattatthavassakale pabbajitva dasa vassani 5- samanerabhaveneva atikkanto cirapabbajito hoti, aham pana acirapabbajitoti vadati. Imam dhammavinayanti imam dhammanca vinayanca. Ubhayampetam sasanasseva namam. Dhammena @Footnote: 1 cha.Ma. pattabbadukkhassa 2 cha.Ma. upanayam Si. upanayanam @3 visuddhi. 1/272 chaanussatiniddesa: dhammanussatikatha 4 cha.Ma. tesam @5 cha.Ma., i. dvadasaterasavassani

--------------------------------------------------------------------------------------------- page44.

Hettha dve pitakani vuttani, vinayena vinayapitakam, iti tihi pitakehi pakasitam patipattim adhuna agatomhiti vadati. Mahesakkhahiti mahaparivarahi. Ekekassa hi devaranno kotisatampi kotisahassampi parivaro hoti, te attanam mahante thane thapetva tathagatam passanti. Tattha amhadisanam appesakkhanam matugamajatikanam kuto okasoti dasseti. Mayampi agaccheyyamati idam sa devata "sacepi cakkavalam puretva parisa nisinna hoti, mahataya 1- buddhavithiya satthu santikam gantum labhati"ti natva aha. Puccha bhikkhu puccha bhikkhuti thirakaranavasena amenditam 2- katam. Akkheyyasanninoti ettha "devo manusso gahattho pabbajito satto puggalo tisso pusso"tiadina nayena akkheyyato sabbesam akkhanam sabbasam kathanam vatthubhutato pancakkhandha "akkheyya"ti vuccanti. "satto naro poso puggalo itthi puriso"ti evam sanna etesam atthi"ti sannino, akkheyyam eva sannino 3- akkheyyasannino, pancasu khandhesu sattapuggaladisanninoti attho. Akkheyyasmim patitthitati pancasu khandhesu atthahakarehi patitthita. Ratto hi ragavasena patitthito hoti, duttho dosavasena, mulho mohavasena, paramattho ditthivasena, thamagato anusayavasena, vinibandho 4- manavasena, anitthagato 5- vicikicchavasena, vikkhepagato uddhaccavasena patitthito hotiti. 6- Akkheyyam aparinnayati panca khandhe tihi parinnahi aparijanitva. Yogamayanti maccunoti maccuno yogam payogam pakkhepam upakkhepam upakkamam abbhantaram agacchanti, maranavasam 7- agacchantiti 8- attho. Evamimaya gathaya kalika 9- kama kathita. Parinnayati nataparinna tiranaparinna pahanaparinnati imahi tihi parinnahi parijanitva. Tattha katama nataparinna? pancakkhandhe parijanati "ayam rupakkhandho .pe. Ayam vinnanakkhandho, imani nesam @Footnote: 1 cha.Ma. i. mahatiya 2 cha.Ma. ameditam 3 cha.Ma., i. akkheyyeseva sanninoti @4 cha.Ma. vinibaddho 5 cha.Ma. anitthangato 6 iti-saddo na dissati @7 Si. maravasam 8 cha.Ma. gacchantiti 9 ka. kayika

--------------------------------------------------------------------------------------------- page45.

Lakkhanarasapaccupatthanapadatthanani"ti, ayam nataparinna. Katama tiranaparinna? evam natam katva pancakkhandhe tireti aniccato dukkhato rogatoti dvacattalisaya akarehi, ayam tiranaparinna. Katama pahanaparinna? evam tirayitva aggamaggena pancasu khandhesu chandaragam pajahati, ayam pahanaparinna. Akkhataram na mannatiti evam tihi parinnahi pancakkhandhe parijanitva khinasavo bhikkhu akkhataram puggalam na mannati. Akkhataranti kammavasena karakam veditabbam, akkhatabbam kathetabbam puggalam na mannati, na passatiti attho. Kinti akkhatabbam? "tisso"ti va "pusso"ti va evam yena kenaci namena va gottena va pakasetabbam. Tanhi tassa na hotiti tam tassa khinasavassa na hoti. Yena nam vajjati yena nam "ragena ratto"ti va "dosena duttho"ti va "mohena mulho"ti vati koci vadeyya, tam karanam tassa khinasavassa natthi. Sace vijanasi vadehiti sace evarupam khinasavam janasi, "janami"ti vadehi. No ce janasi, atha "na janami"ti vadehi. Yakkhati devatam alapanto aha. Iti imaya kathaya sanditthiko navavidho lokuttaradhammo kathito. Sadhuti ayacanatthe nipato. Yo mannatiti yo attanam "aham samo"ti va "visesi"ti va "nihino"ti va mannati. Etena "seyyohamasmi"tiadayo tayo mana gahitava. Tesu gahitesu nava mana gahitava honti. So vivadetha tenati so puggalo teneva manena yena kenaci puggalena saddhim "kena mam tvam papunasi, kim jatiya papunasi, udahu gottena, kulapadesena, vannapokkharataya, bahusaccena, dhutagunena"ti evam vivadeyya. Iti imayapi upaddhagathaya kalika kama kathita. Tisu vidhasuti tisu manesu. "ekavidhena rupasangaho"tiadisu 1- hi kotthaso "vidha"ti 2- vutto. "kathamvidham silavantam vadanti, kathamvidham pannavantam vadanti"tiadisu 3- akaro. 4- "tisso ima bhikkhave vidha, katama tisso? seyyohamasmiti vidha, @Footnote: 1 abhi. sangani. 34/584/168 rupakanda 2 cha.Ma. vidho 3 sam. saga. 15/95/61 nandanasutta @4 Ma. sabhavo, atthasasini hanra 448 rupavibhattiekakaniddesavannana

--------------------------------------------------------------------------------------------- page46.

