บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
10. Niruttipathasuttavannana [62] Dasame niruttiyova niruttipatha, athava niruttiyo ca ta niruttivasena vinnatabbanam atthanam pathatta patha cati niruttipatha. Sesapadadvayepi eseva nayo. Tinipi cetani annamannavevacananevati veditabbani. Asankinnati avijahita, "ko imehi attho"ti vatva achaddita. Asankinnapubbati atitepi na jahitapubba. Na sankiyantiti etarahipi "kimetehi"ti na chaddiyanti. Na sankiyissantiti anagatepi na chaddiyissanti. Appatikutthati appatibahita. Atitanti attano Sabhavam bhangameva va atikkantam. Niruddhanti desantaram asankamitva tattheva niruddham vupasantam. Viparinatanti viparinamam gatam nattham. Ajatanti anuppannam. Apatubhutanti apakatibhutam. Ukkalati ukkalajanapadavasino. Vassabhannati vasso ca ranno ca. Annepi dvepi hi te muladitthigatika. Ahetukavadahiadisu "natthi hetu natthi paccayo"ti gahitatta ahetukavada. "karato 1- na kariyati papan"ti gahitatta akiriyavada. "natthi dinnan"ti adigahanato natthikavada. Tattha ime dve jana, tisso ditthiyo, kim ekekassa diyaddha hotiti? na tatha, yatha pana eko bhikkhu patipatiya cattaripi jhanani nibbatteti, evamettha ekeko tissopi ditthiyo nibbattesiti veditabbo. "natthi hetu natthi paccayo"ti punappunam avajjentassa aharantassa abhinandantassa assadentassa maggadassanam viya hoti, so micchattaniyamam okkamati, so ekantakalakoti vuccati. Yatha pana ahetukaditthiyam, evam "karato 1- na kariyati papam, natthi dinnan"ti imesupi thanesu micchattaniyamam okkamati. Na garahitabbam na patikkositabbam amannimsuti ettha "yadetam atitam nama, nayidam atitam, idamassa anagatam va paccuppannam va"ti vadanto garahati nama. Tattha dosam dassetva "kim imina garahatthena"ti vadanto patikkosati nama. Ime pana niruttipathe tepi accantakalaka ditthigatika na garahitabbe na patikkositabbe mannimsu. Atitam pana atitameva, anagatam anagatameva, paccuppannam paccuppannameva kathayimsu. Nindaghattanabyarosauparambhabhayati vinnunam santika nindabhayena ca ghattanabhayena ca dosaropanabhayena ca uparambhabhayena ca. Iti imasmim sutte catubhumikakhandhanam pannatti kathitati. Dasamam. Upayavaggo pathamo ------------ @Footnote: 1 cha.Ma. karotoThe Pali Atthakatha in Roman Book 12 page 306-307. http://84000.org/tipitaka/atthapali/read_rm.php?B=12&A=6744&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=6744&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=254 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=2855 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=2631 The Pali Tipitaka in Roman Character :- http://84000.org/tipitaka/read/roman_read.php?B=16&A=2631 Contents of The Tipitaka Volume 16 http://84000.org/tipitaka/read/?index_16
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]