AtthaPali Vol.11

9. Maccharisuttavannana [49] Navame maccharinoti maccherena samannagata. Ekacco hi attano vasanatthane bhikkhu ^3- hattham pasaretvapi na vandati, annattha gato viharam pavisitva sakkaccam vanditva madhurapatisantharam karoti "bhante amhakam vasanatthanam nagacchatha, sampanno padeso, patibala mayam ayyanam yagubhattadihi upatthanam katun"ti. Bhikkhu ^4- "saddho ayam upasako"ti yagubhattadihi sanganhati. ^5- Atheko thero tassa gamam ^6- pindaya carati. So tam disva annena va gacchati, gharam va pavisati. sacepi sammukhibhavam agacchati, hatthena vanditva "ayyassa bhikkham detha, aham ekena kammena gacchami"ti pakkamati. Thero sakalagamam caritva tucchapattova nikkhamati. Idam tava mudumacchariyam nama, yena ^7- adayakopi dayako viya pannayati. Idha pana thaddhamacchariyam adhippetam, yena samannagato bhikkhusu pindaya pavitthesu "thera thita"ti vutte "kim mayham ^8- pada rujjanti"tiadini @Footnote: ¹ cha.Ma.,i....kammantajiva ² cha.Ma.,i.avadharanavacanam ³ cha.Ma. bhikkhum @⁴ cha.Ma. bhikkhu ⁵ cha.Ma. sanganhanti, i. sanganhatiti @⁶ cha.Ma., i. gamam gantva ⁷ cha.Ma. yena samannagato ⁸ Ma. tuyham Vatva silathambho viya khanuko viya ca thaddho hutva titthati, samicimpi na karoti. Kadariyati idam maccharinoti padasseva vevacanam. Mudukampi hi macchariyam "macchariyan"tveva vuccati, thaddham pana kadariyam nama. Paribhasakati bhikkhu gharadvare thite disva "kim tumhe kasitva agata, vappitva, layitva, mayam attanopi na labhama, kuto tumhakam, sigham nikkhamatha"tiadihi santajjitva. ^1- Antarayakarati dayakassa saggantarayo, patiggahakanam labhantarayo, attano upaghatoti imesam antarayanam karaka. Samparayoti paraloko. Ratiti pancakamagunarati. Khiddati kayikakhiddadika tividha khidda. Ditthe dhamme sa vipakoti tasmim nibbattatthane ^2- ditthe dhamme esa vipako. Samparaye ca duggatiti "yamalokam upapajjare"ti vutte samparaye ca duggati. Vadannuti bhikkhu gharadvare thita kincapi tunhi va honti, atthato pana "bhikkham detha"ti vadanti nama. Tatra ye "mayam pacama, ime ^3- na pacanti, pacamane patva alabhanta kuhim labhissanti"ti deyyadhammam samvibhajanti. Te vadannu nama. Pakasentiti vimanappabhaya jotanti. Parasambhatesuti parehi sampinditesu. Samparaye ca suggatiti "ete magga"ti ^4- evam vuttasamparaye sugati. Ubhinnampi va etesam tato cavitva puna samparayepi duggatisugatiyeva ca hontiti. Navamam.

The Pali Atthakatha in Roman Book 11 page 87-88. http://84000.org/tipitaka/atthapali/read_rm.php?B=11&A=2295&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=2295&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=148 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=990 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=873 The Pali Tipitaka in Roman Character :- http://84000.org/tipitaka/read/roman_read.php?B=15&A=873 Contents of The Tipitaka Volume 15 http://84000.org/tipitaka/read/?index_15