บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Upaniyasuttavannana [3] Tatiye upaniyatiti parikkhiyati nirujjhati, upagacchati va, anupubbena maranam upetiti attho. Yatha va gopalena gogano niyati, evam jaraya maranasantikam upaniyatiti attho. Jivitanti jivitindriyam. Appanti parittam thokam. Tassa dvihakarehi parittata veditabba sarasaparittataya ca khanaparittataya ca. Sarasaparittatayapi hi "yo bhikkhave ciram jivati, so vassasatam appam va bhiyyo"ti 3- vacanato parittam. Khanaparittatayapi. Paramatthato hi atiparitto sattanam jivitakkhano ekacittappavattimattoyeva. Yatha nama rathacakkam pavattamanampi ekeneva nemippadesena pavattati, titthamanampi ekeneva titthati, evameva 4- ekacittakkhanikam sattanam jivitam, tasmim citte niruddhamatte satto niruddhoti vuccati. Yathaha:- atite cittakkhane jivittha na jivati na jivissati, anagate cittakkhane na jivittha na jivati jivissati, paccuppanne cittakkhane jivati na jivittha na jivissati. Jivitam attabhavo ca sukhadukkha ca kevala ekacittasamayutta lahuso vattate khano. Ye niruddha marantassa titthamanassa va idha sabbepi sadisa khandha gata appatisandhika. Anibbattena na jato paccuppanne na jivati cittabhangamato 5- loko pannatti paramatthiyati. 6- @Footnote: 1 cha.Ma.,i. catunikayikabhandikatthero roceti 2 cha.Ma. nibbanavaseneva, @i. nibbanavasena va 3 di. maha. 10/7/3 mahapadanasutta, sam. nidana. 16/143/184 @vepullapabbatasutta 4 cha.Ma., i. evamevam 5 cha.Ma. cittabhanga mato @6 khu. maha. 29/49/48 guhatthakasuttaniddesa (sya) Jarupanitassati jaram upagatassa, jaraya va maranasantikam upanitassa. Na santi tanati tanam lenam saranam bhavitum samattha nama keci 1- natthi. Etam bhayanti etam jivitindriyassa maranupagamanam, ayuparittata, jarupanitassa tanabhavoti tividham bhayam bhayavatthu bhayakarananti attho. Punnani kayiratha sukhavahaniti vinnu puriso sukhavahani sukhadayakani punnani kareyya. Iti devata rupavacarajjhanam sandhaya pubbacetanam muncanacetananca aparacetananca 2- gahetva bahuvacanavasena "punnani"ti aha, jhanassadam jhananikantim jhanasukhanca gahetva "sukhavahani"ti aha. Tassa kira devataya sayam dighayukatthane brahmaloke nibbattato 3- hettha kamavacaradevesu parittayukatthane cavamane ca upapajjamane ca thullaphusitake vutthipatasadise satte disva etadahosi "aho vatime satta jhanam bhavetva aparihinajjhana kalam katva brahmaloke ekakappadvekappacatukappaatthakappa- solasakappadvattimsakappacatusatthikappappamanam addhanam tittheyyun"ti. Tasma evamaha. Atha bhagava "ayam ca devata aniyyanikam vattakatham katheti"ti vivattamassa dassento dutiyam gathamaha. Tattha lokamisanti dve lokamisa pariyayena ca nippariyayena ca. Pariyayena tebhumikavattam lokamisam, nippariyayena cattaro paccaya. Idha pariyayalokamisam adhippetam. Nippariyayalokamisampi vattatiyeva. Santipekkhoti nibbanasankhatam accantasantim pekkhanto icchanto patthayantoti. Upaniyasuttavannana nitthita. -------------------The Pali Atthakatha in Roman Book 11 page 21-22. http://84000.org/tipitaka/atthapali/read_rm.php?B=11&A=536&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=536&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=7 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=51 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=40 The Pali Tipitaka in Roman Character :- http://84000.org/tipitaka/read/roman_read.php?B=15&A=40 Contents of The Tipitaka Volume 15 http://84000.org/tipitaka/read/?index_15
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]