AtthaPali Vol.11

8. Sudattasuttavannana [242] Atthame kenacideva karaniyenati vanijjakammam adhippetam. Anathapindiko ca rajagahasetthi ca annamannam bhaginipatika honti. Yada rajagahe vutthanakabhandakam mahaggham hoti, tada rajagahasetthi tam gahetva pancasakatasatehi savatthim gantva yojanamatte thito attano agatabhavam janapesi. ^6- Anathapindiko paccuggantva tassa mahasakkaram katva ekayanam aropetva savatthim pavisati. So sace bhandam lahukam vikkayati, vikkinati, ^7- no ce, bhaginighare thapetva @Footnote: ¹ cha.Ma. dipeti ² cha.Ma. dese thita yakkhini, i. padese thita yakkhini @³ cha.Ma. ahamhi ajja vattato ⁴ cha.Ma. dhita me uttarapi ⁵ cha.Ma. patilabhati @⁶ cha.Ma., i. janapeti ⁷ i. lahum vikkiniyati vikkinati Pakkamati. Anathapindikopi tatheva karoti. Svayam tadapi teneva karaniyena agamasi. Tam sandhayetam vuttam. Tamdivasam pana rajagahasetthi yojanamatte thitena anathapindikena agatabhavajananattham pesitam pannam na suni. Dhammassavanatthaya viharam agamasi. So dhammakatham sutva svatanaya buddhappamukham bhikkhusamgham nimantetva attano ghare uddhanakhanapanadaruphalanadini ^1- karesi. Anathapindikopi "idani mayham paccuggamanam karissati, idani karissati"ti gharadvarepi paccuggamanam alabhitva anto gharam pavittho. Patisantharampi na bahum alattha. "kim mahasetthi kuladarakarupanam. ^2- Nasi magge kilamanto"ti ^3- ettakova patisantharo ahosi, so tassa mahabyaparam disva "kinnu te gahapati avaho va bhavissati"ti khandhake ^4- agatanayena katham pavattetva tassa mukhato buddhasaddam sutva pancavannam pitim patilabhi. Sa tassa sise utthahitva ^5- yava padapitthiya, padapitthiya utthaya yava sisa gacchati, ubhato utthaya osarati, majjhe utthaya ubhato gacchati. So pitiya nirantaram phuttho "buddhoti tvam gahapati vadasi, ^6- buddhotaham gahapati vadami"ti evam tikkhattum pucchitva "ghosopi kho eso dullabho lokasmim yadidam buddho"ti aha. Idam sandhaya vuttam "assosi kho anathapindiko gahapati buddho kira loke uppanno"ti. Etadahosi akalo kho ajjati so tam ^7- setthim pucchi "kuhim gahapati sattha viharati"ti. Athassa so "buddha nama durasada asivisasadisa honti, sattha sivathikayam ^8- vasati, na sakka tattha tumhadisehi imaya velaya gantun"ti acikkhi. Athassa etam ahosi. Buddhagataya satiya nipajjiti tamdivasam kirassa bhandasakatesu va upatthakesu va cittampi na uppajji, sayamasampi na akasi, sattabhumikam pana pasadam aruyha supannattalankatavarasayane "buddho buddho"ti sajjhayam karontova nipajjitva niddam okkami, tena vuttam "buddhagataya satiya nipajji"ti. @Footnote: ¹ cha.Ma. uddhanakhanapanadaruphalanadini, i.....phalanadini @² cha.Ma., i. mahasetthi kusalam darakarupanam ³ cha.Ma., i. kilantoti @⁴ vinaYu. cula. 7/304/73 senasanakkhandhaka ⁵ cha.Ma., i. sisena utathaya @⁶ i. tam gahapati vadesi ⁷ cha.Ma., i. sokira tam ⁸ Si., i. sitavane Rattiya sudam tikkhattum utthasi pabhatanti mannamanoti pathamayame tava vitivatte utthaya buddham anussari, athassa balavappasado udapadi, pitialoko ahosi, sabbam tamam vigacchi, dipasahassujjalanam ^1- viya candutthanam suriyutthanam viya ca jatam. So "pamadam apannomhi, vancitomhi, ^2- suriyo uggato"ti utthaya akasatale thitam candam oloketva "ekova yamo gato, anne dve atthi"ti puna pavisitva nipajji. Etenupayena majjhimayamavasanepiti ^3- tikkhattum utthasi. Pacchimayamavasane pana balavapaccuseyeva utthaya akasatalam agantva ^4- mahadvarabhimukhova ahosi, sattabhumikadvaram sayameva vivatam ahosi. So pasada oruyha antaravithim patipajji. Vivarimsuti "ayam mahasetthi `buddhupatthanam gamissami'ti nikkhanto, pathamadassaneneva sotapattiphale patitthaya tinnam ratananam aggupatthako hutva asadisam samgharamam katva catuddisassa ariyaganassa anavatadvaro bhavissati, na yuttamassa dvaram pidahitun"ti cintetva vivarimsu. Antaradhayiti rajagaham kira akinnamanussam antonagare nava kotiyo, bahinagare navati tam upanissaya attharasa manussakotiyo vasanti. Avelaya matamanusse bahi niharitum asakkonta attalake thatva bahidvare khipanti. Mahasetthi nagarato bahi nikkhantamattova allasariram padena