AtthaPali Vol.12

2. Upadanasuttavannana [52] Dutiye upadaniyesuti catunnam upadananam paccayesu tebhumikadhammesu. Assadanupassinoti assadam anupassantassa. Tatrati tasmim aggikkhandhe. Tadaharoti tappaccayo. ^4- Tadupadanoti tasseva vevacanam. Evameva khoti ettha aggikkhandho viya hi tayo bhava, tebhumikavattantipi etadeva, aggijaggakapuriso viya vattanissito balaputhujjano, sukkhatinagomayadipakkhipanam viya assadanupassino puthujjanassa tanhadivasena chahi dvarehi kusalakusalakammakaranam, tinagomayadisu khinesu punappunam tesam pakkhipanena aggikkhandhassa vaddhanam viya balaputhujjanassa utthaya samutthaya yathavuttakammayuhanena aparaparam vattadukkhanibbattanam. Na kalena kalam sukkhani ceva tinani pakkhipeyyati tam hi koci atthakamo evam vadeyya:- "bho kasma utthaya samutthaya kalape bandhitva @Footnote: ¹ cha.Ma. parinibbati ² cha.Ma. kapallani @³ cha.Ma.,i. sannitthanasankhatam ⁴ cha.Ma.,i. tampaccayo Sukkhatinakatthanam pacchiya ca ^1- putvea sukkhagomayani pakkhipanto etam aggim jalesi, api nu te atthi itonidanam kacipi vuddhiti. ^2- Vamsagatametam bho amhakam, itonidanam pana me avuddhiyeva. Kuto vuddhi. Aham hi imam aggim jagganto neva nhayitum na bhunjitum na nipajjitum labhamiti. Tenahi bho kinte imina niratthakena aggijalanena, ^4- ehi tvam etani abhatani tinadini ettha pakkhipa, tani sayameva jhayissanti, tvam pana asukatthane sitodaka pokkharani atthi, tattha nhatva malagandhavilepanehi attanam mandetva sunivattho suparutova padukahi nagaram pavisitva pasadavaramaruyha vatapanam vivaritva mahavithiyam virocayamano nisida ekaggo sukhasamappito hutva, tattha te nisinnassa tinadinam khayena sayameva ayam aggi apannattibhavam gamissati"ti. So tatha kareyya. Tatheva nisinnassa so aggi upadanakkhayena apannattibhavam gaccheyya. Idam sandhayetam "na kalena kalan"tiadi vuttam. Evameva khoti ettha pana idam opammasamsandanam:- cattalisaya katthavahanam jalamano mahaaggikkhandho viya hi tebhumikavattam datthabbam, aggijagganakapuriso viya vattasannissitako yogavacaro, atthakamo puriso viya sammasambuddho, tena purisena tassa dinnaovado viya tathagatena "ehi tvam bhikkhu tebhumikadhammesu nibbinda, evam vattadukkha muccissasi"ti tassa tebhumikadhammesu kammatthanassa kathitakalo, tassa purisassa yathanusittham patipajjitva pasade nisinnakalo viya yogino sugatovadam sampaticchitva sunnagaram pavitthassa tebhumikadhammesu vipassanam patthapetva anukkamena yathanurupam aharasappayadim @Footnote: ¹ Ma. pacchiyeva ² cha.Ma.,i. kaci vaddhiti @³ Ma. aggim jalantena Labhitva ekasane nisinnassa aggaphale patitthitakalo, tassa nhanavilepanadihi sudhotamanditakayatta tasmim nisinnassa ekaggasukhasamappitakalo viya yogino ariyamaggapokkharaniyam maggananodakena sudhotakilesamalassa ^1- hirottappasatake nivasetva silavilepananulittassa arahattamandanena attabhavam mandetva vimuttipupphadamam pilandhitva iddhipadapaduka aruyha nibbananagaram pavisitva dhammapasadam aruyha satipatthanamahavithiyam virocamanassa nibbanarammanam phalasamapattim appetva nisinnakalo, tassa pana purisassa tasmim nisinnassa tinadinam khayena aggikkhandhassa apannattim gamanakalo viya khinasavassa yavatayukam thatva upadinnakakkhandhabhedena anupadisesaya nibbanadhatuya parinibbutassa mahavattavupasamo datthabbo. Dutiyam.

The Pali Atthakatha in Roman Book 12 page 93-95. http://84000.org/tipitaka/atthapali/read_rm.php?B=12&A=2069&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=2069&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=196 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=2279 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=2055 The Pali Tipitaka in Roman Character :- http://84000.org/tipitaka/read/roman_read.php?B=16&A=2055 Contents of The Tipitaka Volume 16 http://84000.org/tipitaka/read/?index_16