|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7. Khajjaniyasuttavannana
[79] Sattame pubbenivasanti na idam abhinnavasena anussaranam
sandhaya vuttam, vipassanavasena pana pubbenivasam anussarante samanabrahmane
sandhayetam vuttam. Tenevaha "sabbete pancupadanakkhandhe anussaranti, etesam
va annataran"ti abhinnavasena hi samanussarantassa khandhapi upadanakkhandhapi
khandhapatibaddhapi pannattipi arammanam hotiyeva. Rupanneva anussaratiti evam hi
anussaranto na annam kinci sattam va puggalam va anussarati, atite pana
niruddham rupakkhandhameva anussarati. Vedanadisupi eseva nayoti. Sunnatapabbam
nitthitam.
Idani sunnataya lakkhanam dassetum kinca bhikkhave rupam vadethatiadimaha.
Yatha hi nattham gonam pariyesamano puriso gogane caramane rattam va 1-
kalam va balibaddam disvapi na ettakeneva "ayam mayham gono"ti
sannitthanam katum sakkoti. Kasma? annesampi tadisanam atthitaya. Sarirapadese
panassa sattisuladilakkhanam disva "ayam mayham santako"ti sannitthanam hoti,
evameva sunnataya kathitayapi yava sunnatalakkhanam na kathiyati, tava sa akathitava
hoti, lakkhane pana kathite kathita nama hoti. Gono viya hi sunnata,
gonalakkhanam viya sunnatalakkhanam. Yatha gonalakkhane asallakkhite gono na sutthu
@Footnote: 1 Ma., ka. setam va rattam va
Sallakkhito hoti, tasmim pana sallakkhite so sallakkhito nama hoti,
evameva sunnatalakkhane akathite sunnata akathitava hoti, tasmim pana
kathite sa kathita nama hotiti sunnatalakkhanam dassetum kinca bhikkhave rupam
vadethatiadimaha.
Tattha kincati karanapuccha, kena karanena rupam vadetha, kena karanena
tam rupam namati attho. Ruppatiti khoti ettha ititi karanuddeso, yasma
ruppati, tasma rupanti vuccatiti attho. Ruppatiti kuppati ghatiyati piliyati,
bhijjatiti attho. Sitenapi ruppatitiadisu sitena tava ruppanam lokantarikaniraye
pakatam. Tinnam tinnanhi cakkavalanam antare ekeko okantarikanirayo
nama hoti atthayojanasahassappamano. Yassa neva hettha pathavi atthi,
na upari candimasuriyadipamanialoko, niccandhakaro. Tattha nibbattasattanam
tigavuto attabhavo hoti, te vagguliyo viya pabbatapade dighaputhulehi
nakhehi laggitva avamsira olambanti. Yada samsappanta annamannassa
hatthapasam gata honti, atha "bhakkho no laddho"ti mannamana tattha byavata
viparivattitva lokasandharake udake patanti, vate paharantepi madhukaphalani viya
chijjitva udake patanti, patitamattava accantakhare udake tattatele
patitapitthapindi 5- viya patapatayamana viliyanti. Evam sitena ruppanam lokantarikaniraye
pakatam. Mahimsaratthadisupi himapatasitalesu padesesu etam pakatameva. Tattha hi
satta sitena bhinnasarira jivitakkhayampi papunanti.
Unhena ruppanam avicimahaniraye pakatam hoti. Jighacchaya ruppanam
pittivisaye ceva dubbhikkhakale ca pakatam. Pipasaya ruppanam kalakancikadisu
pakatam.
Eko kira kalakancikaasuro pipasam adhivasetum asakkonto yojanagambhiravittharam
mahagangam otari, tassa gatagatatthane udakam chijjati, dhumo uggacchati
tatte pitthipasane cankamanakalo viya hoti. Tassa udakasaddam sutva ito
cito ca vicarantasseva ratti vibhayi. Atha nam patova bhikkhacaram gacchanta
timsamatta pindacarika bhikkhu disva "ko nama tvam sappurisa"ti pucchimsu.
