AtthaPali Vol.12

2. Aharavagga 1. Aharasuttavannana [11] Aharavaggassa pathame aharati. Paccaya. Paccaya hi aharanti attano phalam, ^1- tasma aharati vuccanti. Bhutanam va sattanantiadisu bhutati jata nibbatta. Sambhavesinoti ye sambhavam jatim nibbattim esanti gavesanti. Tattha catusu yonisu andaja jalabuja satta yava andakosam vatthikosanca na bhindanti, tava sambhavesino nama, andakosam vatthikosanca bhinditva bahi nikkhanta bhuta nama. Samsedaja opapatika ca pathamacittakkhane sambhavesino nama, dutiyacittakkhanato pabhuti bhuta nama. Yena va iriyapathena jayanti, yava tato annam na papunanti, tava sambhavesino nama, tato param bhuta nama. Athava bhutati jata abhinibbatta, ye bhuta abhinibbattayeva, na puna bhavissantiti @Footnote: ¹ katthaci balanti likhiyati Sankham gacchanti, tesam khinasavanam etam adhivacanam. Sambhavamesantiti sambhavesino. Appahinabhavasamyojanatta ayatimpi sambhavam esantanam sekkhaputhujjananametam adhivacanam. Evam sabbathapi imehi dvihi padehi sabbasatte pariyadiyati. Vasaddo cettha sampindanattho, tasma bhutananca sambhavesinancati ayamattho veditabbo. Thitiyati thitattham. Anuggahayati anuggahanattham. Vacanabhedoyeva cesa, attho pana dvinnampi padanam ekoyeva. Athava thitiyati tassa tassa sattassa uppannadhammanam anuppabandhavasena avicchedaya. Anuggahayati anuppannanam uppadaya. Ubhopi cetani "bhutanam va thitiya ceva anuggahaya ca, sambhavesinam va thitiya ceva anuggahaya ca"ti evam ubhayattha datthabbani. Kabalinkaro aharoti kabalam katva ajjhoharitabbako aharo, odana- kummasadivatthukaya ojayetam adhivacanam. Olariko va sukhumo vati vatthuolarikaya ^1- olariko, sukhumataya sukhumo. Sabhavena pana sukhumarupapariyapannatta kabalinkaro aharo sukhumova hoti. Sapi cassa ^2- vatthuto olarikata sukhumata ca upadayupadaya veditabba. Kumbhilananhi aharam upadaya moranam aharo sukhumo. Kumbhila kira pasane gilanti, te ca nesam kucchippatta viliyanti. Mora sappavicchikadipane khadanti. Moranam pana aharam upadaya taracchanam aharo sukhumo. Te kira tivassachadditani visanani ceva atthini ca khadanti, tani ca tesam khelena temitamattaneva kandamulam viya mudukani honti. Taracchanam aharam upadaya hatthinam aharo sukhumo. Te hi nanarukkhasakhadayo khadanti. Hatthinam aharato gavayagokannamigadinam aharo sukhumo. Te kira nissarani nanarukkhapannadini khadanti. Tesampi aharato gunnam ^3- aharo sukhumo. Te @Footnote: ¹ cha.Ma. vatthuolarikataya @² Si., Ma. sapi cassayam ³ Si. gonanam Allasukkhatinani khadanti. Tesam aharato sasanam aharo sukhumo. Sasanam aharato sakunanam sukhumo. Sakunanam aharato paccantavasinam aharo sukhumo. Paccantavasinam aharato gamabhojakanam sukhumo. Gamabhojakanam aharato rajamahamattanam ^1- aharo sukhumo. Tesampi aharato cakkavattino aharo sukhumo. Cakkavattino aharato bhummanam devanam aharo sukhumo. Bhummanam devanam aharato catummaharajikanam. Evam yava paranimmitavasavattinam aharo vittharetabbo. ^2- Tesam panaharo sukhumotveva nittham patto. Ettha ca olarike vatthusmim oja paritta hoti dubbala, sukhume balavati. Tatha hi ekapattapurampi yagum pito ^3- muhutteneva jighacchito hoti yankincideva khaditukamo, sappim pana pasatamattam pivitva divasam abhottukamova ^4- hoti. Tattha vatthu kammajatejasankhatam parissayam vinodeti, na pana sakkoti paletum. Oja pana paleti, na sakkoti parissayam vinodetum. Dve pana ekato