AtthaPali Vol.12

8. Pindolyasuttavannana [80] Atthame kismincideva pakaraneti kismincideva karane. Panametvati niharitva. Kismim pana karane ete bhagavata panamitati? ekasmim hi antovasse bhagava savatthiyam vasitva vutthavasso pavaretva mahabhikkhusamghaparivaro savatthito nikkhamitva janapadacarikam caranto kapilavatthum patva nigrodharamam pavisi. Sakyarajano "sattha agato"ti sutva pacchabhatte kappiyani telamadhuphanitadini ceva panakani ca kajasatehi ^1- gahapetva viharam gantva samghassa niyyadetva sattharam vanditva patisantharam karonta ekamantena nisidimsu. Sattha tesam madhuradhammakatham kathento nisidi. Tasmim khane ekacce bhikkhu senasanam @Footnote: ¹ Si. kajakasatehi Patijagganti, ekacce pancapithadini pannapenti, samanera appaharitam karonti. Bhajaniyatthane ^1- sampattabhikkhupi atthi, asampattabhikkhupi atthi. Sampatta asampattanam labham ganhanta "amhakam detha, amhakam acariyassa detha, upajjhayassa detha"ti kathenta mahasaddamakamsu. Sattha sutva theram pucchi "ke pana te ananda uccasadda mahasadda kevatta manne macchavilope"ti. Thero etamattham arocesi. Sattha sutva "amisahetu ananda bhikkhu mahasaddam karonti"ti aha. Ama bhanteti. Ananucchavikam ananda appatirupam. Na hi maya kappasatasahassadhikani cattari asankheyyani civaradihetu paramiyo purita, napi ime bhikkhu civaradihetu agarasma anagariyam pabbajita, arahattahetu pabbajitva anattham atthasadisam asaram sarasadisam karonti, gacchananda te bhikkhu panamehiti. Pubbanhasamayanti punadivase ^2- pubbanhasamayam. Veluvalatthikaya muleti tarunaveluvarukkhamule. Pabalhoti pabahito. Pavalhoti ca patho, pavahitoti ^3- attho. Ubhayampi nihatabhavameva dipeti. Siya annathattanti pasadannathattam va bhavannathattam va bhaveyya. Katham? "sammasambuddhena mayam lahuke karane panamita"ti pasadam mandam karontanam pasadannathattam nama hoti. Salingeneva titthayatanam pakkamantanam bhavannathattam nama. Siya viparinamoti ettha pana "mayam satthu ajjhasayam ganhitum sakkhissamati pabbajita, nam gahetum asakkontanam kim amhakam pabbajjaya"ti sikkham paccakkhaya hinayavattanam viparinamoti veditabbo. Vacchassati khirupakavacchassa. ^4- Annathattanti milayanaannathattam, khirupako hi vaccho matu adassanena khiram alabhanto milayati kampati pavedhati. Viparinamoti maranam. So hi khiram alabhamano khirapipasaya sussanto patitva marati. @Footnote: ¹ Si. bhajaniyatthanam ² cha. dutiyadivase @³ Ma. palalhotipi patho, pagahitoti ⁴ Si., ka. khirapakavacchassa Bijanam tarunananti udakena anuggahetabbanam virulhabijanam. Annathattanti milayanaannathattameva. Tani hi udakam alabhantani milayanti. Viparinamoti vinaso. Tani hi udakam alabhantani sukkhitva vinassanti. Palalameva honti. Anuggahitoti amisanuggahena ceva dhammanuggahena ca anuggahito. Anugganheyyanti dvihipi etehi anuggahehi anugganheyyam. Acirapabbajita hi samanera ceva daharabhikkhu ca civaradipaccayavekalle va sati gelanne va satthara va acariyupajjhayehi va amisanuggahena ananuggahita kilamanta na sakkonti sajjhayam va manasikaram va katum, dhammanuggahena ananuggahita uddesena ceva ovadanusasaniya ca parihayamana na sakkonti akusalam parivajjetva kusalam bhavetum. Imehi pana dvihi anuggahehi anuggahita kayena akilamanta sajjhayamanasikare pavattitva yathanusittham patipajjamana aparabhage tam anuggaham alabhantapi teneva purimanuggahena laddhabala sasane patitthahanti, tasma bhagavato evam parivitakko udapadi. Bhagavato purato