Petohamasmi bhanteti. Kim pariyesasiti. Paniyam bhanteti. Ayam ganga paripunna,
kim tvam na passasiti. Na upakappati bhanteti. Tenahi gangapitthe nipajja, mukhe
te paniyam asincissamati. So valikapuline uttano nipajji. Bhikkhu
timsamatte patte niharitva udakam aharitva tassa mukhe asincimsu. Tesam
tatha karontanamyeva vela upakattha jata. Tato "bhikkhacarakalo amhakam
sappurisa, kacci te assadamatta laddha"ti ahamsu. Peto "sace me bhante
timsamattanam ayyanam timsapattehi asittaudakato addhapasatamattampi paragalagatam,
petattabhavato mokkho ma hotu"ti aha. Evam pipasaya ruppanam pittivisaye
pakatam.
Ghamsadihi ruppanam damsamakkhikadibahulesu padesesu pakatam. Ettha ca damsati
pingalamakkhika. Makasati makasava. Vatapi kucchivatapitthivatadivasena veditabba.
Sarirasmim hi vatarogo uppajjitva hatthapadapitthiadini bhindati, kanam karoti,
khujjam karoti, pithasappim karoti.
Atapoti suriyataPo. Tena ruppanam marukantaradisu pakatam. Eka kira
itthi marukantare rattim satthato ohina diva suriye uggacchante valikaya
tappamanaya pade thapetum asakkonti sisato pacchim otaretva akkami. Kamena
pacchiya unhabhitattaya thatum asakkonti tassa upari satakam thapetva
@Footnote: 1 Si. valikapitthe
Akkami. Tasmimpi santatte attano ankena gahitaputtakam adhomukham nipajjapetva
kandantamyeva akkamitva saddhim tena tasmimyeva thane unhabhitatta kalamakasi.
Sarisapati yekeci dighajatika saranta gacchanti. Tesam samphassena ruppanam
asivisadatthakadinam vasena veditabbam. Iti bhagavata yani imani samannapaccattavasena
dhammanam dve lakkhanani, tesu rupakkhandhassa tava paccattalakkhanam dassitam.
Rupakkhandhasseva hi etam, na vedanadinam, tasma paccattalakkhananti vuccati.
Aniccadukkhanattalakkhanam pana vedanadinampi hoti, tasma tam samannalakkhananti
vuccati.
Kinca bhikkhave vedanam vadethatiadisu purimasadisam vuttanayeneva veditabbam.
Yam pana purimena asadisam, tassayam vibhavana:- sukhampi vediyatiti sukham arammanam
vedeti anubhavati. Parato padadvayepi eseva nayo. Katham panetam arammanam sukham
dukkham adukkhamasukham nama jatanti? sukhadinam paccayato. Svayamattho "yasma ca
kho mahali rupam sukham sukhanupatitam sukhavakkantan"ti imasmim mahalisuttena 1-
agatoyeva. Vedayatiti ettha ca sukham vedanava vedayati, na anno satto va
puggalo va. Vedana hi vedayitalakkhana, tasma vattharammanam paticca vedanava
vedayatiti. Evamidha bhagava vedanayapi paccattalakkhanameva bhajetva dassesi.
Nilampi sanjanatiti nilapupphe va vatthe va parikammam katva upacaram va
uppanam va papento sanjanati, ayam hi sanna nama parikammasannapi
upacarasannapi appanasannapi vattati, nilam nilanti uppajjanasannapi vattati
yeva. Pitakadisupi eseva nayo. Idhapi bhagava sanjananalakkhanaya sannaya
paccattalakkhanameva bhajetva dassesi.
