AtthaPali Vol.11

6. Accharasuttavannana [46] Chatthe accharaganasanghutthanti ayam kira devaputto satthu sasane pabbajitva vattapatipattim purayamano pancavassakale pavaretva dve matika paguna ^1- katva kammakammam uggahetva cittarucitam ^2- kammatthanam ugganhitva sallahukavuttiko arannam pavisitva yo bhagavata majjhimayamo sayanassa kotthasoti anunnato, tasmimpi sampatte "pamadassa bhayami"ti mancakam ukkhipitva rattim ca diva ca niraharo kammatthanameva manasakasi. Athassa abbhantare satthakavata uppajjitva jivitam pariyadiyimsu. So dhurasmimyeva kalamakasi. Yo hi koci bhikkhu cankame cankamamano va alambanakhandham ^3- nissaya thito va cankamakotiyam civaram sise thapetva nisinno va nipanno va parisamajjhe alankatadhammasane dhammam desento va kalam karoti, sabbo so dhurasmim kalam karoti nama. iti ayampi cankamane kalam katva upanissayamandataya asavakkhayam appatto tavatimsabhavane mahavimanadvare niddayitva pabujjhanto viya patisandhim aggahesi. Tavadevassa suvannatoranam viya tigavuto attabhavo nibbatti. Anto vimane sahassamatta acchara tam disva "vimanasamiko devaputto agato, ramayissama ^4- nan"ti turiyani ^5- gahetva parivarayimsu. Devaputto na tava cutabhavam ^6- janati, pabbajitasanniyeva acchara oloketva viharacarikam agatam matugamam disva lajji pamsukuliko viya upari thitam ghanadukulam ekamsam karonto amsakutam paticchadetva indriyani okkhipitva adhomukho atthasi. Tassa kayavikareneva ta devata "samanadevaputto ayan"ti natva evamahamsu "ayya devaputta devaloko namayam, na samanadhammassa karanokaso, sampattianubhavanokaso"ti. So tatheva atthasi. Devata "na tavayam sallakkheti"ti turiyani ^5- pagganhimsu. So tathapi anolokentova atthasi. @Footnote: ¹ cha.Ma. dve matikam pagunam ² Si. cittarucikam ³ Ma. alambanakkhandham @⁴ Ma. passisama ⁵ cha.Ma. turiyani ⁶ i. cutibhavam Athassa sabbakayikadasam purato thapayimsu. So chayam disva cutabhavam ^1- natva "na maya imam thanam patthetva samanadhammo kato, uttamattham arahattam patthetva kato"ti sampattiya vippatisari ahosi "suvannapatam patilabhissami"ti takkayitva yuddhatthanam otinnamallo mulakamutthim labhitva viya. So "ayam saggasampatti nama sulabha, buddhanam patubhavo dullabho"ti cintetva vimanam apavisitvava asambhinneneva silena accharasamghaparivuto dasabalassa santikam agamma abhivadetva ekamantam thito imam gatham abhasi. Tattha accharaganasanghutthanti accharaganena gitavaditasaddehi sanghositam. Pisacaganasevitanti tameva accharaganam pisacaganam katva vadati. Vananti nandanavanam sandhaya vadati. Ayanhi niyamacittataya attano garukabhavena ^2- devaganam "devagano"ti vattum na roceti, "pisacagano"ti vadati. Nandanavanam "nandanavanan"ti ^3- avatva "mohanan"ti vadati. Katham yatra bhavissatiti katham nikkhamanam ^4- bhavissati, katham atikkamo bhavissati, arahattassa me padatthanabhutam vipassanam acikkhatha bhagavati vadati. Athakho bhagava "atisallakkhateva ^5- ayam devaputto, kim nukho idan"ti avajjento attano sasane pabbajitabhavam natva "ayam accaraddhaviriyataya kalam katva devaloke nibbatto, ajjapissa cankamanasmimyeva attabhavo asambhinnena silena agato"ti cintesi. Buddha ca akatabhinivesassa adikammikassa akataparikammassa antevasino cittakaro bhittiparikammam viya "silam tava visodhehi, ^6- samadhim bhavehi, kammassakatapannam ujum karohi"ti pathamam pubbabhagapatipadam acikkhanti, karakassa pana yuttapayuttassa arahattamaggapadatthanabhutam sanhasukhumam sunnatavipassanamyeva acikkhanti, ayanca devaputto karako abhinnasilo, eko maggo cassa ^7- anagatoti sunnatavipassanam acikkhanto ujuko namaadimaha. Tattha ujukoti kayavankadinam abhavato atthangiko maggo ujuko nama. Abhaya nama sa disati nibbanam sandhayaha. Tasmim hi kinci bhayam natthi, tam @Footnote: ¹ i.cutibhavam ² cha.Ma. garubhavena, Si., i. garugaravena @³ cha.Ma., i.nandanavanam ca "nandanan"ti ⁴ cha.Ma., i. niggamanam @⁵ cha.Ma. atisallikhateva, i. atisallekhakova, Ma. atisallekhateva @⁶ cha.Ma., i. sodhehi ⁷ cha.Ma., i. assa Va pattassa bhayam natthiti "abhaya nama sa disa"ti vuttam. Ratho akujjanoti ^1- atthangikamaggo ca ^2- adhippeto. Yatha hi pakatikaratho akkhe va anabbhanjite atirekesu va manussesu abhirulhesu kujjati ^3- viravati, na evam ariyamaggo. So hi ekappaharena caturasitiyapi panasahassesu abhiruhantesu na kujjati ^4- na viravati. Tasma "akujjano"ti ^5- vutto. Dhammacakkehi samyutoti kayikacetasikaviriyasankhatehi dhammacakkehi samyutto. Hiriti ettha hirigahanena ottappampi gahitameva hoti. Tassa apalamboti yatha bahirakarathassa rathe thitanam yodhanam apatanatthaya darumayam apalambanam hoti, evam imassa maggarathassa ajjhattabahiddhasamutthanam hirottappam apalambanam. Satyassa parivarananti rathassa sihacammadiparivaro viya imassapi maggarathassa sampayutta sati parivaranam. Dhammanti lokuttaramaggam. ^6- Sammaditthipurejavanti vipassanasammaditthi purejava assa pubbayayikati ^7- sammaditthipurejavo, tam sammaditthipurejavam. Yatha hi pathamataram rajapurisehi kanakuniadinam niharanena magge sodhite paccha raja nikkhamati, evameva ^8- vipassanasammaditthiya aniccadi- vasena khandhadisu sodhitesu paccha bhumiladdhavattam parijanamana maggasammaditthi uppajjati. Tena vuttam "dhammaham sarathim brumi, sammaditthipurejavan"ti. Iti bhagava desanam nitthapetva avasane cattari saccani dipesi. Desanapariyosane devaputto sotapattiphale patitthasi. Yatha hi ranno bhojanakale attano pamanena ^9- kabale ukkhitte anke nisinno putto attano mukhappamaneneva tato kabalam karoti, evameva ^10- bhagavati arahattanikutena desanam desentepi satta attano upanissayanurupena sotapattiphaladini papunantiti. ^11- Ayampi devaputto sotapattiphalam patva bhagavantam gandhadihi pujetva pakkamiti. Chattham. @Footnote: ¹ cha.Ma., i. akujano ² cha.Ma., i. va ³ cha.Ma., i. kujati ⁴ cha.Ma., i. kujati @⁵ cha.Ma.,i. akujano ⁶ Ma. lokuttaradhammam ⁷ Ma. pubbayayita @⁸ cha.Ma. evamevam, i.evam ⁹ cha.Ma. mukhappamane @¹⁰ cha.Ma., i. evamevam ¹¹ cha.Ma. papunanti

The Pali Atthakatha in Roman Book 11 page 83-85. http://84000.org/tipitaka/atthapali/read_rm.php?B=11&A=2177&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=2177&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=143 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=955 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=846 The Pali Tipitaka in Roman Character :- http://84000.org/tipitaka/read/roman_read.php?B=15&A=846 Contents of The Tipitaka Volume 15 http://84000.org/tipitaka/read/?index_15