บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Udayasuttavannana [198] Dutiye odanena puresiti attano atthaya sampaditena sasupabyanjanena 2- odanena puretva adasi. Bhagava kira paccusasamaye lokam volokentova tam brahmanam disva patova sarirapatijagganam katva gandhakutim pavisitva dvaram pidhaya nisinno tassa bhojanam upasamhariyamanam disva ekakova pattam amsakute laggetva gandhakutito nikkhamma nagaradvare pattam niharitva antonagaram pavisitva patipatiya gacchanto brahmanassa dvarakotthake atthasi. Brahmano bhagavantam disva attano sajjitam bhojanam adasi. Tam sandhayetam vuttam. Dutiyampiti dutiyadivasepi. Tatiyampiti tatiyadivasepi. Tani kira tini divasani nirantaram brahmanassa gharadvaram gacchantassa bhagavato antara yo koci 3- utthaya pattam gahetum samattho nama nahosi, mahajano olokentova atthasi. Etadavocati brahmano tini divasani pattam puretva dentopi na saddhaya adasi, "gharadvaram agantva thitassa pabbajitassa bhikkhamattampi adatva bhunjati"ti uparambhabhayena adasi. Dadanto ca dve divasani datva kinci avatvava nivatto. Bhagavapi kinci avatvava pakkanto. Tatiyadivase pana adhivasetum asakkonto etam "pakatthako"tiadivacanam avoca. Bhagavapi etam vacanam niccharapanatthameva yava tatiyam agamasi. Tattha pakatthakoti rasagiddho. Punappunam ceva vapanti bijanti sattha brahmanassa vacanam sutva "brahmana tvam tini divasani pindapatam datva osakkasi, punappunam katabba @Footnote: 1 cha.Ma. punapi divaseyeva 2 cha.Ma., i. supabyanjanena 3 cha.Ma. anno koci Nama lokasmim solasa dhamma"ti vatva te dhamme dassetum imam dhammadesanam 1- arabhi. Tattha punappunam ceva vapantiti ekasmim sassavare vuttam. "alamettavata"ti anosakkitva aparaparesupi sassavaresu ca vapantiyeva. Punappunam vassatiti na ekadivasam vassitva titthati, punappunam divasesupi punappunam samvaccharesupi vassatiyeva, evam janapada iddha honti. Etenupayena sabbattha atthanayo 2- veditabbo. Yacakati imasmim pade sattha desanakusalataya attanampi pakkhipitva dasseti. Khiranikati khirakaraka 3- godohaka. Na hi te ekavarameva thanam anchanti, punappunam anchanta dhenum duhantiti attho. Kilamati phandati cati ayam satto tena iriyapathena kilamati ceva phandati ca. Gabbhanti sonasingaladinampi tiracchanagatanam tiracchanagatanam kucchim. Sivathikanti susanam, matam matam sattam tattha punappunam harantiti attho. Magganca laddha apunabbhavayati apunabbhavaya maggo nama nibbanam, tam labhitvati attho. Evam vutteti evam bhagavata antaravithiyam thatvava solasa punappunadhamme 4- desentena vutte. Etadavocati desanapariyosane pasanno saddhim puttadaramittanativaggena bhagavato pade vanditva etam "abhikkantam bho"tiadivacanam avoca. Dutiyam.The Pali Atthakatha in Roman Book 11 page 244-245. http://84000.org/tipitaka/atthapali/read_rm.php?B=11&A=6338&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=6338&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=677 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=5615 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=4976 The Pali Tipitaka in Roman Character :- http://84000.org/tipitaka/read/roman_read.php?B=15&A=4976 Contents of The Tipitaka Volume 15 http://84000.org/tipitaka/read/?index_15
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]