ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 11 : PALI ROMAN Sam.A. (sarattha.1)

                         3. Sadhusuttavannana
       [33]  Tatiye udanam udanesiti udaharam udahari. Yatha hi yam telam
pamanam 1- gahetum na sakkoti visanditva gacchati, tam avasesakoti 2- vuccati. Yam ca
jalam talakam gahetum na sakkoti, ajjhottharitva gacchati, tam oghoti vuccati,
evameva yam pitivacanam dahayam gahetum na sakkoti, adhikam hutva anto asanthahitva
bahi nikkhamati, tam udananti vuccati, evarupam pitimayavacanam niccharesiti attho.
Saddhayapi sahu dananti kammanca kammaphalanca saddahitvapi dinnadanam sahu
laddhakam bhaddakameva. Ahuti kathenti. Katham panetam ubhayam samam nama hotiti?
jivitabhiruko hi yujjhitum na sakkoti, khayabhiruko datum na sakkoti. "jivitam ca
rakkhissami yujjhissami ca"ti hi vadanto na yujjhati. Jivate pana alayam
vissajjetva chejjam va hotu maranam va, gamissametam issariyan"ti ussahantova
yujjhati. "bhoge ca rakkhissami, danam ca dassami"ti vadanto na dadati.
Bhogesu pana alayam vissajjetva mahadanam dassamiti ussahantova deti. Evampi 3-
dananca yuddhanca samam hoti. Kinci bhiyyo:- appapi santa bahuke
jinantiti yatha ca yuddhe appapi virapurisa bahuke bhirukapurise jinanti, evam
saddhadisampanno appakampi danam dadanto bahumaccheram maddati, bahunca danavipakam
adhigacchati. Evampi danam ca yuddham ca samanam. Tenevaha:-
              "appampi ce saddahano dadati
               teneva so hoti sukhi parattha"ti.
         Imassa ca panatthassa pakasanattham ekasatakabrahmanavatthum ca ankuravatthum
ca vittharetabbam.
       Dhammaladdhassati dhammena samena laddhassa bhogassa dhammaladdhassa ca
puggalassa. Ettha puggalo laddhadhammo nama adhigatadhammo ariyapuggalo. Iti yam
dhammaladdhassa bhogassa danam dhammaladdhassa ariyapuggalassa diyati, tampi sadhuti attho.
Yo dhammaladdhassati imasmimpi gathapade ayameva attho. Utthanaviriyadhigatassati
@Footnote: 1 cha.Ma., i. manam         2 Si. avasekoti.     3 cha.Ma. evam
Utthanena ca viriyena ca adhigatassa bhogassa. Vetaraninti 1- desanasisamattamevetam.
Yamassa pana vetaranimpi 2- sanjivakalasuttadayopi ekatimsa mahanirayepi sabbasova
atikkamitvati attho.
       Viceyya dananti vicinitva dinnadanam. Tattha dve vicinana dakkhinavicinanam
ca dakkhineyyavicinanam ca. Tesu lamakalamake paccaye apanetva panitapanite
vicinitva tesam danam dakkhinavicinanam nama. Vipannasile ito bahiddha
chanavuti 3- pasandabhede va dakkhineyyam pahaya siladigunasampannanam sasane
pabbajitanam danam dakkhineyyavicinanam nama. Evam dvihakarehi viceyya danam.
Sugatappasatthanti sugatena vannitam. Tattha dakkhineyyavicinanam dassento ye
dakkhineyyatiadimaha. Vijani 4- vuttani yathati imina pana dakkhiravicinanam
aha. Avicinabijasadisa 5- hi vicinitva gahita panitapanita deyyadhammati.
       Panesupi sadhu samyamoti panesu samyatabhavopi bhaddako. Ayam devata
itarahi kathitam dananisamsam atikkamitva silanisamsam kathetum araddha. Ahethayam
caranti avihimsanto caramano. Parupavadati parassa upavadabhayena. Bhayati
upavadabhaya. Dana ca kho dhammapadamva seyyoti danato nibbanasankhatam
dhammapadameva seyyo. Pubbe ca hi pubbatareva 6- santoti pubbe va
kassapabuddhadikale pubbatare va 7-  konagamanabuddhadikale, sabbepi va ete
pubbe ca pubbatare ca santo namati. Tatiyam.



             The Pali Atthakatha in Roman Book 11 page 60-61. http://84000.org/tipitaka/atthapali/read_rm.php?B=11&A=1568&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=1568&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=15&i=94              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=583              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=506              The Pali Tipitaka in Roman Character :- http://84000.org/tipitaka/read/roman_read.php?B=15&A=506              Contents of The Tipitaka Volume 15 http://84000.org/tipitaka/read/?index_15

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]