AtthaPali Vol.11

4. Marasamyutta 1. Pathamavagga 1. Tapokammasuttavannana [137] Marasamyuttassa pathame uruvelayam viharatiti patividdhasabbannutanano uruvelagamam upanissaya viharati. Pathamabhisambuddhoti abhisambuddho hutva pathamam antosattasattahasmimyeva. ^1- Dukkarakarikayati chabbassani kataya dukkarakiriyaya. Maro papimati attano visayam atikkamitum patipanne satte maretiti maro. Pape niyojeti, sayam va pape niyuttoti papima. Annanipissa kanho adhipati vasavatti antako namuci pamattabandhutiadinipi bahuni namani, idha pana namadvayameva gahitam. Upasankamiti "ayam samano gotamo `muttosmi'ti mannati, ^2- amuttabhavamassa kathessami"ti cintetva upasankami. Tapokamma apakkammati tapokammato apakkamitva. Aparaddhoti "dure tvam suddhimagga"ti vadati. Aparam tapanti aparabhavatthaya ^3- katam lukhatapam, attakilamathanuyogo. Sabbam natthavaham hotiti "sabbatapam mayham atthavaham na bhavissati"ti ^4- natva. Phiyarittamva dhammaniti aranne thale phiyarittam viya. Idam vuttam hoti:- yatha hi ^5- aranne thale navam thapetva bhandassa puretva mahajane abhirulhe ^6- phiyarittam gahetva akaddheyyum ceva uppileyyum ca, so mahajanassa vayamo ekanguladvangulamattampi navaya gamanam asadhento niratthako bhaveyya na atthavaho, evameva aham "sabbam aparam tapam anatthavaham hoti"ti natva vissajjesinti. Idani tam aparam tapam pahaya yena maggena buddho jato, tam dassento silantiadimaha. Tattha silanti vacanena sammavacakammantajiva gahita, samadhina @Footnote: ¹ cha.Ma. antosattahasmimyeva ² ka. pannapeti ³ cha.Ma. amaratapam amarabhavatthaya @⁴ cha.Ma., i. na bhavatiti ⁵ cha.Ma. ayam saddo na dissati @⁶ cha.Ma. mahajana abhiruhitva, Si., i. mahajano abhirulho Sammavayamasatisamadhayo, pannaya sammaditthisankappa. Maggam bodhaya bhavayanti imam atthangikam ariyamaggam bodhatthaya bhavento. Ettha ca bodhayati maggatthaya. Yatha hi yagutthaya yagumeva pacanti, puvatthaya puvameva pacanti, na annam kinci karonti, evam maggameva maggatthaya bhaveti. Tenaha "maggam bodhaya bhavayan"ti. Paramam suddhinti arahattam. Nihatoti tvam maya nihato parajito. Pathamam.

The Pali Atthakatha in Roman Book 11 page 161-162. http://84000.org/tipitaka/atthapali/read_rm.php?B=11&A=4200&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=4200&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=416 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=3303 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=2903 The Pali Tipitaka in Roman Character :- http://84000.org/tipitaka/read/roman_read.php?B=15&A=2903 Contents of The Tipitaka Volume 15 http://84000.org/tipitaka/read/?index_15