Sadisohamasmiti vidha, hinohamasmiti vidha"tiadisu 1- mano "vidha"ti vutto, idhapi manova. Tena vuttam "tisu vidhasuti tisu manesu"ti. Avikampamanoti so puggalo etesu sankhepato tisu, vittharato navasu manesu na kampati na calati. Samo visesiti na tassa hotiti tassa pahinamanassa khinasavassa "aham sadiso"ti va "seyyo"ti va "hino"ti va na hotiti dasseti. Pacchimapadam vuttanayameva. Iti imayapi upaddhagathaya navavidho sanditthiko lokuttaradhammo kathito. Pahasi sankhanti "patisankha yoniso aharam ahareti"tiadisu 2- panna "sankha"ti agata. "atthi te koci ganako va muddiko va sankhayiko va, yo pahoti gangaya valikam ganetun"ti 3- ettha ganana. "sannanidana hi papancasankha"tiadisu 4- kotthaso. "ya tesam tesam dhammanam sankha samanna"ti 5- ettha pannatti "sankha"ti agata. Idhapi ayameva adhippeta. Pahasi sankhanti padassa hi ayamattho 6- :- ratto duttho mulhoti imam pannattim khinasavo pahasi jahi pajahiti. Na vimanamajjhagati navabhedam tividhamanam na upagato. Nivasanatthena va matukucchi "vimanan"ti vuccati, tam ayatim patisandhivasena na upagacchitipi attho. Anagatatthe atitavacanam. Acchejjiti chindi. Chinnaganthanti cattaro ganthe chinditva thitam. Anighanti niddukkham. Nirasanti nittanham. Pariyesamanati olokayamana. Najjhagamunti na adhigacchanti na vindanti na passanti. Vattamanatthe atitavacanam. Idha va huram vati idha loke va paraloke va. Sabbanivesanesuti tayo bhava, catasso yoniyo, panca gatiyo, satta vinnanatthitiyo, nava sattavasa, iti imesu sabbesupi sattanivesanesu evarupam khinasavam kayassa bheda upapajjamanam va upapannam va 7- na passantiti attho. Imaya gathaya sanditthikam lokuttaradhammameva kathesi. @Footnote: 1 sam. maha. 19/162/52 vidhasutta 2 sam. sala. 18/185/131 lokakamagunavagga,- @ 318/221 asivisavagga (sya) 3 sam. sala. 18/756/457 abyakatasamyutta @4 khu. sutta 25/881/506 kalahavivadasutga 5 abhi. sangani. 34/1313/297 nikkhepakanda @6 cha.Ma. ayamevattho 7 cha.Ma. uppajjamanam va uppannam va

--------------------------------------------------------------------------------------------- page47.

Imanca gatham sutva sapi devata attham sallakkhesi, teneva karanena imassa khvaham bhantetiadimaha. Tattha papam na kayirati gathaya dasakusalakammapathavasenapi kathetum vattati atthangikamaggavasenapi. Dasakusalakammapathavasena tava vacasati catubbidham vacisucaritam gahitam. Manasati tividham manosucaritam gahitam. Kayena va kincana sabbaloketi tividham kayasucaritam gahitam. Ime tava dasakusalakammapathadhamma honti. Kame pahayati imina pana kamasukhallikanuyogo patikkhitto. Satima sampajanoti imina dasakusalakammapathakarakam 1- satisampajannam gahitam. Dukkham na sevetha anatthasanhitanti imina attakilamathanuyogo patisiddho. Iti devata "ubho ante vajjetva karakehi 2- satisampajannehi saddhim dasakusalakammapathadhamme tumhehi kathite ajanami bhagava"ti vadati. Atthangikamaggavasena pana ayam nayo:- tasmim kira thane mahatidhammadesana ahosi. Desanapariyosane sa devata yathatthane thitava desananusarena nanam pesetva sotapattiphale patitthaya attana adhigatam atthangikamaggam dassenti evamaha. Tattha vacasati sammavaca gahita, mano pana angam na hotiti manasati maggasampayuttakacittam 3- gahitam. Kayena va kincana sabbaloketi sammakammanato gahito, ajivo pana vacakammantapakkhikatta gahitova hoti. Satimati imina vayamasatisamadhayo gahita. Sampajanoti padena sammaditthi sammasankapPo. Kame pahaya dukkham na sevethati padadvayena antadvayavajjanam. 4- Iti ime dve ante anupagamma majjhimam patipadam tumhehi kathitam ajanami bhagavati vatva tathagatam gandhamaladihi pujetva padakkhinam katva pakkamiti. Samiddhisuttavannana nitthita. Nandanavaggo dutiyo. ----------- @Footnote: 1 cha.Ma....karanam 2 cha.Ma. vivajjetva karanehi @3 Si. maggasampayuttam..., cha.Ma. maggasampayuttakam cittam 4 Si. antadvayavajjam


             The Pali Atthakatha in Roman Book 11 page 38-47. http://84000.org/tipitaka/atthapali/read_rm.php?B=11&A=1000&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=1000&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=15&i=44              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=248              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=209              The Pali Tipitaka in Roman Character :- http://84000.org/tipitaka/read/roman_read.php?B=15&A=209              Contents of The Tipitaka Volume 15 http://84000.org/tipitaka/read/?index_15

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]