AtthaPali Vol.12

2. Kalarasuttavannana [32] Dutiye kalarakhattiyoti tassa therassa namam. Danta panassa kalara visamasanthana, tasma "kalaro"ti vuccati. Hinayavattoti hinassa gihibhavassa atthaya nivatto. Assasamalatthati assasam avassayam patittham na hi nuna ^1- alattha, tayo magge tini ca phalani nuna nalatthati dipeti. Yadi hi tani labheyya, na sikkham paccakkhaya hinayavatteyyati ayam therassa adhippayo. Na khvaham avusoti aham kho avuso "assasampatto"ti ^2- na kankhami. Therassa hi savakaparaminanam avassayo, tasma so na kankhati. Ayatim panavusoti imina "ayatim patisandhi tumhakam ugghatita, na ugghatita"ti arahattappattim pucchati. Na khvaham avuso vicikicchamiti imina thero tattha vicikicchabhavam dipeti. @Footnote: ¹ Si. nahanuna ² cha.Ma.,i. assasam patto, na pattoti Yena bhagava tenupasankamiti imam sukaranam ^1- bhagavato arocessami"ti upasankami. Anna byakatati arahattam byakatam. Khina jatiti na therena evam byakata, ayam pana thero tuttho pasanno evam padabyanjanani aropetva aha. Annataram bhikkhum amantesiti tam sutva sattha cintesi "sariputto dhiro gambhiro, na so kenaci karanena evam byakarissati, sankhittena pana panho byakato bhavissati, pakkosapetva nam panham byakarapessami"ti annataram bhikkhum amantesi. Sace tam sariputtati idam bhagava "na esa attano dhammataya annam byakarissati, panhametam pucchissami, tam kathento ca ^2- annam byakarissati"ti annam byakarapetum evam pucchi. Yamnidanavuso jatiti avuso ayam jati nama yampaccaya, tassa paccayassa sankhya ^3- khinasmim jatiya paccaye jatisankhatam phalam khinanti viditam. Idhapica thero panhe akankhitva ajjhasaye kankhati. Evam kirassa ahosi "anna nama tanha khina, upadanam khinam, bhavo khino. Paccayo khino, kilesa khinatiadihi bahuhi karanehi sakka byakatum, katham kathento pana satthu ajjhasayam gahetum sakkhissami"ti. Kincapi evam ajjhasaye kankhati, panham pana atthapetvava paccayakaravasena byakasi. Satthapi paccayakaravaseneva byakarapetukamo, tasma esa byakarontova ajjhasayam ganhi. Tavadeva "gahito me satthu ajjhasayo"ti annasi. Athassa nayasatena nayasahassena panhabyakaranam upatthasi. Yasma pana bhagava uttaram ^4- panham pucchati, tasma tena tam ^5- byakaranam anumoditanti veditabbam. @Footnote: ¹ cha.Ma. sutakaranam @² cha.Ma.,i. va ³ cha.Ma.,i. khya @⁴ cha.Ma. uttari ⁵ Si. netam Katham janato pana teti idam kasma arabhi? avisaye sihanadam nadapetum. Thero kira sukarakhatalenadvare ^1- dighanakhaparibbajakassa vedanapariggahasutte kathiyamane talavantam gahetva sattharam vijayamano thito tisso vedana pariggahetva savakaparaminanam adhigato, ayamassa avisayo. Imasmim savisaye thito sihanadam nadissatiti nam sandhaya sattha imam panham pucchi aniccati hutva abhavatthena anicca. Yadaniccam tam dukkhanti ettha kincapi sukha vedana thitisukha viparinamadukkha, dukkha vedana thitidukkha viparinamasukha, adukkhamasukha nanasukha annanadukkha, viparinamakotiya pana sabbava dukkha nama jata. Viditanti yasma evam vedanattayam dukkhanti viditam. Tasmassa ya ^2- tattha tanha, sa na upatthasiti dasseti. Sadhu sadhuti therassa vedanaparicchedane ^4- sampahamsanam. Thero hi vedana ekati va dve tisso catassoti va avutteyeva ^4- tasam tissoti paricchedam annasi, tena tam bhagava sampahamsanto evamaha. Dukkhasminti idam bhagava imina adhippayena aha "sariputta yam taya `imina karanena vedanasu tanha na upatthasi'ti byakatam, tam subyakatam. `tisso Vedana'ti vibhajantena pana te atipapanco kato, tam `dukkhasmin'ti byakarontenapi