AtthaPali Vol.11

3. Devahitasuttavannana [199] Tatiye vatehiti udaravatehi. Bhagavato kira chabbassani dukkarakarikam karontassa pasatapasatamuggayusadini ^5- aharayato dubbhojanena ceva dukkhaseyyaya ca udaravato kuppi ^6- aparabhage sambodhim patva panitabhojanam bhunjantassapi antarantara so abadho attanam dassetiyeva. Tam sandhayetam vuttam. Upatthako hotiti pathamabodhiyam anibaddhupatthakakale upatthako hoti. Tasmim kira kale satthu asitimahatheresu upatthako abhutapubbo nama natthi. Nagasumano ^7- upavano sunakkhatto cundo samanuddeso sagato bodhi meghiyoti ime pana paliyam @Footnote: ¹ cha.Ma. desanam ² cha.Ma. nayo ³ ka. khirakarana ⁴ Si. solasavidham punapapunadhammam @⁵ cha.Ma. pasatamuggayusadini ⁶ ka. kampi ⁷ cha.Ma., i. nagasamalo

--------------------------------------------------------------------------------------------- page246.

Agatupatthaka. Imasmim pana kale upavanatthero patova utthaya parivenasammajjanam dantakatthadanam nhanodakapariyadanam pattacivaram gahetva anuggamananti sabbam bhagavato upatthanam akasi. Upasankamiti pathamabodhiyam kira visativassani niddhumam ^1- arannamahosi, ^2- bhikkhusamghassa udakatapanampi na bhagavata anunnatam. So ca brahmano uddhanapalim bandhapetva mahapatiyo ^3- uddhanam aropetva unhodakam karetva nhaniyacunnadihi saddhim tam vikkinanto jivitam kappeti. Nhayitukama tattha gantva mulam datva nhayitva gandhehi ^4- vilimpitva malam pilandhitva pakkamanti. Tasma thero tattha upasankami. Kim patthayanoti kim icchanto. Kim esanti kim gavesanto. Pujito pujaneyyananti idam thero dasabalassa vannam kathetumarabhi. Gilanabhesajjattham gatena kira gilanassa vanno kathetabboti vattametam. ^5- Vannam hi sutva manussa sakkaccam bhesajjam databbam mannanti, sappayabhesajjam laddhagilano ^6- khippameva vutthati. Kathentena ca jhanavimokkhasamapattimaggaphalani arabbha kathetum na vattati. "silava lajji kukkuccako bahussuto agamadharo vamsanurakkhako"ti evam pana agamaniyapatipadamyeva kathetum vattati. Pujaneyyananti asitimahathera sadevakena lokena pujetabbati pujaneyya. Teyeva sakkatabbati sakkareyya. Tesamyeva apaciti kattabbati apacineyya. ^7- Bhagava tesam pujito sakkato apacito ca, iccassa tam gunam pakasento thero evamaha. Hataveti haritum. Phanitassa putanti mahantam niccharikam gulapindam. So kira "kim samanassa gotamassa aphasukan"ti pucchitva "udaravato"ti sutva "tenahi mayamettha bhesajjam janama, ito thokena udakena imam phanitam aloletva nhanapariyosane patum detha, iti unhodakena bahi parisedo ^8- bhavissati, imina antoti evam samanassa gotamassa phasukam bhavissati"ti vatva therassa patte pakkhipitva adasi. @Footnote: ¹ Si. nibaddham ² cha.Ma. arannameva hoti ³ cha.Ma. mahacatiyo ⁴ cha.Ma. gandhe @⁵ ka. vuttametam ⁶ cha.Ma. laddha gilano ⁷ cha.Ma. apaceyya ⁸ Ma. sarirasedo

--------------------------------------------------------------------------------------------- page247.

Upasankamiti tasmim kira abadhe patippassaddhe "devahitena tathagatassa bhesajjam dinnam, teneva rogo vupasanto, aho danam paramadanam brahmanassa"ti katha vittharita jata. Tam sutva kittikamo brahmano "ettakenapi tava me ayam kittisaddo abbhuggato"ti somanassajato attana katabhavam janapetukamo tavadeva ^1- dasabale vissasam apajjitva upasankami. Dajjati dadeyya. Katham hi yajamanassati kena karanena yajantassa. Ijjhatiti samijjhati mahapphalo hoti. Yovediti yo avedi annasi, viditam pakatamakasi "yoveti"tipi patho, yo aveti janatiti attho. Passatiti dibbacakkhuna passati. Jatikkhayanti arahattam. Abhinna vositoti janitva vosito vosanam katakiccatam patto. Evam hi yajamanassati imina khinasave yajanakarena yajantassa. Tatiyam.

The Pali Atthakatha in Roman Book 11 page 245-247. http://84000.org/tipitaka/atthapali/read_rm.php?B=11&A=6374&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=6374&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=682 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=5642 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=5009 The Pali Tipitaka in Roman Character :- http://84000.org/tipitaka/read/roman_read.php?B=15&A=5009 Contents of The Tipitaka Volume 15 http://84000.org/tipitaka/read/?index_15