AtthaPali Vol.12

3. Bharavagga 1. Bharasuttavannana [22] Bharavaggassa pathame pancupadanakkhandhatissa vacaniyanti pancupadanakkhandha iti assa vacaniyam, evam vattabbam bhaveyyati attho. Ayam vuccati bhikkhave bharoti ye ime pancupadanakkhandha, ayam bharoti vuccati. Kenatthenati? pariharabhariyatthena. Etesanhi thapanagamananisidapananisajjapanamandanakhadapanabhunjapanadipariharo bhariyoti pariharabhariyatthena bharoti vuccati. Evamnamoti tisso dattotiadinamo. Evamgottoti kanhayano vacchayanotiadigotto. Iti voharamattasiddham puggalam "bharaharo"ti katva dasseti. Puggalo Hi patisandhikkhaneyeva khandhabharam ukkhipitva dasapi vassani visatipi vassasatampiti yavajivam imam khandhabharam nhapento bhojento mudusamphassamancapithesu nisidapento nipajjapento pariharitva cutikkhane chaddetva puna patisandhikkhane aparam khandabharam adiyati, tasma bharaharoti jato. Ponobbhavikati punabbhavanibbattika. Nandiragasahagatati nandiragena saha ekattameva gata. Tabbhavasahagatanti idha adhippetam. Tatra tatrabhinandiniti upapattitthane va rupadisu va arammanesu tattha tattha abhinandanasilava. Kamatanhadisu pancakamaguniko rago kamatanha nama, ruparupabhavarago jhananikantisassataditthisahagato ragoti ayam bhavatanha nama, ucchedaditthisahagato rago vibhavatanha nama. Bharadananti bharagahanam. Tanhaya hi esa bharam adiyati, asesaviraganirodhotiadi sabbam nibbanasseva vevacanam. Tanhi agamma tanha asesato virajjati nirujjhati cajiyati patinissajjiyati vimuccati, natthi cettha kamalayo va ditthalayo vati nibbanam etani namani labhati. Samulam tanhanti tanhaya avijja mulam nama. Abbuyhati arahattamaggena tam samulakam uddharitva. Nicchato parinibbutoti nittanho parinibbuto nama vattum vattatiti. Pathamam.

The Pali Atthakatha in Roman Book 12 page 289-290. http://84000.org/tipitaka/atthapali/read_rm.php?B=12&A=6379&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=6379&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=85 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=1012 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=999 The Pali Tipitaka in Roman Character :- http://84000.org/tipitaka/read/roman_read.php?B=16&A=999 Contents of The Tipitaka Volume 16 http://84000.org/tipitaka/read/?index_16