hi te subyakatameva bhaveyya. Yankinci vedayitam, tam dukkhanti natamattepi hi vedanasu tanha na titthati"ti katham vimokkhati katara vimokkha, katarena vimokkhena taya anna byakatati attho. Ajjhattavimokkhati ^5- ajjhattavimokkhena, ajjhattasankhare pariggahetva @Footnote: ¹ cha.Ma. sukaranikhata...... ² cha.Ma. tasma ya, i. tasma mam ya @³ cha.Ma.,i....paricchedajanane ⁴ cha.Ma.,i. avuttepi vuttanayena @⁵ cha.Ma. ajjhattam vimokkhati Pattaarahattenati attho. Tattha catukkam veditabbam:- ajjhattam abhiniveso ajjhattam vutthanam, ajjhattam abhiniveso bahiddha vutthanam, bahiddha abhiniveso bahiddha vutthanam, bahiddha abhiniveso ajjhattam vutthananti. Ajjhattam hi abhinivesitva bahiddha dhammapi datthabbayeva, bahiddha abhinivesitva ajjhattadhammapi. Tasma koci bhikkhu ajjhattasankharesu nanam otaretva te vavatthapetva bahiddha otareti, bahiddhapi pariggahetva puna ajjhattam otareti, tassa ajjhattasankhare sammasanakale maggavutthanam hoti. Iti ajjhattam abhiniveso ajjhattam vutthanam nama. Koci ajjhattasankharesu nanam otaretva te vavatthapetva bahiddha otareti, tassa bahiddha sankhare sammasanakale maggavutthanam hoti. Iti ajjhattam abhiniveso bahiddha vutthanam nama. Koci bahiddha sankharesu nanam otaretva te vavatthapetva ajjhattam otareti, ajjhattampi pariggahetva puna bahiddha otareti, tassa bahiddha sankhare sammasanakale maggavutthanam hoti. Iti bahiddha abhiniveso bahiddha vutthanam nama. Koci bahiddha sankharesu nanam otaretva te vavatthapetva ajjhattam otareti, tassa ajjhattasankhare sammasanakale maggavutthanam hoti. Iti bahiddha abhiniveso ajjhattam vutthanam nama. Tatra thero "ajjhattasankhare pariggahetva tesam vavatthanakale maggavutthanena arahattapattosmi"ti dassento ajjhattavimokkha khvaham avusoti aha. Sabbupadanakkhayati sabbesam catunnampi udadananam khayena. Tathasato ^1- viharamiti tenakarena satiya samannagato viharami. Yathasatam viharantanti yenakarena mam satiya samannagatam viharantam. Asava nanussavantiti cakkhuto rupe savanti asavanti sandanti pavattantiti evam chahi dvarehi chasu arammanesu savanadhamma kamasavadayo asava nanussavanti nanuppabandhanti, ^2- yatha me na @Footnote: ¹ cha.Ma. tatha sato ² cha.Ma. nanuppavaddhanti Uppajjantiti attho. Attananca navajanamiti attananca na avajanami. Imina omanapahanam ^1- kathitam. Evam hi sati pajanana pasanna ^2- hoti. Samanenati buddhasamanena. Tesvaham na kankhamiti tesu aham "kataro kamasavo, kataro bhavasavo, kataro ditthasavo, kataro avijjasavo"ti evam sarupabhedatopi, "cattaro asava"ti evam gananaparicchedatopi na kankhami. Te me pahinati na vicikicchamiti te mayham pahinati vicikiccham na uppadesim. ^3- Idam bhagava "evam byakarontenapi taya subyakatam bhaveyya, `ajjhattavimokkha khvaham avuso'tiadini pana te vadantena atipapanco kato"ti dassento aha. Utthayasana viharam pavisiti pannattapavarabuddhasanato ^4- utthahitva viharam antomahagandhakutim pavisi asambhinnaya eva parisaya. Kasma? buddha hi anitthitaya desanaya asambhinnaya parisaya utthayasana gandhakutim pavisanta puggalathomanattham va pavisanti dhammathomanattham va. Tattha puggalathomanattham pavisanto sattha evam cintesi "imam maya sankhittena uddesam uddittham vittharena ca avibhattam dhammapatiggahaka bhikkhu uggahetva anandam va kaccanam va upasankamitva pucchissanti, te mayham nanena samsandetva kathessanti, tatopi dhammapatiggahaka puna mam pucchissanti, tesamaham `bhikkhave sukathitam anandena, sukathitam kaccanena, mancepi tumhe etamattham puccheyyatha, aham