AtthaPali Vol.11

10. Nanatitthiyasavakasuttavannana [111] Dasame nanatitthiyasavakati te kira kammavadino ahesum, tasma danadini punanani katva sagge nibbatta, te "attano attano satthari pasadena nibbattamha"ti sannino hutva "gacchama dasabalassa santike thatva amhakam sattharanam vannam kathessama"ti agantva paccekagathahi kathayimsu. Tattha chinditamariteti chindite ca marite ca. Hatajanisuti pothane ca dhanajanisu ca. Punnam va panati attano punnampi na samanupassati, sankhepato punnapunnanam vipako natthiti vadati. Sa ve vissasamacikkhiti so "evam katapapanampi katapunnanampi vipako natthi"ti vadanto sattanam vissasam avassayam patittham acikkhati, tasma mananam vandanam pujanam arahatiti vadati. Tapojigucchayati kayakilamathatapena papajigucchanena. Susamvutattoti samannagato pihito va. Jegucchiti tapena papajigucchako. Nipakoti pandito. Catuyamasusamvutoti catuyamena susamvuto. Catuyamo nama sabbavarivarito ca hoti sabbavariyutto ca sabbavaridhuto ca sabbavariphuttho ^1- cati ime cattaro kotthasa. Tattha sabbavarivarito cati ^2- varitasabbaudako, patikkhittasabbasitodakoti attho. So kira sitodake sattasanni hoti, tasma tam na valanjeti. Sabbavariyuttoti sabbena papavaranena yutto. Sabbavaridhutoti sabbena papavaranena dhutapaPo. Sabbavariphutthoti ^3- sabbena papavaranena phuttho. Dittham sutam ca acikkhanti dittham "dittham me"ti sutam "sutam me"ti acikkhanto, na niguhanto. Na hi nuna kibbisiti evarupo sattha kibbisakarako nama na hoti. Nanatitthiyeti so kira nanatitthiyanamyeva upatthako, tasma te arabbha vadati. Pakudhakoti ^4- katiyanoti pakudho ^5- kaccayano. Niganthoti natputto. Makkhalipurana seti makkhali ca purano ca. Samannappattati @Footnote: ¹ cha.Ma. sabbavariphuto ² cha.Ma. sabbavari varitoti ³ cha.Ma.....phutoti @⁴ ka. pakuddhako ⁵ ka. pakuddho Samanadhamme kotippatta. Na hi nuna teti te sappurisehi na dure, teyeva loke sappurisati vadati. Paccabhasiti "ayam akotako imesam nagganissirikanam dasabalassa santike thatva vannam kathetiti tesam avannam kathessami"ti patiabhasiti. Tattha saha caritenati saha caritamattena. ^1- Chavo sigaloti lamako kanasigalo. ^2- Kotthukoti ^3- tasseva vevacanam. Sankassaracaroti asankitasamacaro. Na satam sarikkhoti panditanam sappurisanam sadiso na hoti, kim tvam kanasigalasadiso ^4- titthiye sihe karositi. Anvavisitvati "ayam evarupanam sattharanam avannam katheti, teneva nam mukhena vannam kathapessami"ti cintetva tassa sarire anvavisi adhimucci, evam anvavisitva. Ayuttati tapojigucchane yuttapayutta. Palayam pavivekiyanti pavivekam palayanta. Te kira "nhapitapavivekam palessama"ti sayam kese luncanti, "civarapavivekam palessama"ti ^5- nagga vicaranti, "pindapatapavivekam palessama"ti sunakha viya bhumiyam va bhunjanti hatthesu va, "senasanapavivekam palessama"ti kantakaseyyadini kappenti. Rupe nivitthati tanhaditthihi rupe patitthita. Devalokabhinandinoti devalokapatthanaka. ^6- Matiyati macca, teva macce ^7- paralokatthaya sammaanusasantiti vadati. Iti viditvati "ayam pathamam etesam avannam kathetva idani vannam katheti, ko nu kho eso"ti avajjento janitva. ^8- Ye cantalikkhasmim pabhasavannati ye antalikkhe candobhasasuriyobhasasajjharagaindadhanutarakarupanam pabhavanna. ^9- Sabbeva te teti sabbeva te taya. Namuciti maram alapati. Amisamva macchanam vadhaya khittati yatha macchanam vadhatthaya balisalaggam amisam khipati, evam taya pasamsamanena ete rupa sattanam vadhaya khittati vadati. @Footnote: ¹ ka. saha racitenati saha racitamattena ² cha.Ma. kalasigalo ³ cha.Ma. kotthako..., i. @kutthako... ⁴ cha.Ma. kanasigalasadise ⁵ cha.Ma. patessama ⁶ cha.Ma......patthanakama @⁷ cha.Ma. te ve macca, Si. te ⁸ cha.Ma., i. janitva va ⁹ cha.Ma., i. pabhasavanna Manavagamiyoti ayam kira devaputto buddhupatthako. Rajagahiyananti rajagahapabbatanam. Setoti kelaso. Aghagaminanti akasagaminam. Udadhinanti udakanidhananam. Idam vuttam hoti:- yatha rajagahiyanam pabbatanam vipulo settho, himavantapabbatanam kelaso, akasagaminam adicco, udakanidhananam samuddo, nakkhattanam cando, evam sadevakassa lokassa buddho settho. ^1- Dasamam. Tatiyo vaggo. Devaputtasamyuttavannana nitthita. ----------- @Footnote: ¹ cha.Ma., i. setthoti

The Pali Atthakatha in Roman Book 11 page 120-122. http://84000.org/tipitaka/atthapali/read_rm.php?B=11&A=3144&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=3144&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=313 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=2091 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=1803 The Pali Tipitaka in Roman Character :- http://84000.org/tipitaka/read/roman_read.php?B=15&A=1803 Contents of The Tipitaka Volume 15 http://84000.org/tipitaka/read/?index_15