@Footnote: 1 sam. kha. 17/60/57
Rupam rupattaya 1- sankhatam abhisankharontiti yatha yagumeva yaguttaya, 2- puvameva
puvattaya pacati nama, evam paccayehi samagantva katabhavena sankhatanti laddhanamam
rupameva rupatta yatha abhisankhatam rupam nama hoti, tathattaya 3- rupabhavaya
abhisankharoti ayuhati sampindeti, nipphadetiti attho. Vedanasupi eseva nayo.
Ayam panettha sankhepo:- attana saha jayamanam rupam sampayutte ca vedananayo
dhamme abhisankharoti nibbattetiti idhapi bhagava cetayitalakkhanassa sankharassa
paccattalakkhanameva bhajetva dassesi.
Ambilampi vijanatiti ambaambatakamatulungadiambilam "ambilan"ti
vijanati. Esa nayo sabbapadesu. Apicettha tittakanti nimbapatoladinanappakaram.
Katukanti pipphalimaricadinanappakaram. Madhuranti sappiphanitadinanappakaram.
Kharikanti vatinganatalaketakikaliranalikeracaturassavallivettankuradinanappakaram.
Akharikanti yam va tam va thalajatam karakapannadimissakapannam. Lonakanti
lonayagulonamacchalonabhattadinanappakaram. Alonikanti alonayagualonamacchaalonabhattadi-
nanappakaram. Tasma vinnananti vuccatiti yasma imam ambiladibhedam
annamannavisitthena ambiladibhavena janati, tasma vinnananti vuccatiti.
Evamidhapi bhagava vijananalakkhanassa vinnanassa paccattalakkhanameva bhajetva dassesi.
Yasma pana arammanassa akarasanthanagahanavasena sanna pakata
hoti, tasma sa cakkhudvare vibhatta. Yasma vinapi akarasanthana arammanassa
paccattabhedagahanavasena vinnanam pakatam hoti, tasma tam jivhadvare vibhattam.
Imesam pana sannavinnanapannanam 5- asammohato sabhavasallakkhanattham sanjanati,
vijanati, pajanatiti ettha visesa veditabba. Tattha upasaggamattameva
@Footnote: 1 Si. rupatthaya 2 Si. yagutthaya 3 Si. tatha tadatthaya, ka. tatha taya
@4 Si. vitingananilikamaddanalikera...., cha. vatingananalikera....
@5 Ma. sannavinnananam
Viseso, janatiti padam pana aviseso. Tassapi 1- jananatthena viseso veditabbo.
Sanna hi niladivasena arammanasanjananavattameva, aniccam dukkhamanattati
lakkhanapativedham papetum na sakkoti. Vinnanam niladivasena arammananceva
janati, aniccadivasena lakkhanapativedhanca papeti, ussakkitva pana maggapatubhavam
papetum na sakkoti. Panna niladivasena arammanampi vijanati, aniccadivasena
lakkhanapativedhampi papeti, ussakkitva maggapatubhavampi papeti.
Yatha hi herannikaphalake kahapanarasimhi kate ajatabuddhidarako
gamikapuriso mahaherannikoti tisu janesupi oloketva thitesu ajatabuddhidarako
kahapananam cittavicittacaturassamandaladibhavameva janati, "idam manussanam
upabhogaparibhogam ratanasammatan"ti na janati. Gamikapuriso cittadibhavanca
janati, manussanam upabhogaparibhogaratanasammatabhavanca, "ayam kuto, ayam cheko,
ayam karato, ayam sanho"ti na janati. Mahaheranniko cittadibhavampi
ratanasammatabhavampi kutadibhavampi janati. Jananto ca pana rupam disvapi
saddam sutvapi gandham ghayitvapi rasam sayitvapi hatthena garulahubhavam upadharetvapi
"asukagame kato"tipi janati, "asukanigame asukanagare asukapabbatacchayaya
asukanadiya tire kato"tipi, "asukacariyena kato"tipi janati. Evameva sanna
ajatabuddhidarakassa kahapanadassanam viya niladivasena arammanamattameva sanjanati.