pana ^5- evameva byakareyyan'ti evam te puggale thomessami, tato tesu garavam janetva bhikkhu upasankamissanti, tepi bhikkhu atthe ca dhamme ca niyojessanti, te tehi niyojita tisso sikkha paripuretva dukkhassantam karissanti"ti. Athava panassa evam hoti "esa mayi pakkante attano anubhavam avikarissati, ^6- atha nam ahampi tatheva thomessami, tam mama thomanam sutva garavajata @Footnote: ¹ Si. osanapahanam ² Ma. pajananasamannagato ³ cha.Ma. na uppademi @⁴ cha.Ma.pannattavarabuddhasanato ⁵ cha.Ma. ahampi nam ⁶ cha.Ma. karissati Bhikkhu imam upasankamitabbam vacanancassa sotabbam saddhatabbam mannissanti, tam tesam bhavissati digharattam hitaya sukhaya"ti dhammathomanattham pavisanto evam cintesi yatha dhammadayadasutte ^1- cintesi. Tatra hissa evam ahosi "mayi viharam pavitthe amisadayadam garahanto dhammadayadanca thomento imissamyeva parisati nisinno sariputto dhammam desessati, evam dvinnampi amhakam ekajjhasayaya matiya desita ayam desana agga ca garuka ca bhavissati pasanacchattasadisa"ti. Idha pana ayasmantam sariputtam ukkamsetva ^2- pakasetva thapetukamo ^3- puggalathomanattham utthayasana viharam pavisi. Idisesu thanesu bhagava nisinnasaneyeva antarahito cittagatiya viharam pavisatiti veditabbo. Yadi hi kayagatiya gaccheyya, sabba parisa bhagavantam parivaretva gaccheyya, sa ekavaram bhinna puna dussannipata ^4- bhaveyyati bhagava adissamanena kayena cittagatiya eva pavisi. Evam pavitthe pana bhagavati bhagavato adhippayanurupameva sihanadam naditukamo tatra kho ayasma sariputto acirapakkantassa bhagavato bhikkhu amantesi. Pubbe appatisamviditanti idam nama pucchissatiti pubbe maya aviditam annatam. Pathamam panhanti "sace tam sariputta evam puccheyyum katham janata pana taya avuso sariputta katham passata anna byakata khina jati"ti imam pathamam panham. Dandhayitattanti satthu asayajananattham dandhabhavo asighata. Pathamam panham anumoditi "jati panavuso sariputta kimnidana"ti imam dutiyam panham pucchanto "yamnidanavuso jati"ti evam vissajjitam pathamam panham anumodi. Etadahositi bhagavata anumoditena nayasatena nayasahassena panhassa ekanganikabhavena pakatibhutatta etam ahosi. Divasampaham bhagavato etamattham @Footnote: ¹ Ma.mu. 12/29/17 ² Ma. okkametva ³ Ma. thometukamo @⁴ katthaci dussannipatiyati patho dissati ⁵ cha.Ma. anumodite Byakareyyanti sakaladivasampi aham bhagavata ^1- etam paticcasamuppadattham puttho sakaladivasampi annamannehi padabyanjanehi byakareyyam. Yena bhagava tenupasankamiti evam kirassa ahosi "thero ularasihanadam nadati, sukaranam etam, dasabalassa ^2- arocessami"ti. Tasma yena bhagava tenupasankami. Sa hi bhikkhu sariputtassa dhammadhatuti ettha dhammadhatuti paccayakarassa vivatatabhavadassanasamattham savakaparaminanam. Savakanam hi savakaparaminanam sabbannutananagatikameva hoti. Yatha buddhanam atitanagatapaccuppanna dhamma sabbannutananassa pakata honti, evam therassa savakaparaminanam sabbepi savakananassa gocaradhamme janatiti. Dutiyam.

The Pali Atthakatha in Roman Book 12 page 70-76. http://84000.org/tipitaka/atthapali/read_rm.php?B=12&A=1561&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=1561&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=104 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=1263 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=1212 The Pali Tipitaka in Roman Character :- http://84000.org/tipitaka/read/roman_read.php?B=16&A=1212 Contents of The Tipitaka Volume 16 http://84000.org/tipitaka/read/?index_16