ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 12 : PALI ROMAN Sam.A. (sarattha.2)

                        4. Arahantasuttavannana
    [76] Catutthe yavata bhikkhave sattavasati bhikkhave yattaka sattavasa
nama atthi. Yavata bhavagganti yattakam bhavaggam nama atthi. Ete agga ete
setthati ete aggabhuta ceva setthabhuta ca. Yadidam arahantoti ye ime
arahanto nama. Idampi suttam purimanayeneva ussadanandiyanca palobhaniyancati
veditabbam.
    Athaparam etadavocati tadatthaparidipanahi ceva visesatthaparidipanahi ca
gathahi etam "sukhino vata arahanto"tiadivacanam avoca. Tattha sukhinoti jhanasukhena
maggasukhena phalasukhena ca sukhita. Tanha tesam na vijjatiti tesam apayadukkhajanika
tanha na vijjati. Evam te imassapi tanhamulakassa dukkhassa 1- abhavena
sukhitava. Asmimano samucchinnoti navavidho asmimano arahattamagge samucchinno.
Mohajalam padalitanti nanena avijjajalam phalitam.
    Anejanti ejasankhataya tanhaya pahanabhutam arahattam. Anupalittati
tanhaditthilepehi alitta. Brahmabhutati setthabhuta. Parinnayati tihi
parinnahi parijanitva. Sattasaddhammagocarati saddha hiri ottappam bahusaccam
araddhaviriyata apatthitassatita pannati ime satta saddhamma gocara 2- etesanti
sattasaddhammagocaRa.
@Footnote: 1 cha.Ma. ayam patho na dissati       2 cha.Ma. gocaro
    Sattaratanasampannati sattahi bojjhangaratanehi samannagata. Anuvicarantiti
lokiyamahajanapi anuvicarantiyeva. Idha pana khinasavanam nirasankacaro nama
gahito. Tenevaha "pahinabhayabherava"ti. Tattha bhayam bhayameva, bheravam balavabhayam.
Dasahangehi sampannati asekkhehi dasahi angehi samannagata. Mahanagati
catuhi karanehi mahanaga. Samahitati upacarappanahi samahita. Tanha tesam
na vijjatiti "uno loko atitto tanhadasoti kho maharaja tena bhagavata"ti 1-
evam vutta dasakarika tanhapi tesam natthi. Imina khinasavanam bhujjissabhavam
dasseti.
    Asekkhanananti arahattaphalananam. Antimoyam samussayoti pacchimo ayam
attabhavo. Yo saro brahmacariyassati maggabrahmacariyassa 2- saro nama phalam.
Tasmim aparapaccayati tasmim ariyaphale na annam sampattiyayanti, 3- paccakkhatova
pativijjhitva thita. Vidhasu na vikampantiti tisu manakotthasesu na vikampanti.
Dantabhuminti arahattam. Vijitavinoti ragadayo vijetva thita.
    Uddhantiadisu uddham vuccati kesamatthako, apacinam padatalam, tiriyam
vemajjham. Uddham va atitam, apacinam anagatam, tiriyam paccuppannam. Uddham va
vuccati devaloko, apayaloko tiriyam manussaloko. Nandi tesam na vijjatiti
etesu thanesu sankhepato va atitanagatapaccuppannesu khandhesu tesam tanha
natthi. Idha vattamulakatanhaya abhavo dassito. Buddhati catunnam saccanam
buddhatta buddha.
    Idam panettha sihanadasamodhanam:- "vimuttisukhenamha sukhita, dukkhajanika
no tanha pahina, panca khandha parinnata, dasakarikatanha ceva
@Footnote: 1 Ma.Ma. 13/305/281   2 cha.Ma. ayam patho na dissati    3 cha.Ma. pattiyayanti
Vattamulikatanha ca pahina, anuttaramha asadisa, catunnam saccanam buddhatta
buddha"ti bhavapitthe thatva abhitanadasankhatam sihanadam nadanti khinasavati.
Catuttham.



             The Pali Atthakatha in Roman Book 12 page 309-311. http://84000.org/tipitaka/atthapali/read_rm.php?B=12&A=6804&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=6804&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=16&i=325              เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=3644              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=3365              The Pali Tipitaka in Roman Character :- http://84000.org/tipitaka/read/roman_read.php?B=16&A=3365              Contents of The Tipitaka Volume 16 http://84000.org/tipitaka/read/?index_16

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com