AtthaPali Vol.11

3. Kisagotamisuttavannana [164] Tatiye kisagotamiti appamamsalohitataya kisa, gotamiti panassa namam. Pubbe kira savatthiyam ekasmim kulaghare ^1- asitikotidhanam sabbam angaramva ^2- jatam. Kutumbiko "angarajatani ^3- aniharitva ^4- "avassam koci punnava bhavissati, tassa punnena puna pakatikam bhavissati"ti suvannahirannassa patiyo ^5- puretva apane thapetva samipe nisidi. Atheka duggatakulassa dhita "addhamasakam gahetva darusakam aharissami"ti vithigata tam disva kutumbikam aha "apane tava dhanam ettakam, gehe kittakam bhavissati"ti. Kim disva amma evam kathesiti. Imam hirannasuvannanti. So "punnavati esa bhavissati"ti tassa vasanatthanam pucchitva apane bhandam patisametva tassa matapitaro upasankamitva evamaha "amhakam gehe vayappatto darako atthi, tassetam darikam detha"ti. Kim sami duggatehi saddhim kelim karositi. Mittasanthavo nama duggatehipi saddhim hoti, detha nam, kutumbasamini bhavissatiti nam gahetva gharam anesi. ^6- Sa samvasamanvaya puttam vijata. Putto padasa ahindanakale kalamakasi. Sa duggatakule uppajjitva mahakulam gantvapi "puttavinasam pattamhi"ti uppannabalavasoka puttassa sarirakiccam varetva tam matakalevaram adaya nagare vippalapanti vicarati. Ekadivasam mahatiya buddhavithiya dasabalassa santikam gantva "puttassa me arogabhavatthaya bhesajjam detha bhagava"ti aha. Gaccha savatthim ahinditva yasmim gehe matapubbo natthi, tato siddhatthakam ahara, puttassa te bhesajjam bhavissatiti. Sa nagaram pavisitva dhuragehato patthaya bhagavata vuttanayena gantva siddhatthakam yacanti ghare ghare "kuto tvam evarupampi gharam passissasi"ti ^7- vutta katipayani gehani ahinditva "sabbesampi kirayam dhammata, na mayham puttasseva"ti salayam chavam chaddetva pabbajjam yaci. Sattha "imam pabbajetu"ti bhikkhunupassayam pesesi. Sa khuraggeyeva arahattam papuni. Imam therim sandhaya "athakho kisagotami"ti vuttam. @Footnote: ¹ cha.Ma. kule ² cha.Ma. angarava ³ Ma. angara jatati ⁴ Si. aharitva @⁵ cha.Ma. catiyo ⁶ Si. abhinesi Ma. atiharati ⁷ i. passasiti Ekamasiti eka asi. Rudammukhiti rudamanamukhi viya. Accantam mataputtamhiti ettha antam atitam accantam, bhavanapumsakametam. Idam vuttam hoti:- yatha puttamaranam antam atitam hoti, evam mataputta aham, idani mama puna puttamaranam nama natthi. Purisa etadantikati purisapi ne etadantikava. Yo me puttamaranassa anto, purisanampi me esevanto, abhabba aham idani purisam gavesitunti. Sabbattha vihata nanditi sabbesu khandhaayatanadhatubhavayonigatithitinivasesu mama tanhanandi vihata. Tamokkhandhoti avijjakkhandho. Padalitoti nanena bhinno. Tatiyam.

The Pali Atthakatha in Roman Book 11 page 181-182. http://84000.org/tipitaka/atthapali/read_rm.php?B=11&A=4710&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=4710&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=528 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=4189 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=3690 The Pali Tipitaka in Roman Character :- http://84000.org/tipitaka/read/roman_read.php?B=15&A=3690 Contents of The Tipitaka Volume 15 http://84000.org/tipitaka/read/?index_15