hutva parissayanceva vinodenti palenti cati. Phasso dutiyoti cakkhusamphassadi chabbidhopi phasso etesu catusu aharesu dutiyo aharoti veditabbo. Desananayo eva cesa, tasma imina nama karanena dutiyo tatiyo cati idamettha na gavesitabbam. Manosancetanati cetana eva vuccati. Vinnananti cittam. Iti bhagava imasmim thane upadinnakanupadinnakavasena ekarasim katva cattaro ahare dassesi. Kabalinkaraharo hi upadinnakopi atthi anupadinankopi, tatha phassadayo. Tattha sappadihi gilitanam mandukadinam vasena upadinnakakabalinkaraharo datthabbo. @Footnote: ¹ cha.Ma. rajarajamahamattanam ² cha.Ma. ahara vittharetabba @³ Ma. pivato ⁴ cha.Ma. abhottukamo Mandukadayo hi sappadihi gilita antokucchigatapi kinci kalam jivantiyeva. Te yava upadinnakapakkhe titthanti, tava aharattham na sadhenti. Bhijjitva pana anupadinnakapakkhe thita sadhenti. Tathapi upadinnakaharoti vuccantiti. Idam pana acariyanam na ruccatiti atthakathayameva patikkhipitva idam vuttam:- imesam sattanam khadantanampi akhadantanampi bhunjantanampi abhunjantanampi patisandhicitteneva sahajata kammajata oja nama atthi, sa yava sattamapi divasa ^1- paleti, ayameva upadinnakakabalinkaraharoti veditabbo. ^2- Tebhumikavipakavasena upadinnakaphassadayo veditabba, tebhumikakusalakusalakiriyavasena anupadinnaka. Lokuttara pana rulhivasena kathitati. Etthaha:- "yadi paccayattho aharattho, atha kasma annesupi sattanam paccayesu vijjamanesu imeyeva cattaro vutta"ti? vuccate:- ajjhattikasantatiya visesapaccayatta. Visesapaccayo hi kabalinkaraharabhakkhanam sattanam rupakayassa kabalinkaro aharo, namakaye vedanaya phasso, vinnanassa manosancetana, namarupassa vinnanam. Yathaha "seyyathapi bhikkhave ayam kayo aharatthitiko aharam paticca titthati, anaharo no titthati, ^3- tatha phassapaccaya vedana, sankharapaccaya vinnanam, vinnanapaccaya namarupan"ti. ^4- Ko panettha aharo kim aharatiti? kabalinkaraharo ojatthamakarupani aharati, phassaharo tisso vedana, manosancetanaharo tayo bhave, vinnanaharo patisandhinamarupanti. @Footnote: ¹ Si. yava sattamampi divasam @² Si. veditabboti ³ sam.Ma. 19/183/59 @⁴ sam.ni. 16/1/1, abhi.vi. 35/225/161 Katham? kabalinkaraharo tava mukhe thapitamatteyeva attha rupani samutthapeti, dantavicunnitam pana ajjhohariyamanam ekekam sittham atthattharupani samutthapetiyeva. Evam kabalinkaraharo ojatthamakarupani aharati. Phassahare ^1- pana sukhavedaniyo phasso uppajjamanoyeva sukhavedanam aharati, dukkhavedaniyo dukkham, adukkhamasukhavedaniyo adukkhamasukhanti evam sabbathapi phassaharo tisso vedana aharati. Manosancetanaharo kamabhavupagam kammam kamabhavam aharati, ruparupabhavupagani tam tam bhavam. Evam sabbathapi manosancetanaharo tayo bhave aharati. Vinnanaharo pana ye ca patisandhikkhane tam sampayuttaka tayo khandha, yani ca tisantativasena timsa rupani uppajjanti, sahajatadipaccayanayena tani aharatiti vuccati. Evam vinnanaharo patisandhinamarupam aharatiti. Ettha ca "manosancetana tayo bhave aharati"ti sasava kusalakusalacetana vutta. "vinnanam patisandhinamarupam aharati"ti patisandhivinnanameva vuttam. Avisesena pana tamtamsampayuttanam tamtamsamutthananam dhammanam ^2- aharanatopete "ahara"ti veditabba. Etesu catusu aharesu kabalinkaraharo upatthambhento aharakiccam sadheti, phasso phusantoyeva, manosancetana ayuhamanava, vinnanam vijanantameva. Katham? kabalinkaraharo hi upatthambhentoyeva