AtthaPali Vol.11

2. Devaputtasamyutta 1. Pathamavagga 1. Pathamakassapasuttavannana [82] Devaputtasamyuttassa pathame devaputtoti devanam hi anke nibbatta purisa devaputta nama, itthiyo devadhitaro nama honti. Namavasena apakatava "annatara devata"ti vuccati, pakato "itthannamo devaputto"ti. Tasma hettha "annatara devata"ti vatva idha "devaputto"ti vuttam. Anusasanti anusitthim. Ayam kira devaputto bhagavata sambodhito sattame vasse yamakapatihariyam katva tidasapure vassam upagamma abhidhammam desentena jhanavibhange "bhikkhuti samannaya bhikkhu, patinnaya bhikkhu"ti ^1- evam bhikkhuniddesam kathiyamanam assosi. "evam vitakketha, ma evam vitakkayittha, evam manasikarotha, ma evam manasakattha, idam pajahatha, idam upasampajja viharatha"ti ^2- evarupam pana bhikkhuovadam bhikkhuanusasanam na assosi. So tam sandhaya "bhikkhum bhagava pakasesi, no ca bhikkhuno anusasan"ti aha. Tena hiti yasma maya bhikkhuno anusitthi na pakasitati vadesi ^3- tasma. Tannevettha patibhatuti tuyhevesa anusitthippakasana upatthatuti. Yo hi panham kathetukamo hoti, na ca sakkoti sabbannutananena saddhim samsanditva kathetum. Yo va na kathetukamo hoti, sakkoti panham ^4- kathetum. Yo va neva kathetukamo hoti. Na kathetum sakkoti. ^5- Sabbesampi tesam bhagava panham bharam na karoti. Ayam pana devaputto kathetukamo ceva, sakkoti ca kathetum. Tasma tasseva bharam karonto bhagava evamaha. Sopi panham kathesi. Tattha subhasitassa sikkhethati subhasitam sikkheyya, catusaccanissitam dasakathavatthunissitam sattatimsabodhipakkhiyanissitam catubbidham vacisucaritameva sikkheyya. Samanupasanassa @Footnote: ¹ abhi. vibhanga. 35/510/296 jhanavibhanga ² vinaYu. mahavi. 1/19/10 veranjakanda @³ cha.Ma., i. vadasi ⁴ cha.Ma., i. pana ⁵ cha.Ma., i. kathetum na ca sakkoti Cati samanehi upasevitabbam ^1- samanupanam ^2- atthatimsabhedam kammatthanam, tam ^3- sikkheyya bhaveyyati attho. Bahussutanam va bhikkhunam upasankamanampi ^4- samanupasanam, tampi "kim bhante kusalan"tiadina panhapucchanena pannabuddhattham ^5- sikkheyya. Cittavupasamassa cati atthasamapattivasena ca cittavupasamam sikkheyya. Iti devaputtena tisso sikkha kathita honti. Purimapadena hi adhisilasikkha kathita, dutiyapadena adhipannasikkha, cittavupasamena adhicittasikkhati evam imaya gathaya sakalampi sasanam pakasitameva hoti. Pathamam.

The Pali Atthakatha in Roman Book 11 page 99-100. http://84000.org/tipitaka/atthapali/read_rm.php?B=11&A=2590&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=2590&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=221 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=1394 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=1165 The Pali Tipitaka in Roman Character :- http://84000.org/tipitaka/read/roman_read.php?B=15&A=1165 Contents of The Tipitaka Volume 15 http://84000.org/tipitaka/read/?index_15