บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Kassapagottasuttavannana [223] Tatiye chetanti 7- ekam migaluddakam. Ovadatiti so kira migaluddako patova bhunjitva "mige vadhissami"ti arannam pavittho ekam rohitamigam disva "sattiya nam paharissami"ti anubandhamano therassa pathamasutte vuttanayeneva divavihare 8- nisinnassa avidurena pakkamati. Atha nam thero "upasaka panatipato namesa apayasamvattaniko appayukasamvattaniko, sakka annenapi kasivanijjadina kammena darabharanam katum, ma evarupam kakkhalam kammam karohi"ti aha. Sopi "mahapamsukulikatthero katheti"ti garavena thatva sotum araddho. Athassa sotukamatam janessami"ti so 9- angutthakam jalapesi. So akkhihipi passati, kannehipi sunati, cittam panassa "asukatthanam migo gato bhavissati, asukatittham otinno, tattha @Footnote: 1 cha.Ma., i. va 2 Si. khandhesu Ma., i. bandhesu 3 Si. diva soppam tapessatiti, @ cha.Ma. tapessatiti, i. tappessatiti 4 i. tappati @5 i. tappissati tappissati evati attho 6 Si. paramavodananti, cha.Ma. paramodananti @7 Si., i. cetanti 8 cha.Ma. divaviharam 9 cha.Ma., i. thero Nam gantva ghatetva yavadicchakam mamsam khaditva sesam kajenadaya gantva puttake tosessami"ti evam migasseva anupadam dhavati. Evam vikkhittacittassa tam dhammam desentam theram sandhaya vuttam "ovadati"ti. Ajjhabhasiti "ayam thero adarum tacchanto viya akhette vappento viya attanopi kammam naseti, etassapi, codessami nan"ti abhasi. Appapannanti nippannam. Acetasanti karanajananasatthena cittena rahitam. Mandovati andhabalo viya. Sunatiti tava dhammakatham sunati. Na vijanatiti atthamassa na janati. Aloketiti tava pothujjanikaiddhiya jalantam angutthakam aloketi. Na passatiti ettha "neva telam na vatti na dipakapallika, therassa pana anubhavenayam jalati"ti imam karanam na passati. Dasa pajjoteti dasasu angulisu dasa padipe. Rupanini karanarupani. Cakkhuti pannacakkhu. Samvegamapaditi kimme iminati viriyam paggayha paramavivekam arahattamaggam patipajji. Tatiyam.The Pali Atthakatha in Roman Book 11 page 274-275. http://84000.org/tipitaka/atthapali/read_rm.php?B=11&A=7094&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=7094&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=766 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=6427 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=5712 The Pali Tipitaka in Roman Character :- http://84000.org/tipitaka/read/roman_read.php?B=15&A=5712 Contents of The Tipitaka Volume 15 http://84000.org/tipitaka/read/?index_15
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]