Vinnanam gamikapurisassa kahapanadassanam viya niladivasena arammanampi janati,
aniccadivasena lakkhanapativedhampi papeti. Panna mahaherannikassa kahapanadassanam
viya niladivasena arammanampi janati, aniccadivasena lakkhanapativedhampi
papeti, ussakkitva maggapatubhavampi papeti.
So pana nesam viseso duppativijjho. Tenaha ayasma nagaseno:-
@Footnote: 1 Si. tassa
"dukkaram maharaja bhagavata katanti. Kim bhante nagasena
bhagavata dukkaram katanti. Dukkaram maharaja bhagavata katam, imesam
arupinam cittacetasikanam dhammanam ekarammane vattamanam vavatthanam
akkhatam `ayam phasso, ayam vedana, ayam sanna ayam cetana, idam
cittan'ti".
Yatha hi tilatelam sasapatelam madhukatelam erandakatelam vasatelanti
imani panca telani ekacatiyam 1- pakkhipitva divasam yamakamanthehi manthetva
tato "idam tilatelam, idam sasapatelan"ti ekekassa patiyekkam uddharanam nama
dukkaram, idam tato dukkarataram. Bhagava pana sabbannutananassa suppatividdhatta
dhammissaro dhammaraja imesam arupinam dhammanam ekarammane vattamananam
vavatthanam akasi. Pancannam mahanadinam samuddam pavitthatthane "idam gangaya udakam,
idam yamunaya"ti evam patiyekkam udakuddharanenapi ayamattho veditabbo.
Iti pathamapabbena sunnatam, dutiyena sunnatalakkhananti dvihi pabbehi
anattalakkhanam kathetva idani dukkhalakkhanam dassetum tatra bhikkhavetiadimaha.
Tattha khajjamiti na rupam sunakho viya mamsam luncitva luncitva khadati, yatha pana
kilitthavatthanivattho tatonidanam pilam sandhaya "khadati mam vatthan"ti bhanati, evamidampi
pilam uppadentam khadati namati veditabbam. Patipanno hotiti silam adim
katva yava arahattamagga patipanno hoti. Yo panettha balanano
tikkhabuddhinanuttaro yogavacaro 2- padhanabhumiyam vayamanto khanuna va kantakena
va viddho avudhena va pahato byagghadihi va gahetva khajjamano tam
vedanam abboharikam katva mulakammatthanam sammasanto arahattameva ganhati,
ayam vedanaya nibbidaya viragaya nirodhaya patipanno nama vuccati pitamallatthero 3-
@Footnote: 1 Si., sya. ekapatiyam 2 Si. yogavacaro va, Ma. yogavacaro ca 3 Si. pitimallatthero
Viya kutumbiyaputtamahatissatthero viya vattaniataviyam timsamattanam bhikkhunam annataro
byagghamukhe nipannabhikkhu viya kantakena viddhatthero viya ca.
Dvadasasu kira bhikkhusu gantim 1- paharitva aranne padhanamanuyunjantesu
eko suriye atthangatamatteva gantim paharitva cankamanam oruyha cankamanto
tiriyam nimmathento tinapaticchannam kantakam akkami. Kantako pitthipadena
tattaphalena vinividdhakalo viya vedana vattati. Thero cintesi "kim imam
kantakam uddharami, udahu pakatiya vijjhitva thitakantakan"ti. Tassa evamahosi
"imina kantakena viddhatta nirayadisu bhayam 2- nama natthi, pakatiya
vijjhitva thitakantakamyeva"ti. So tam vedanam abboharikam katva sabbarattim
cankamitva vibhataya rattiya annassa sannam adasi. So agantva "kim
bhante"ti pucchi. Kantakenamhi avuso viddhoti. Kaya velaya bhanteti.
