AtthaPali Vol.11

2. Nandanavagga 1. Nandanasuttavannana [11] Nandanavaggassa pathame tatrati tasmim arame. Khoti byanjanasilitthatavasena nipatamattam. Bhikkhu amantesiti parisajetthake bhikkhu janapesi. Bhikkhavoti tesam amantanakaradipanam. Bhadanteti pativacanadanam. Te bhikkhuti ye tattha sammukhibhuta dhammapatiggahaka bhikkhu. Bhagavato paccassosunti tam ^1- bhagavato vacanam patiassosum, abhimukha hutva sunimsu sampaticchimsuti attho. Etadavocati etam idani vattabbam "bhutapubban"tiadivacanam avoca. Tattha tavatimsakayikati tavatimsakaye nibbatta. Tavatimsakayo nama dutiyadevaloko vuccati. Maghena ^2- manavena saddhimacalagame kalam katva tattha uppanne tettimsa devaputte upadaya kirassa ^3- devalokassa ayam pannatti jatati vadanti. Yasma pana sesacakkavalesupi cha kamavacaradevaloka atthi. Vuttamapi cetam "sahassam catummaharajikanam sahassam @Footnote: ¹ cha.Ma. ayam patho na dissati ² Ma. maghena ³ cha.Ma. kira tassa

--------------------------------------------------------------------------------------------- page29.

Tavatimsanan"ti ^1- tasma nama pannattiyevesa tassa devalokassati veditabba. Evam hi niddosapadam hoti. Nandanavaneti ettha tam vanam pavitthe pavitthe nandayati tosetiti nandanam. Pancasu hi marananimittesu uppannesu "sampattim pahaya cavissama"ti ^2- paridevamana devata sakko devanamindo "ma paridevittha, abhijjanadhamma nama sankhara natthi"ti ovaditva tattha pavesapeti. Tasam annahi devatahi bahasu gahetva pavesitanampi tassa sampattim disvava maranasoko vupasamati, pitipamojjameva uppajjati. Atha ^3- tasmim kilamanaeva unhasantatto himapindo viya viliyanti, vatapahatadipasikha viya pavijjhayantiti. Evam yankinci anto pavittham nandayati tosetiyevati nandanam, tasmim nandane. Accharasanghaparivutati accharati devadhitanam namamam, tasam samuhena parivuta. Dibbehiti devaloke nibbattehi. Pancahi kamagunehiti manapapiyarupasaddagandha- rasaphotthabbasankhatehi pancahi kamabandhanehi kamakotthasehi va. Samappitati upeta. Itaram tasseva vevacanam. Paricariyamanati ramayamana, ^4- tesu tesu va rupadisu indriyani sancarayamana. Tayam velayanti tasmim paricaranakale. So panassa devaputtassa adhunabhinibbattakalo veditabbo. Tassa hi patisandhikkhaneyeva rattasuvannakkhandho viya virocayamano tigavutapmano attabhavo nibbatti. So dibbavatthanivattho dibbalankarapatimandito dibbamalavilepanadharo dibbehi candanacunnehi samavikiriyamano ^5- dibbehi pancahi kamagunehi ophuto niphuto ^6- pariyonaddho lobhabhibhuto hutva lobhanissaranam nibbanam apassanto asabhim vacam bhasanto viya mahasaddena "na te sukham pajananti"ti imam gatham bhasamano ^7- nandanavane vicari. Tena vuttam "tayam velayam imam gatham abhasi"ti. @Footnote: ¹ an. dasaka. 24/29/47 pathamakosalasutta ² Si., i. cavissama cavissamati ³ Ma. tada @⁴ cha.Ma., i. paricarayamanati ramamana ⁵ Si., i. sammavikiriyamano, cha.Ma. samam @vikiriyamano ⁶ i., cha.Ma. ovuto nivuto ⁷ cha.Ma. gayamano

--------------------------------------------------------------------------------------------- page30.

Ye na passanti nandananti ye tatra pancakamagunanubhavanavasena nandanavanam na passanti. Naradevananti devanaranam, devapurisananti attho. Tidasananti tikkhattum dasannam. Yasassinanti parivarasankhatena yasena sampannanam. Annatara devatati eka ariyasavika devata. Paccabhasiti "ayam baladevata imam sampattim niccam acalam mannati, nassa chedanabhedanaviddhamsanadhammatam janati"ti adhippayam vivattetva dassenti "na tvam bale"ti imaya gathaya patiabhasi. Yatha arahatam vacoti yatha arahantanam vacanam, tatha tvam na janasiti. Evam tassadhippayam patikkhipitva idani arahantanam vacanam dassenti aniccatiadimaha. Tattha anicca vata sankharati sabbe tebhumikasankhara hutva abhavatthena anicca. Uppadavayadhamminoti uppadavayasabhava. Uppajjitva nirujjhantiti idam purimassa vevacanam. Yasma va uppajjitva nirujjhanti, tasma uppadavayadhamminoti. Uppadavayaggahanena cettha tadantara vemajjhatthanam ^1- gahitameva hoti. Tesam vupasamo sukhoti tesam sankharanam vupasamasankhatam nibbanameva sukham. Idam arahatam vacoti. Nandanasuttavannana nitthita. ------------------

The Pali Atthakatha in Roman Book 11 page 28-30. http://84000.org/tipitaka/atthapali/read_rm.php?B=11&A=733&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=733&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=23 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=141 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=124 The Pali Tipitaka in Roman Character :- http://84000.org/tipitaka/read/roman_read.php?B=15&A=124 Contents of The Tipitaka Volume 15 http://84000.org/tipitaka/read/?index_15