AtthaPali Vol.12

9. Vasijatasuttavannana [101] Navame seyyathapi bhikkhave kukkutiya andaniti ima kanhapakkha- sukkapakkhavasena dve upama vutta. Tasu kanhapakkhaupama atthassa asadhika, itara sadhikati. Sukkapakkhaupamaya evam attho veditabbo:- seyyathati opammatthe nipato, apiti sambhavanatthe. Ubhayenapi seyyatha nama bhikkhaveti dasseti. Kukkutiya andani attha va dasa va dvadasa vati ettha pana kincapi kukkatiya vuttappakarato unadhikanipi andani honti, vacanasilitthataya pana evam vuttam. Evanca loke silitthavacanam hoti. Tanassuti tani assu, tani bhaveyyunti attho. Kukkutiya sammaadhisayitaniti taya ca janettiya kukkutiya @Footnote: ¹ Si. kammananattam, kammananattaya ² Si. cittam cittarameva Pakkhe pasaretva tesam upari sayantiya samma adhisayitani. Sammapariseditaniti kalena kalam utum ganhapentiya sutthu samantato seditani usmikatani. Sammaparibhavitaniti kalena kalam sutthu samantato bhavitani, kukkutagandham gahapitaniti attho. Kincapi tassa kukkutiyati tassa kukkutiya imina tividhakiriyakaranena appamadam katva kincapi na evam iccha uppajjeyya. Athakho bhabbava teti athakho te kukkutapotaka vuttanayena sotthina abhinibbhijjitum bhabbava. Te hi yasma taya kukkutiya evam tihakarehi tani andani paripaliyamanani na putini honti, yo nesam allasineho, sopi pariyadanam gacchati, kapalam tanukam hoti, padanakhasikha ca mukhatundakanca kharam hoti, sayampi parinamam gacchati, kapalassa tanutta bahi aloko anto pannayati, tasma "ciram vata mayam sankutitahatthapada sambadhe sayimha, ayanca bahi aloko dissati, ettha dani no sukhaviharo bhavissati"ti nikkhamitukama hutva kapalam padena paharanti, givam pasarenti, tato tam kapalam dvedha bhijjati. Atha te pakkhe vidhunanta tamkhananurupam viravanta nikkhamantiyeva, nikkhamitva ca gamakhettam upasobhayamana vicaranti. Evamevakhoti idam opammasampatipadanam. Tam evam atthena samsanditva veditabbam:- tassa kukkutiya andesu tividhakiriyakaranam viya hi imassa bhikkhuno bhavananuyogamanuyuttakalo, kukkutiya tividhakiriyasampadanena andanam aputibhavo viya bhavananuyogamanuyuttassa bhikkhuno tividhanupassanasampadanena vipassanananassa aparihani, tassa tividhakiriyakaranena allasnehapariyadanam viya tassa bhikkhuno tividhanupassanasampadanena bhavattayanugatanikantisinehapariyadanam, anudakapalanam tanubhavo viya tassa bhikkhuno avijjandakosassa tanubhavo, Kukkutapotakanam padanakhasikhamukhatundakanam thaddhakharabhavo viya bhikkhuno vipassanananassa tikkhakharavippasannasurabhavo, ^1- kukkutapotakanam parinamakalo viya bhikkhuno vipassanananassa parinamakalo vaddhitakalo gabbhaggahanakalo, kukkutapotakanam padanakhasikhaya va mukhatundakena va andakosam padaletva pakkhe papphotetva sotthina abhinibbhidakalo viya tassa bhikkhuno vipassanananagabbham ^2- ganhapetva vicarantassa tajjatikam utusappayam va bhojanasappayam va puggalasappayam va dhammassavanasappayam va labhitva ekasane nissinnasseva vipassanam vaddhentassa anupubbadhigatena arahattamaggena avijkhandakosam padaletva abhinnapakkhe papphotetva sotthina arahattappattakalo veditabbo. Yatha pana kukkutapotakanam parinatabhavam natva matapi andakosam bhindati, evam tatharupassa bhikkhuno nanaparipakam natva satthapi:- "ucchinda sinehamattano kumuda saradikamva panina santimaggameva bruhaya nibbanam sugatena desitan"ti ^3- adina nayena obhasam pharitva gathaya ^4- avijjandakosam paharati. So gathapariyosane avijjandakosam bhinditva arahattam papunati. Tato patthaya yatha te kukkutapotaka gamakhettam upasobhayamana tattha vicaranti, evam ayampi mahakhinasavo nibbanarammanam phalasamapattim appetva samgharamam upasobhayamano vicarati. Palabhandassati vaddhakissa. So hi olambakasankhatam palam dharetva ^5- darunam gandam haratiti palagandoti vuccati. Vasijateti vasidandakassa gahanatathane. Ettakam vata me ajja asavanam khinanti pabbajitassa hi pabbajjasankhepena @Footnote: ¹ Si. tikkhavisadasurabhavo ² Si. vipassanananam gabbham @³ khu.dha. 25/285/66 ⁴ Si. pharamanagathaya ⁵ Si. tiretva Uddesena paripucchaya yoniso manasikarena vattapatipattiya ca niccakalam asava khiyanti. Evam ^1- khiyamananam pana tesam "ettakam ajja khinam, ettakam hiyyo"ti evamassa nanam na hotiti attho. Imaya upamaya vipassanayanisamso dipito. Hemantikenati hemantasamayena. Patipassambhantiti thirabhavena parihayanti. Evameva khoti ettha mahasamudado viya sasanam datthabbam, nava viya yogavacaro, navaya mahasamudde pariyadanam viya imassa bhikkhuno unapancavassakale acariyupajjhayanam santike vicaranam, navaya mahasamuddodakena khajjamananam bandhananam tanubhavo viya bhikkhuno pabbajjasankhepena uddesaparipucchadihi ceva samyojananam tanubhavo, navaya thale ukkhittakalo viya bhikkhuno nissayamuccakassa kammatthanam gahetva aranne vasanakalo, diva vatatapena samsussanam viya vipassanananena tanhasnehasamsussanam, rattim himodakena temanam viya kammatthanam nissaya uppannena pitipamojjena cittatemanam, rattindivam vatatapena ceva himodakena ca parisukkhaparitintanam bandhananam dubbalabhavo viya ekadivasam utusappayadini laddha vipassanananapitipamojjehi samyojananam bhiyyoso mattaya dubbalabhavo, pavussakamegho viya arahattamaggananam, meghavutthiudakena navaya bandhe putibhavo viya araddhavipassakassa rupasattakadivasena vipassanam vaddhentassa okkhayamane pakkhayamane kammatthane ^2- ekadivasam utusappayadini laddha ekapallankena nisinnassa arahattaphaladhigamo, putibandhanavaya kanca kalam thanam viya khinasamyojanassa arahato mahajanam anugganhantassa yavatayukam thanam, putibandhanavaya anupubbena bhijjitva @Footnote: ¹ Si. Ma. ettha ² Si. vipassanakammatthane Apannattikabhavupagatakalo viya khinasavassa upadinnakkhandhabhedena anupadisesaya nibbanadhatuya parinibbutassa apannattikabhavupagatakaloti imaya upamaya samyojananam dubbalata dipita. Navamam.

The Pali Atthakatha in Roman Book 12 page 357-361. http://84000.org/tipitaka/atthapali/read_rm.php?B=12&A=7893&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=7893&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=389 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=4350 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=3966 The Pali Tipitaka in Roman Character :- http://84000.org/tipitaka/read/roman_read.php?B=16&A=3966 Contents of The Tipitaka Volume 16 http://84000.org/tipitaka/read/?index_16