paturahositi satthu cittam natva "ime bhikkhu bhagavata panamita, idani nesam anuggaham katukamo evam cintesi, karanam bhagava cintesi, ahamettha ussaham janessami"ti purato pakato ahosi. Santettha bhikkhuti idam so mahabrahma yatha nama byatto sudo yadeva ambilaggadisu ^1- rasajatam ranno ruccati, tam abhisankharena sadhutaram katva punadivase upanameti, evameva attano byattataya bhagavata ahatam upamamyeva evametam bhagavati adivacane abhisankharitva bhagavantam yacanto bhikkhusamghassa anuggahakaranattham vadati. Tattha abhinandatuti "mama santikam bhikkhusamgho agacchatu"ti evamassa agamanam sampiyayamano abhinandatu. Abhivadatuti agatassa ca ovadanusasanim dadanto abhivadatu. @Footnote: ¹ ka. ambiladisu Patisallanati ekibhava. Iddhabhisankharam abhisankharesiti iddhim akasi. Ekadvihikayati ekeko ceva dve dve ca hutva. Sarajjamanarupati ottappamanasabhava bhayamana. Kasma pana bhagava tesam tatha upasankamanaya iddhimakasiti? hitapatthanaya. Yadi hi te vaggavagga hutva agaccheyyum, "bhagava bhikkhusamgham panametva arannam pavittho, ekadivasampi tattha vasitum nasakkhi, vegeneva ^1- agato"ti kelimpi kareyyum. Atha nesam neva buddhagaravam paccupatthaheyyum, na dhammadesanam sampaticchitum samattha bhaveyyum. Sabhayanam pana sasarajjanam ekadvihikaya agacchantanam buddhagaravanceva paccupatthitam bhavissati, dhammadesananca sampaticchitum sakkhissantiti cintetva ^2- tesam hitapatthanaya tatha rupam iddhim akasi. Nisidimsuti tesu hi sarajjamanarupesu agacchantesu eko bhikkhu "mamamyeva sattha oloketi, mamyeva manne nigganhitukamo"ti sanikam agantva vanditva nisidi, athanno, athannoti evam panca bhikkhusatani nisidimsu. Evam nisinnam pana bhikkhusamgham sidantare sannisinnam mahasamuddam viya nivate padipam viya ca niccalam disva sattha cintesi "imesam bhikkhunam kidisi dhammadesana vattati"ti. Athassa etadahosi "ime aharahetu panamita, pindiyalopadhammadesanava nesam sappaya, tam desetva ^3- matthake tiparivattadesanam desessami, desanapariyosane sabbe arahattam papunissanti"ti. Atha nesam tam dhammadesanam desento antamidam bhikkhaveti adimaha. Tattha antanti pacchimam lamakam. Yadidam pindolyanti yam etam ^4- pindapariyesanena jivikam kappentassa jivitam. Ayam panettha padattho:- pindaya ulatiti pindolo, pindolassa kammam pindolyam, pindapariyesanena @Footnote: ¹ ka. bhikkhugavesaneneva ² ka. viditva @³ cha.Ma. dassetva ⁴ cha.Ma. evam Nipphaditajivitanti attho. Abhisapoti akkoso. Kupita ^1- hi manussa attano paccatthikam "civaram nivasetva kapalam gahetva pindam pariyesamano carissati"ti akkosanti. Athava pana "kim tuyham akatabbam atthi, yo tvam evam balava viriyasampannopi hirottappam pahaya kapano viya pindolo vicarasi pattapani"ti evampi akkosantiyeva. Tanca kho etanti etam ^2- abhisapam samanampi pindolyam. Kulaputta upenti atthavasikati mama sasane jatikulaputta ca acarakulaputta ca atthavasika karanavasika hutva atthavasam ^3- karanavasam paticca upenti. Rajabhinitatiadisu ye ranno santakam khaditva ranno bandhanagare bandhapita palayitva pabbajanti, te rajabhinita nama. Te hi ranno bandhanam abhinitatta rajabhinita nama. Ye pana corehi ataviyam gahetva ekaccesu mariyamanesu ^4- ekacce "mayam sami tumhehi visattha geham anajjhavasitva pabbajissama, tattha yam yam buddhapujadipunnam ^5- karissama, tato tumhakam pattim dassama"ti tehi visattha pabbajanti, te corabhinita nama. Tepi hi corehi maretabbatam abhinitati corabhinita nama. Ye