akkami, aparampi pitthipadena pahari. Makkhika uppatitva parikirimsu. Duggandho nasaputam abhihani. Buddhappasado tanuttam gato. ^5- Tenassa aloko antaradhayi. Andhakaro paturahosi. Saddamanussavesiti "setthissa ussaham janessami"ti suvannakimkinikam ghatento viya madhurassarena saddam anussavesi. Satam kannasahassaniti purimapadanipi iminava sahassapadena saddhim sambandhani ^6- tatheva ^7- hi satam kannasahassani, satam sahassani hatthi satam sahassani, assa satam sahassani rathati ayamettha attho. Iti ekekasatasahassameva dipitam. Padavitiharassati padavitiharo nama samagamane dvinnam padanam antare @Footnote: ¹ cha.Ma., i....ujjalam ² cha.Ma. apanno vatamhi, i. bujjhitomhi @³ cha.Ma. majjhimayamavasanepi pacchimayamavasanepiti ⁴ Si., i.gantva @⁵ Si., i. tanubhuto, Ma. tanukam gato ⁶ cha.Ma., i. sambandhaniyani ⁷ cha.Ma. yatheva Mutthiratanamattam. Kalam nagghanti solasinti tam ekam padavitiharam solasabhage katva tato eko kotthaso puna solasadha, tato eko solasadhati evam solasavare solasadha bhinnassa eko kotthaso solasikalam ^1- nama, tam solasikalam etani cattari satasahassani na agghanti. Idam vuttam hoti:- satam hatthisahassani satam assasahassani satam rathasahassani satam kannasahassani, ta ca kho amukkamanikundala sakalajambudiparajadhitaro vati imasma ettaka labha viharam gacchantassa tasmim solasikalasankhate padese pavattacetanava uttaritarati. Idam pana viharagamanam kassa vasena gahitanti? viharam gantva anantarayena sotapattiphale patitthahantassa. "gandhamaladihi pujam karissami, cetiyam vandissami, dhammam sossami, dipadhupapujam ^2- karissami, samgham nimantetva danam dassami, sikkhapadesu va saranesu va patitthahissami"ti gacchatopi vasena vattatiyeva. Andhakaro antaradhayiti so kira cintesi "aham ekakoti sannam karomi, anuyuttapi me atthi, kasma bhayami"ti suro ahosi. Athassa balava ^3- buddhappasado udapadi. Tasma andhakaro antaradhayiti. Sesavaresupi eseva nayo. Apica purato purato gacchanto bhimsanake susanamagge atthikasankhalikasamamsalohitantiadinipi ^4- anekavidhani kunapani addasa. Sonasingaladinam saddam assosi. Tam sabbam parissayam punappunam buddhagatam pasadam vaddhetva maddanto agamasiyeva. Ehi sudattati so kira setthi gacchamanova cintesi "imasmim loke bahu puranakassapadayo titthiya `mayam buddha mayam buddha'ti vadanti, katham nu kho aham satthu buddhabhavam janeyyan"ti. Athassa etadahosi "mayham gunavasena uppannam namam mahajano janati, kuladattiyam pana me namam annatra maya na koci janati. Sace buddho bhavissati, kuladattikanamena mam alapissati"ti. Sattha tassa cittam natva evamaha. Parinibbutoti kilesaparinibbanena parinibbuto. Asattiyoti tanhayo. Santinti kilesavupasamam. Pappuyyati patva. Idanca pana vatva sattha tassa @Footnote: ¹ cha.Ma., i. solasikala ² cha.Ma., i. dipapujam ³ i. ayam patho na dissati @⁴ cha.Ma....adini Anupubbikatham kathetva matthake cattari saccani pakasesi. Setthi dhammadesanam sutva sotapattiphale patitthaya buddhappamukham bhikkhusamgham nimantetva punadivasato patthaya mahadanam datum arabhi. Bimbisararajadayo setthissa sasanam pesenti "tvam agantuko, yam nappahoti, tam ito aharapehi"ti. So "alam tumhe bahukicca"ti sabbe patikkhipitva pancahi sakatasatehi anitavibhavena sattaham mahadanam adasi. Danapariyosane ca bhagavantam savatthiyam vassavasam patijanapetva rajagahassa ca savatthiya ca antare yojane yojane satasahassam datva pancacattalisavihare ^1- karento savatthim gantva jetavanamahaviharam karetva buddhappamukhassa bhikkhusamghassa niyyadesi. ^2- Atthamam.

The Pali Atthakatha in Roman Book 11 page 295-299. http://84000.org/tipitaka/atthapali/read_rm.php?B=11&A=7626&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=7626&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=826 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=6787 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=6062 The Pali Tipitaka in Roman Character :- http://84000.org/tipitaka/read/roman_read.php?B=15&A=6062 Contents of The Tipitaka Volume 15 http://84000.org/tipitaka/read/?index_15