Sayameva avusoti. Kasma na amhe pakkosittha, kantakam uddharitva
tattha telampi sinceyyamati. Pakatiya vijjhitva thitakantakameva uddharitum
vayamimha avusoti. Sakkunittha bhante uddharitunti. Ekadesamattena me avuso
uddhatoti. Sesavatthuni dighamajjhimatthakathasu 3- satipatthanasuttaniddese
vittharitaneva.
Tam kim mannatha bhikkhaveti kasma araddham? imasmim pabbe dukkhalakkhanameva
Kathitam, na aniccalakkhanam, tam dassetum idamaraddham. Tini lakkhanani samodhanetva
dassetumpi araddhameva. Apacinati no acinatiti vattam vinaseti, neva
cinati. Pajahati na upadiyatiti tadeva vissajjeti, na ganhati. Visineti na
ussinetiti vikirati na sampindeti. Vidhupeti na sandhupetiti nibbapeti na
jalapeti.
@Footnote: 1 Si. sya. gandim 2 Si. vaso
@3 su.vi. 2/363, pa.su. 1/248
Evam passam bhikkhaveti idam kasma araddham? vattam vinasetva thitam
mahakhinasavam dassessamiti araddham. Ettakena va thanena vipassana kathita,
idani saha vipassanaya cattaro magge dassetum idamaraddham. Athava ettakena
thanena pathamamaggo kathito, idani saha vipassanaya tayo magge dassetum
idamaraddham. Ettakena va thanena tini maggani kathitani, idani saha
vipassanaya arahattamaggam dassetumpi idamaraddhameva.
Sapajapatikati saddhim pajatina devarajena. Arakava namassantiti duratova
namassanti, durepi thitam namassantiyeva ayasmantam nitattheram 1- viya.
Thero kira pupphachaddakakulato nikkhamma pabbajito, khuraggeyeva arahattam
patva cintesi "aham ajjeva pabbajito ajjeva me pabbajitakiccam matthakam
pattam, catupaccayasantosabhavanaramapanditamahaariyavamsapatipadam puressami"ti. So
pamsukulatthaya savatthim pavisitva colakam pariyesanto vicari. Atheko mahabrahma
samapattito vutthaya manussapatham olokento theram disva "ajjeva pabbajitva
ajjeva khuragge arahattam patva mahaariyavamsapatipadam puretum colakam pariyesati"ti
anjalim paggayha namassamano atthasi. Tamanno mahabrahma disva "kam namassasi"ti
pucchi. Nitattheram namassamiti. Kim karanati. Ajjeva pabbajitva ajjeva
khuragge arahattam patva mahaariyavamsapatidam puretum colakam pariyesatiti. Sopi nam
namassamano atthasi. Athanno, athannoti sattasata mahabrahmano namassamana
atthamsu. Tena vuttam:-
"ta devata sattasata ulara
brahmavimana abhinikkhamitva
@Footnote: 1 Si. nilattheram
Nitam namassanti pasannacitta
`khinasavo ganhati pamsukulam'.
Ta devata sattasata ulara
brahmavimana abhinikkhamitva
nitam namassanti pasannacitta
`khinasavo kayirati pamsukulam'.
`khinasavo Dhovati pamsukulam'
`khinasavo rajati pamsukulam'
`khinasavo parupati pamsukulan'ti".
Iti bhagava imasmim sutte desanam tihi bhavehi vinivattetva arahattassa
kutam ganhi. Desanapariyosane pancasata bhikkhu arahatte patitthahimsu. Sattamam.
The Pali Atthakatha in Roman Book 12 page 317-326.
http://84000.org/tipitaka/atthapali/read_rm.php?B=12&A=6992&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=12&A=6992&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=16&i=331
เนื้อความพระไตรปิฎกฉบับหลวง :-
http://84000.org/tipitaka/read/r.php?B=16&A=3688
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=16&A=3406
The Pali Tipitaka in Roman Character :-
http://84000.org/tipitaka/read/roman_read.php?B=16&A=3406
Contents of The Tipitaka Volume 16
http://84000.org/tipitaka/read/?index_16
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]