AtthaPali Vol.12

7. Anisuttavannana [229] Sattame dasarahananti evam namakanam khattiyanam. Te kira satato dasabhagam ganhimsu, tasma "dasaraha"ti pannayimsu. Anakoti evam laddhanamo mudingo. Himavante kira mahakuliradaho ahosi. Tattha mahanto kuliro otinnotinnam hatthim khadati. Atha hatthi upadduta ekam karenum sakkarimsu. "imissa puttam nissaya amhakam sotthi bhavissati"ti. Sapi mahesakkham puttam vijayi. Te tampi sakkarimsu. So ca vuddhim patto mataram pucchi "kasma mam ete sakkaronti"ti. Sa tam pavuttim acikkhi. So "kim mayham kuliro pahoti, etha gacchama"ti mahahatthiparivaro tattha gantva pathamameva otari. Kuliro udakasaddeneva agantva tam aggahesi. Mahanto kulirassaalo, so tam ito va eto va caletum asakkonto mukhe sondam pakkhipitva viravi. Hatthino "yam nissaya mayam `sotthi bhavissati'ti amannimha, so pathamataram gahito"ti tato tato palayimsu. Athassa mata avidure thatva "mayam thalanaga tumhe udakanaga nama, nagehi nago na vihethetabbo"ti kuliram piyavacanena vatva imam gathamaha:- "ye kulira samuddasmim gangaya yamunaya ca tesam tvam varijo settho munca rodantiya pajan"ti. ^1- Matugamasaddo nama purise khobhetva titthati, tasma so gahanam sithilam akasi. Hatthipoto vegena ubho pade ukkhipitva tam pitthiyam akkami. @Footnote: ¹ khu.ja. 27/402/108 (sya) Saha akkamana pitthi mattikabhajanam viya bhijji. Atha nam dantehi vijjhitva ukkhipitva thale chaddetva tuttharavam ravi. Atha nam hatthino ito cito ca agantva maddimsu. Tassa eko alo patikkamitva pati, tam sakko devaraja gahetva gato. Itaro pana alo vatatapena sukkhitva pakkalakharasavanno ahosi, so deve vutthe udakoghena vuyhanto dasabhatikanam rajunam uparisote jalam pasarapetva gangaya kilantanam agantva jale laggi. Te kilapariyosane jalamhi ukkhipiyamane tam disva pucchimsu "kim etan"ti. Kuliraalo samiti. "na sakka esa abharanatthaya upanetum, pariyonandhapetva bherim karissama"ti pariyonandhapetva paharimsu, saddo dvadasayojanam nagaram avatthari. Tato ahamsu "na sakka idam divase divase vadetum, chanadivasatthaya mangalabheri hotu"ti mangalabherim akamsu. Tasmim vadite mahajana anhayitva apilandhitva ^1- hatthiyanadini aruyha sigham sannipatanti. Iti mahajanam pakkositva viya anetiti anakotvevassa namam ahosi. Annam anim odahimsuti annam suvannarajatadimayam anim ghatayimsu. Anisamghatova avasissiti suvannadimayanam aninam sanghatamattameva avasesam ahosi. Athassa dvadasayojanappamane ^2- saddo antosalayampi ^3- dukkhena suyyittha. Gambhirati palivasena gambhira sallasuttasadisa. ^4- Gambhiratthati atthavasena gambhira mahavedallasuttasadisa. ^5- Lokuttarati lokuttaraatthadipaka. Sunnatappatisannuttati attasunnatadhammamattameva pakasaka sankhittasamyuttasadisa. Uggahetabbam pariyapunitabbanti uggahetabbe ca pariyapunitabbe ca. Kavikatati ^6- kavihi @Footnote: ¹ Si. nhayitva pilandhitva ² cha.Ma.,i....pamano @³ ka. antosaniyampi ⁴ Si.,i. sallekhasuttasadisa @⁵ Ma.mu. 12/449/401 ⁶ Ma. kavita, an. pancaka. 22/79/123 (sya) Kata. ^1- Itaram tasseva vevacanam. Cittakkharati vicitraakkhaRa. Itaram tasseva vevacanam. Bahirakati sasanato bahibhuta. Savakabhasitati tesam tesam savakehi bhasita. Sussusissantiti akkharacittataya ceva savanasampattiya ca attamana hutva samaneradaharabhikkhumatugamamahagahapatikadayo "esa dhammathiko"ti sannipatitva sotukama bhavissanti. Tasmati yasma tathagatabhasita suttanta anuggayhamana antaradhayanti, tasma. Sattamam.

The Pali Atthakatha in Roman Book 12 page 251-253. http://84000.org/tipitaka/atthapali/read_rm.php?B=12&A=5542&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=5542&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=672 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=7046 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=6239 The Pali Tipitaka in Roman Character :- http://84000.org/tipitaka/read/roman_read.php?B=16&A=6239 Contents of The Tipitaka Volume 16 http://84000.org/tipitaka/read/?index_16