AtthaPali Vol.12

5. Avijjapaccayasuttavannana [35] Pancame samudayo hotiti sattha idheva desanam osapesi. Kimkaranati? ditthigatikassa okasadanattham. Tassam hi parisati uparambhacitto @Footnote: ¹ cha.Ma. veditabba, i. veditabbam @² cha.Ma.,i. abhiannamsu ³ cha.Ma.,i. kathita hoti @⁴ cha.Ma. vipassanapativipassana Ditthigatiko atthi, so panham pucchissati, athassaham vissajjessamiti tassa okasadassanattham desanam osapesi. No kallo panhoti ayutto panho, duppanho esoti attho. Nanu ca "katamam nu kho bhante jaramaranan"ti idam supucchitanti? kincapi supucchitam, yatha pana satasahassagghanike ^1- suvannathale vaddhitassa subhojanassa matthake amalakamatte ^2- guthapinde thapite sabbam bhojanam dubbhojanam hoti chaddetabbam, evameva "kassa ca panidam jaramaranan"ti imina sattupaladdivadasadisena ^3- guthapindena tam bhojanam dubbhojanam viya ayampi panho ^4- duppanhova jatoti. Brahmacariyavasoti ariyamaggavaso. Tam jivam tam sariranti yassa hi ayam ditthi, so "jive ucchijjante ^5- sariram ucchijjati, sarire ucchijjante jivitam ucchijjati"ti ganhati. ^6- Evam ganhato sa ditthi "satto ucchijjati"ti gahitatta ucchedaditthi nama hoti. Sace pana sankharava uppajjanti ceva nirujjhanti cati ganheyya, sasanavacara sammaditthi ^7- bhaveyya. Ariyamaggo ca nameso vattam nirodhento vattam samucchindanto uppajjati, tadeva tam vattam ucchedaditthiya gahitakarassa sabhave ^8- sati vanava maggabhavanaya nirujjhatiti maggabhavana niratthaka hoti. Tena vuttam "brahmacariyavaso na hoti"ti. Dutiyanaye annam jivam annam sariranti yassa ayam ditthi, so "sariram idheva ucchijjati, na jivitam, jivitam pana panjarato sakuno viya yathasukham gacchati"ti ganhati. ^6- Evam ganhato sa ditthi "imasma loka jivitam paralokam gatan"ti gahitatta sassataditthi nama hoti. Ayanca ariyamaggo tebhumikavattam vivajjento uppajjati, @Footnote: ¹ Si.sahassagghanake ² cha.Ma.,i. amalakamattepi ³ cha.Ma.,i......vadapadena @⁴ cha.Ma.,i. sabbo panho ⁵ cha.Ma.,i. ucchijjamane ⁶ cha.Ma.,i. ganhati @⁷ cha.Ma.,i. sammaditthi nama ⁸ Si. sabbhave, cha.Ma. sambhave So ekasankharepi nicce dhuve sassate sati uppannopi vattam vivattetum na sakkotiti maggabhavana niratthaka hotiti. ^1- Tena vuttam "annam jivam annam sariranti va bhikkhu ditthiya sati brahmacariyavaso na hoti"ti. Visukayikanitiadi sabbam micchaditthivevacanameva. Sa hi sammaditthiya vinivijjhanatthena sukamiva ^2- attanam adharanato ^3- sukayikam, ^4- sammaditthim ananuvattitva tassa virodhena pavattanato visevitam, kadaci ucchedassa kadaci sassatassa gahanato virupam phanditam vipphanditanti vuccati. Talavatthukataniti talavatthu viya katani, puna aviruhanatthena matthakacchinnatalo viya samulam talam uddharitva tassa patitthitatthanam viya ca kataniti attho. Anabhavangataniti anuabhavam gatani. ^5- Pancamam.

The Pali Atthakatha in Roman Book 12 page 77-79. http://84000.org/tipitaka/atthapali/read_rm.php?B=12&A=1728&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=1728&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=128 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=1595 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=1480 The Pali Tipitaka in Roman Character :- http://84000.org/tipitaka/read/roman_read.php?B=16&A=1480 Contents of The Tipitaka Volume 16 http://84000.org/tipitaka/read/?index_16