kayatthapanena sattanam thitiya Hoti. Kammajanitopi hi ayam kayo kabalinkaraharena upatthaddho dasapi vassani vassasatampi yava ayuparimana titthati. Yatha kim? yatha matuya janitopi darako dhatiya thannadini payetva posiyamano ciram titthati, yatha ca upatthambhena upatthambhitam geham. Vuttampi cetam:- @Footnote: ¹ cha.Ma., i. phassaharo ² cha.Ma., i. tamsampayuttatamsamutthanadhammanam "yatha maharaja gehe papatante annena daruna upatthambhitam santam evam tam geham na patati, evameva kho maharaja ayam kayo aharatthitiko aharam paticca titthati"ti. Evam kabalinkaro aharo upatthambhento aharakiccam sadheti. Evam sadhentopica kabalinkaro aharo dvinnam rupasantatinam paccayo hoti aharasamutthanassa ca upadinnakassa ca. Kammajanam anupalako hutva paccayo hoti, aharasamutthananam janako hutvati. Phasso pana sukhadivatthubhutam arammanam phusantoyeva sukhadivedanapavattanena sattanam thitiya hoti. Manosancetana kusalakusalakammavasena ayuhamanayeva bhavamulanipphadanato sattanam thitiya hoti. Vinnanam vijanantameva namarupapavattanena sattanam thitiya hoti. Evam upatthambhanadivasena aharakiccam sadhiyamanesu ^1- panetesu cattari bhayani datthabbani. Seyyathidam? kabalinkarahare nikantibhayam, ^2- phasse upagamanameva, manosancetanaya ayuhamanameva, vinnane abhinipatoyeva bhayanti. Kimkarana? kabalinkarahare hi nikantim katva sitadinam purakkhata satta Aharatthaya muddhagananadikammani karonta anappakam dukkham nigacchanti. Ekacce ca imasmim sasane pabbajitvapi vejjakammadikaya anesanaya aharam pariyesanta dittheva dhamme garayha honti, samparayepi "tassa sanghatipi aditta sampajjalita"tiadina lakkhanasamyutte ^3- vuttanayena samanapeta honti. Imina tava karanena kabalinkare ahare nikanti eva bhayanti veditabba. Phassam upagacchantapi phassassadino paresam rakkhitagopitesu daradisu bhandesu aparajjhanti, te saha bhandena bhandasamika gahetva khandakhandikam @Footnote: ¹ cha.Ma. sadhayamanesu @² cha.Ma. nikantiyeva bhayam ³ sam.ni. 16/218/247 Va chinditva sankarakute chaddenti, ranno va niyyadenti. Tato te raja vividha kammakarana karapeti, kayassa ca bheda duggati tesam patikankha hoti. Iti phassassadamulakam ditthadhammikampi samparayikampi bhayam samagatameva ^1- hoti. Imina karanena phassahare upagamanameva bhayanti veditabbam. Kusalakusalakammayuhanena pana tammulakam tisu bhavesu bhayam sabbamagatameva hoti. Imina karanena manosancetanahare ayuhanameva bhayanti veditabbam. Patisandhivinnanam ca yasmim yasmim thane abhinipatati, ^2- tasmim tasmim thane patisandhinamarupam gahetvava nibbattati. Tasmim ca nibbatte sabbabhayani nibbattaniyeva honti tammulakattati imina karanena vinnanahare abhinipatoyeva bhayanti veditabboti. Kimnidanatiadisu nidanani ^3- sabbaneva karanavevacanani. Karanam hi yasma phalam nideti, "handa nam ganhatha"ti appeti viya, tasma nidananti vuccati. Yasma tam tato samudeti jayati pabhavati, tasma samudayo jati pabhavoti pavuccati. ^4- Ayam panettha padattho:- kim nidanam etesanti kimnidana. Ko samudayo etesanti kimsamudaya. Ka jati etesanti kimjatika. Ko pabhavo etesanti kimpabhava. Yasma pana tesam tanha yathavuttena atthena nidananceva samudayo ca jati ca pabhavo ca, tasma "tanhanidana"tiadimaha. Evam sabbapadesu attho veditabbo. Ettha ca ime cattaro ahara tanhanidanati patisandhim adim katva attabhavasankhatanam aharanam purimatanhavasena ^5- nidanam veditabbam. Katham? patisandhikkhane tava paripunnayatananam sattanam sattasantativasena, sesanam tato unaunasantativasena uppannarupabbhantaram jata oja atthi, ayam tanhanidano @Footnote: ¹ cha.Ma., i. sabbamagatameva ² Ma. abhinibbattati ³ cha.Ma. nidanadini @⁴ cha.Ma., i. vuccati ⁵ cha.Ma. purimatanhanam vasena Upadinnakakabalinkaraharo. Patisandhicittasampayutta pana phassacetana sayanca cittam vinnananti ime tanhanidana upadinnakaphassamano- sancetanavinnanaharati evam tava purimatanhanidana patisandhika ahaRa. Yatha ca patisandhika, evam tato param pathamabhavangacittakkhanadinibbattapi ^1- veditabba. Yasma pana bhagava na kevalam aharanameva nidanam janati, aharanam nidanabhutaya tanhayapi, tanhaya nidananam vedanadinampi nidanam ^2- janatiyeva, tasma tanha cayam bhikkhave kimnidanatiadina nayena vattam dassetva vivattam dassesi. Imasmim ca pana thane bhagava atitabhimukham desanam katva atitena vattam dasseti. Katham? aharavasena hi ayamattabhavo gahito. Tanhati imassattabhavassa janakam kammam, vedanaphassasalayatana- namarupavinnanani yasmim attabhave thatva tam kammam ayuhitam, tam dassetum vuttani, avijjasankhara tassattabhavassa janakam kammam. Iti dvisu thanesu attabhavo, dvisu tassa janakam kammanti sankhepena kammanceva kammavipakancati dve dhamme dassentena atitabhimukham desanam katva atitena vattam dassitam. Tatrayam desana anagatassa adassitatta aparipunnati na datthabba, nayato pana paripunnatveva datthabba. Yatha hi cakkhuma puriso udakapitthe nipannam sumsumaram disva tassa parabhagam olokento givam passeyya, orato pitthim, pariyosane nangutthamulam, hettha kucchim olokento pana udakagatam agganangutthanceva cattaro ca hatthapade na passeyya, so na ettavata "aparipunno sumsumaro"ti ganhati, nayato pana paripunnotveva ganhati, evam sampadamidam veditabbam. @Footnote: ¹ Si.,i.......pattapi ² i. nidanam vedanadinampi nidanam Udakapitthe nipannasumsumaro viya hi tebhumikavattam. Tire thito cakkhuma puriso viya yogavacaro. Tena purisena udakapitthe sumsumarassa ditthakalo viya yogina aharavasena imassattabhavassa ditthakalo. Purato ^1- givassa ditthakalo viya imassattabhavassa janikaya tanhaya ditthakalo. Pitthiya ditthakalo viya yasmim attabhave tanhasankhatam kammam katam, vedanadivasena tassa ditthakalo. Nangutthamulassa ditthakalo viya tassa attabhavassa janakanam avijjasankharanam ditthakalo. Hettha kucchim olokentassa pana agganangutthanceva cattaro ca hatthapade adisvapi "aparipunno sumsumaro"ti agahetva nayato paripunnotveva gahanam viya yattha yattha paccayavattam paliyam na agatam, tattha tattha "desana aparipunna"ti agahetva nayato paripunnatveva gahanam veditabbam. Ettha ^2- ca aharatanhanam antare eko sandhi, tanhavedananam antare eko, vinnanasankharanam antare ekoti evantisandhicatusankhepameva vattam dassitanti. Pathamam.

The Pali Atthakatha in Roman Book 12 page 26-34. http://84000.org/tipitaka/atthapali/read_rm.php?B=12&A=578&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=578&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=28 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=241 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=270 The Pali Tipitaka in Roman Character :- http://84000.org/tipitaka/read/roman_read.php?B=16&A=270 Contents of The Tipitaka Volume 16 http://84000.org/tipitaka/read/?index_16