pana inam gahetva patidatum asakkonta palayitva pabbajanti, te inatta nama, inapilitati attho. Inatthatipi patho, ine thitati attho. Ye rajacorachatakarogabhayanam annatarena abhibhuta upadduta pabbajanti, te bhayatta nama, bhayapilitati attho. Bhayatthatipi patho, bhaye thitati attho. Ajivikapakatati ajivikaya upadduta abhibhuta, puttadaram posetum asakkontati attho. Otinnamhati anto anupavittha. @Footnote: ¹ Si. akkositukama ² cha.Ma. evam tam ³ cha.Ma. ayam patho na dissati @⁴ ka. hariyamanesu ⁵ Si. pupphagandhadipunnam So ca hoti abhijjhaluti idam so kulaputto "dukkhassa antam karissami"tiadivasena cittam uppadetva pabbajito, aparabhage tam pabbajjam tatharupam katum na sakkoti, tam dassetum vuttam. Tattha abhijjhaluti parabhandanam abhijjhayita. Tibbasaragoti bahalarago. Byapannacittoti putibhavena vipannacitto. Padutthamanasankappoti tikhinasingo viya gono ditthacitto. Mutthassatiti bhattanikkhittakako viya natthassati, idha katam ettha nassati. Asampajanoti nippanno. Khandhadiparicchedarahito. Asamahitoti candasote baddhanava viya upacarappanabhavena asanthito. Vibbhantacittoti bandharulhamago ^1- viya bhantamano. Pakatindriyo yatha gihi puttadhitaro olokento asamvutindriyo hoti, evam asamvutindriyo. Chavalatanti chavanam daddhatthane alatam. Ubhato padittam majjhe guthagatanti pamanena atthangulamattam dvisu thanesu adittam majjhaguthamakkhitam. Neva gameti sace hi tam yuganangalagopanasipakkhapasakadinam atthaya upanetum sakka assa, game katthattham phareyya. Sace khettakutiyam katthattharamancakadinam atthaya upanetum sakka, aranne katthattham phareyya. Yasma pana ubhayathapi na sakka, tasma evam vuttam. Gihibhoga ca parihinoti yo agare vasantehi gihihi dayajje bhajiyamane bhogo ^2- laddhabbo assa, tato ca parihino. Samannatthancati acariyupajjhayanam ovade thatva pariyattipativedhavasena pattabbam samannattham ca. Imanca pana upamam sattha na dussilassa vasena ahari, parisuddhasilassa pana alasassa abhijjhadihi dosehi upahatassa puggalassa imam upamam ahari. Tayome bhikkhaveti kasma araddham? imassa puggalassa chavalatasadisabhavo Neva matapituhi kato, na acariyupajjhayehi, imehi pana papavitakkehi katoti @Footnote: ¹ ka. pantharuddhamitto ² Si. bhago Dassanattham araddham. Animittam va samadhinti vipassanasamadhim. So hi niccanimittadinam samugghatanena animittoti vuccati. Ettha ca cattaro satipatthana missaka, animittasamadhi pubbabhago. Animittasamadhi va missako, satipatthana pubbabhagati veditabbo. Dvema bhikkhave ditthiyoti idam pana na kevalam animittasamadhibhavana imesamyeva tinnam mahavitakkanam pahanaya samvattati, sassatucchedaditthinampi pana samugghatam karotiti dassanattham vuttam. Na vajjava assanti niddoso bhaveyyam. Sesamettha uttanameva. Iti bhagava imasmimpi sutte desanam tihi bhavehi vinivattetva arahattena kutam ganhi. Desanavasane pancasata bhikkhu saha patisambhidahi arahattam papunimsuti. Atthamam.

The Pali Atthakatha in Roman Book 12 page 326-332. http://84000.org/tipitaka/atthapali/read_rm.php?B=12&A=7204&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=7204&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=333 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=3713 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=3427 The Pali Tipitaka in Roman Character :- http://84000.org/tipitaka/read/roman_read.php?B=16&A=3427 Contents of The Tipitaka Volume 16 http://84000.org/tipitaka/read/?index_16