AtthaPali Vol.11

8. Parosahassasuttavaṇṇanā [216] Aṭṭhame parosahassanti atirekasahassaṃ. Akutobhayanti nibbāne kutoci bhayaṃ natthi, nibbānappattassa hi ^4- kutoci bhayaṃ natthīti nibbānaṃ akutobhayaṃ nāma. Isīnaṃ isisattamoti vipassito paṭṭhāya isīnaṃ sattamako isi. Kiṃ nu te vaṅgīsāti idaṃ bhagavā atthuppattivasena āha. Saṃghamajjhe kira kathā udapādi "vaṅgīsatthero vissaṭṭhavatto, neva uddese, na paripucchāya, na yonisomanasikāre kammaṃ karoti, gāthā bandhanto puna padāni ^5- karonto vicaratī"ti. Atha bhagavā cintesi "ime bhikkhū vaṅgīsassa paṭibhāṇasampattiṃ na @Footnote: ¹ Ma. sadisattena, i. sadisatthena ² cha.Ma. appossukko tvaṃ deva @³ i. vāhetīti saṃsārakantāraṃ, cha.Ma. vāheti saṃsārakantāraṃ @⁴ cha.Ma. nibabānappattassa vā, i. nibbānaṃ pattassa vā @⁵ cha.Ma. cuṇṇiyapadāni, i. cuṇaṇapadāni Jānanti, cintetvā ^1- vadatīti maññanti, paṭibhāṇasampattimassa jānāpessāmī"ti cintetvā "kiṃ nu te vaṅgīsā"tiādimāha. Ummaggapathanti anekāni kilesummujjanasatāni, ^2- pavattimaggatāya ^3- pana pathanti vuttaṃ. Pabhijja khilānīti rāgakhilādīni pañca bhinditvā vicarasi. Taṃ passathāti taṃ evaṃ abhibhuyya bhinditvā vicarantaṃ buddhaṃ passatha. Bandhapamuñcakaranti bandhanamocanakaraṃ. Asitanti anissitaṃ. Bhāgaso pavibhajjanti satipaṭṭhānādikoṭṭhāsavasena dhammaṃ vibhajantaṃ. Pavibhajāti vā pāṭho, aṅgapaccaṅgakoṭṭhāsavasena vibhajitvā ^4- passathāti attho. Oghassāti caturoghassa. Anekavihitanti satipaṭṭhānādivasena anekavidhaṃ. Tasmiṃ ce ^5- amate akkhāteti tasmiṃ tena akkhāte amate. Dhammaddasāti dhammassa passitāro. ^6- Ṭhitā asaṃhīrāti asaṃhāriyā hutvā patiṭṭhitā. Ativijjhāti ativijjhitvā. Sabbaṭṭhitīnanti sabbesaṃ diṭṭhiṭṭhānānaṃ viññāṇaṭṭhitīnaṃ vā. Atikkamamaddasāti atikkamabhūtaṃ nibbānamaddasa. ^7- Agganti uttamadhammaṃ. Aggeti vā pāṭho, paṭhamataranti attho. Dasaddhānanti pañcannaṃ aggadhammaṃ pañcavaggiyānaṃ, agge vā pañcavaggiyānaṃ dhammaṃ desetīti ^8- attho. Tasmāti yasmā esa dhammo sudesitoti jānantena ca pamādo na kātabbo, tasmā. Anusikkheti tisso sikkhā sikkheyya. Aṭṭhamaṃ.

The Pali Atthakatha in Roman Book 11 page 264-265. http://84000.org/tipitaka/atthapali/read_rm.php?B=11&A=6849 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=6849 อ่านอรรถกถาแปลไทย :- http://84000.org/tipitaka/attha/attha.php?b=15&i=747 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=6224 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=5527 The Pali Tipitaka in Roman Character :- http://84000.org/tipitaka/read/roman_read.php?B=15&A=5527 Contents of The Tipitaka Volume 15 http://84000.org/tipitaka/read/?index_15