AtthaPali Vol.11

5. Aparaditthisuttavannana ^*- [176] Pancame tejodhatum samapajjitvati tejokasinaparikammam katva padakajjhanato vutthaya "sarirato jala nikkhamantu"ti adhitthahanto adhitthana- cittanubhavena sakalasarirato jala nikkhamanti, evam tejodhatum samapanno nama hoti, tatha samapajjitva. Tasmim brahmaloketi kasma thero tattha agamasi? therassa kira tejodhatum samapajjitva tassa brahmuno upari nisinnam tathagatam disva "atthivedhi ayam puggalo, mayapettha gantabban"ti ahosi, tasma @Footnote: ¹ cha.Ma. vihethetukamatayati ² cha.Ma. baddhacaro antevasiko ³ cha.Ma. atthacaro @⁴ cha.Ma. evam, i. evam tam ⁵ Si. annampi ⁶ cha.Ma. evam-saddo na dissati @^* cha.Ma. annatarabrahmasutta...

--------------------------------------------------------------------------------------------- page202.

Agamasi. Sesanam gamanepi eseva nayo. Sopi ^1- brahma tathagatassa ceva tathagatasavakananca anubhavam adisva abhabbo vinayam upagantum, tena so sannipato ahosi. Tattha tathagatassa sarirato uggatajala sakalabrahmalokam atikkamitva ajatakase pakkhanda, ta ca pana chabbanna ahesum, tathagatasavakanam sarirapakativannava. ^2- Passasi vitivattantanti imasmim brahmaloke annabrahmasarira- vimanalankaradinam pabha atikkamamanam buddhassa bhagavato pabhassaram pabham passasiti pucchati. Na me marisa sa ditthiti ya me sa "idhagantum samattho anno samano va brahmano va natthi"ti pure ditthi, natthi me sa. Katham vajjanti kena karanena vadeyyam. Niccomhi sassatoti imassa kira brahmuno laddhiditthi ca sassataditthi cati dve ditthiyo, tatrassa tathagatanceva tathagatasavake ca passato laddhiditthi pahina. Bhagava panettha mahantam dhammadesanam desesi, brahma desanapariyosane sotapattiphale patitthahi. Itissa maggena sassataditthi pahina, tasma evamaha. Brahmaparisajjanti brahmaparicarikam. Theranam hi bhandagahakadahara viya brahmanampi parisajja brahmano nama honti. Tenupasankamati kasma therasseva santikam pesesi? there kirassa tattakeneva kathasallapena vissaso udapadi, tasma tasseva santikam pesesi. Annepiti yatha tumhe cattaro jana, kinnu kho evarupa annepi atthi, udahu tumhe cattaro evam ^3- mahiddhikati. Tevijjati pubbenivasadibbacakkhuasavakkhayasankhatahi tihi vijjahi samannagata. Iddhipattati iddhividhinanam ^4- patta. Cetopariyayakovidati paresam cittavare ^5- kusala. Evamettha panca abhinnapi sarupena vutta. Dibbasotam pana tasam vasena agatameva ahosi. ^6- Bahuti evarupa chalabhinna buddhasavaka bahu gananapatham atikkanta, sakalajambudipam kasavapajjotam katva vicarantiti. Pancamam. @Footnote: ¹ cha.Ma. so hi ² cha.Ma., i.abha pakativannava ³ cha.Ma., i. eva @⁴ cha.Ma. iddhividhananam ⁵ cha.Ma. cittacare ⁶ cha.Ma. hoti

The Pali Atthakatha in Roman Book 11 page 201-202. http://84000.org/tipitaka/atthapali/read_rm.php?B=11&A=5235&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=5235&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=573 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=4654 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=4118 The Pali Tipitaka in Roman Character :- http://84000.org/tipitaka/read/roman_read.php?B=15&A=4118 Contents of The Tipitaka Volume 15 http://84000.org/tipitaka/read/?index_15