ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 12 : PALI ROMAN Sam.A. (sarattha.2)

                       2. Anottappisuttavannana
    [145] Dutiye anatapiti yam viriyam kilese atapati, tena rahito.
Anottapiti nibbhayo kilesuppattito kusalanuppattito ca bhayarahito. Sambodhayati
sambujjhanatthaya. Nibbanayati nibbanasacchikiriyaya. Anuttarassa yogakkhemassati
arahattassa tam hi anuttaranceva catuhi ca yogehi khemam.
    Anuppannatiadisu ye pubbe appatiladdhapubbam civaradim va paccayam
upatthakasaddhiviharikaantevasinam va annatarato manunnam vatthum 1- patilabhitva tam
subham sukhanti ayoniso ganhantassa annataram va pana ananubhutapubbam arammanam
yatha va tatha va ayoniso avajjantassa lobhadayo papaka akusala dhamma
uppajjanti, te anuppannati veditabba. Annatha hi anamatagge samsare
anuppanna nama papaka dhamma natthi. Anubhutipubbepi ca vatthumhi arammane
va yassa pakatibuddhiya va uddesaparipucchaya va pariyattinavakammayonisomanasikaranam
va annataravasena pubbe anuppajjitva paccha tadisena paccayena sahasa
uppajjanti, imepi "anuppanna uppajjamana anatthaya samvatteyyun"ti
veditabba. Tesuyeva pana vattharammanesu punappunam uppajjamana na pahiyyanti 2-
nama, te "uppanna appahiyamana anatthaya samvatteyyun"ti veditabba.
@Footnote: 1 Si. annataramanunnavatthum ka. annataram manunnam vatthum  2 cha.Ma.,i. nappahiyanti
Ayamettha sankhepo, vittharato pana uppannanuppannabhedo ca pahanappahanavidhananca
sabbam visuddhimagge nanadassanavisuddhiniddese kathitam.
    Anuppanna me kusala dhammati appatiladdhapi silasamadhimaggaphalasankhata
anavajjadhamma. Uppannati teyeva patiladdha. Nirujjhamana anatthaya samvatteyyunti
te siladidhamma parihanivasena puna anuppattiya nirujjhamana anatthaya
samvatteyyunti veditabba. Ettha ca lokiya parihayanti, lokuttaranam parihani
natthi. "uppannanam kusalanam dhammanam thitiya"ti imassa pana sammappadhanassa
vasenayam desana kata. Dutiyamaggo va sigham anuppajjamano, pathamamaggo
nirujjhamano anatthaya samvatteyyati evamettha 1- attho datthabbo. Iti
imasmim sutte ime cattaro sammappadhana pubbabhagavipassanavasena kathitati.
Dutiyam.



             The Pali Atthakatha in Roman Book 12 page 185-186. http://84000.org/tipitaka/atthapali/read_rm.php?B=12&A=4121&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=4121&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=16&i=464              เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=5151              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=4642              The Pali Tipitaka in Roman Character :- http://84000.org/tipitaka/read/roman_read.php?B=16&A=4642              Contents of The Tipitaka Volume 16 http://84000.org/tipitaka/read/?index_16

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]