AtthaPali Vol.12

8. Lakkhanasamyutta 1. Pathamavagga 1. Atthisuttavannana [202] Lakkhanasamyutte yvayam ayasma ca lakkhanoti lakkhanatthero vutto, esa jatilasahassassa abbhantare ehibhikkhupasampadaya upasampanno adittapariyayavasane arahattam patto eko mahasavakoti veditabbo. Yasma panesa lakkhanasampannena sabbakaraparipurena brahmasamena attabhavena samannagato, tasma "lakkhano"ti sankham gato. Mahamoggallano pana pabbajitadivasato sattame divase arahattam patto dutiyo aggasavako. Sitam patvakasiti mandahasitam patum akasi, pakasayi dassesiti vuttam hoti. Kim pana disva thero sitam patvakasiti? upari paliyam agatam atthisankhalikam ekam Petaloke nibbattasattam disva. Tam ca kho dibbena cakkhuna, na pasadacakkhuna. Pasadacakkhussa hi ete attabhava na apatham agacchanti. Evarupam pana attabhavam disva karunne kattabbe kasma sitam patvakasiti? attano ca buddhananassa ca sampattim samanussaranato. Tam hi disva thero "aditthasaccena nama puggalena patilabhitabba evarupa attabhava mutto aham, labha vata me, suladdham vata me"ti attano ca sampattim anussaritva "aho buddhassa bhagavato nanasampatti, `yo kammavipako bhikkhave acinteyyo na cintetabbo'ti desesi, paccakkham vata katva buddha desenti, supatividdha buddhanam dhammadhatu"ti evam buddhananasampattim ca saritva ^1- sitam patvakasiti. @Footnote: ¹ cha.Ma.,i. anusaritva Atha lakkhanatthero kasma na addasa, kimassa dibbacakkhum natthiti no natthi, mahamoggallano pana avajjento addasa, itaro pana anavajjanena na addasa. Yasma pana khinasava nama na akaranena sitam karonti, tasma nam lakkhanatthero pucchi ko nu kho avuso moggallana hetu, ko paccayo sitassa patukammayati. Thero pana yasma yehi ayam upapatti samam adittha, te dussaddhapaya honti, tasma bhagavantam sakkhim katva byakatukamataya akalo kho avusotiadimaha, tato bhagavato santike puttho idhaham avusotiadina nayena byakasi. Tattha atthisankhalikanti setam nimmamsalohitam atthisanghatam. Gijjhapi kakapi kulalapiti etepi yakkhagijjha ceva yakkhakaka ca yakkhakulala ca paccetabba. Pakatikanam pana gijjhadinam apathampi etam rupam ^1- nagacchati. Anupatitva anupatitvati anubandhitva anubandhitva. Vitudentiti asidharupamehi tikhinehi lohatundakehi vijjhitva vijjhitva ito cito ca caranti gacchanti. Sa sudam attassaram karotiti ettha sudanti nipato, sa atthisankhalika attassaram aturassaram karotiti attho. Akusalavipakanubhavanattham kira yojanappamanapi tadisa attabhava nibbattanti pasadussada ca honti pakkagandasadisa. Tasma sa atthisankhalika balavavedanatura tadisam saddamakasiti. Evanca pana vatva puna ayasma mahamoggallano "vattagamisatta nama evarupa attabhava na muccanti"ti sattesu karunnam paticca uppannadhammasamvegam dassento tassa mayham avuso etadahosi acchariyam vata bhotiadimaha. Tato bhagava therassa anubhavam pakasento cakkhubhuta vata bhikkhave savaka viharantitiadimaha. @Footnote: ¹ Si.,i. evarupam Tattha cakkhu bhutam jatamuppannam etesanti cakkhubhuta, bhutacakkhuka uppannacakkhuka cakkhum uppadetva viharantiti attho. Dutiyapadepi eseva nayo. Yatra hi namati ettha yatrati karanavacanam. Tatrayam atthayojana:- yasma nama savakopi evarupam nassati va dakkhati va sakkhim va karissati, tasma avocumha "cakkhubhuta vata bhikkhave savaka viharanti, nanabhuta vata bhikkhave savaka viharanti"ti. Pubbeva me so bhikkhave satto ditthoti bodhimande sabbannutananapativedhena appamanesu cakkavalesu appamane sattanikaye bhavagatiyonithitinivase ca paccakkham karontena maya pubbeva so satto ditthoti vadati. Goghatakoti gavo vadhitva atthimamsam ^1- mocetva vikkinitva jivitam kappanakasatto. Tasseva kammassa vipakavasesenati tassa nanacetanahi ayuhi tassa aparapariyakammassa. Tatra hi yaya cetanaya narake patisandhi janita, tassa vipake parikkhine avasesakammam va kammanimittam va arammanam katva puna petadisu patisandhi nibbattati, tasma sa patisandhi kammasabhagataya arammanasabhagataya va "tasseva kammassa vipakavaseso"ti vuccati. Ayanca satto evam uppanno. Tenaha "tasseva kammassa vipakavasesena"ti. Tassa kira naraka cavanakale nimmamsakatanam ^2- gunnam atthirasiyeva nimittam ahosi. So paticchannampi tam kammam vinnunam pakatam viya karonto atthisankhalikapeto jato. Pathamam.

The Pali Atthakatha in Roman Book 12 page 239-241. http://84000.org/tipitaka/atthapali/read_rm.php?B=12&A=5291&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=5291&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=636 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=6737 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=5967 The Pali Tipitaka in Roman Character :- http://84000.org/tipitaka/read/roman_read.php?B=16&A=5967 Contents of The Tipitaka Volume 16 http://84000.org/tipitaka/read/?index_16