AtthaPali Vol.12

3. Ghatasuttavannana [237] Tatiye ekavihareti ekasmim gabbhe. Tada kira bahu agantuka bhikkhu sannipatimsu. Tasma parivenaggena va viharaggena va senasanesu apapunantesu dvinnam theranam eko gabbho sampatto. Te diva patiyekkesu thanesu nisidanti, rattim pana nesam antare civarasanim pasarenti. Te attano attano pattatthaneyeva nisidanti. Tena vuttam "ekavihare"ti. Olarikenati idam olarikarammanatam sandhaya vuttam. Dibbacakkhudibbasotadhatuviharena heso ^2- vihasi, tesam ca rupayatanasaddayatanasankhatam olarikam arammanam. Iti dibbacakkhuna rupassa ditthatta dibbaya ca sotadhatuya saddassa sutatta so viharo olariko nama jato. Dibbacakkhu visujjhiti bhagavato rupadassanatthaya visuddham ahosi. Dibba ca sotadhatuti sapi bhagavato saddasunanattham visujjhi. Bhagavatopi therassa rupadassanatthanceva saddasunanatthanca tadubhayam visujjhi. Tada kira thero "kaham @Footnote: ¹ cha.Ma.,i. satthupi khoti ² cha.Ma. hi so Etarahi sattha viharati"ti alokam vaddhetva dibbena cakkhuna sattharam jetavanavihare gandhakutiyam nisinnam disva tassa dibbaya sotadhatuya saddam suni. Satthapi tatheva akasi. Evam te annamannam passimsu ceva, saddanca assosum. Araddhaviriyoti paripunnaviriyo paggahitaviriyo. Yavadeva upanikkhepanamattayati tiyojanasahassavittharassa himavato santike thapita sasapamatta pasanasakkhara "himava nu kho maha, ayam nu kho pasanasakkhara"ti evam yava upanikkhepanamattasseva atthaya bhaveyyati vuttam hoti. Paratopi eseva nayo. Kappanti ayukappam. Lonaghatayati cakkavalamukhavattiya ^1- avarakam ^2- katva mukhavattiya brahmalokam ahacca thitaya lonacatiyati dasseti. Ime pana thera upamam aharanta sarikkhakeneva ca vijjamanagunena ca aharimsu, katham? ayam hi iddhi nama accuggatatthena ceva vipulatthena ca himavantasadisa, panna catubhumakadhamme anupavisitva thitatthena sabbabyanjanesu anupavitthalonarasasadisa. Evam tava sarikkhakatthena aharimsu. Samadhilakkhanam pana mahamoggallanattherassa vibhutam pakatam. Kincapi sariputtattherassa avijjamana iddhi nama natthi, bhagavata pana "etadaggam bhikkhave mama savakanam bhikkhunam iddhimantanam yadidam mahamoggallano"ti ^3- ayameva etadagge thapito. Vipassanalakkhanam pana sariputtattherassa vibhutam pakatam. Kincapi mahamoggallanattherassapi panna atthi, bhagavata pana "etadaggam bhikkhave mama savakanam bhikkhunam mahapannanam yadidam sariputto"ti ^4- ayadeva etadagge thapito. Tasma yatha ete annamannassa dhuram na papunanti, evam vijjamanagunena aharimsu. Samadhilakkhanasmim hi mahamoggallano @Footnote: ¹ i.......mukhavattim ² cha.Ma.,i. adharakam @³ an. ekaka. 20/190/23 ⁴ an. ekaka. 20/199/23 Nipphattim gato, vipassanalakkhane sariputtatthero, dvisupi etesu sammasambuddhoti. Tatiyam.

The Pali Atthakatha in Roman Book 12 page 257-259. http://84000.org/tipitaka/atthapali/read_rm.php?B=12&A=5682&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=5682&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=691 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=7246 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=6432 The Pali Tipitaka in Roman Character :- http://84000.org/tipitaka/read/roman_read.php?B=16&A=6432 Contents of The Tipitaka Volume 16 http://84000.org/tipitaka/read/?index_16