บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5. Natthidinnasuttavannana [210] Natthi dinnantiadisu natthi dinnanti dinnassa phalabhavam sandhaya vadanti. Yittham vuccati mahayago. Hutanti pahenakasakkaro 1- adhippeto. Tampi ubhayam phalabhavameva sandhaya patikkhipanti. Sukatadukkatananti sukatadukkatanam, kusalakusalananti attho. Phalam vipakoti yam phalanti va vipakoti va vuccati, tam natthiti vadanti. Natthi ayam lokoti paraloke thitassa ayam loko natthi. Natthi parolokoti idha loke thitassapi paroloko natthi, sabbe tattha tattheva ucchijjantiti dassenti. Natthi mata natthi pitati tesu sammapatipattimicchapatipattinam phalabhavavasena vadanti. Natthi satta opapatikati cavitva uppajjanakasatta nama natthiti vadanti. Natthi loke samanabrahmanati loke sammapatipanna samanabrahmana nama natthiti vadanti. Catummahabhutikoti catumahabhutamayo. Pathavi pathavikayanti ajjhattika pathavidhatu bahiram pathavidhatu. Anupetiti anuyati. Anupagacchatiti tasseva vevacanam, anugacchatitipi attho. Ubhayenapi upeti upagacchatiti dassenti. Apadisupi eseva nayo. Indriyaniti manacchatthani indriyani. Sankamantiti akasam pakkhandanti. Asandipancamati nipannamancena pancama, manco ceva, cattaro mancapade gahetva thita cattaro purisa cati attho. Yava alahanati yava @Footnote: 1 ka. mahalabhasakkaro Susana. Padaniti "ayam evam silava ahosi, evam dussilo"tiadina nayena pavattani gunapadani. Sarirameva va ettha padaniti adhippetam kapotakaniti kapotavannani, paravatapakkhavannaniti attho. Bhassantati bhasmanta. Ayameva va pali. Ahutiyoti yam pahenakasakkaradibhedam dinnam danam, sabbantam charikavasanameva hoti, na tato param phaladayakam hutva gacchatiti attho. Dattupannattanti dattuhi balamanussehi pannattam. Idam vuttam hoti:- balehi abuddhihi pannattamidam danam, na panditehi. Bala denti, pandita ganhantiti dassenti.The Pali Atthakatha in Roman Book 12 page 370-371. http://84000.org/tipitaka/atthapali/read_rm.php?B=12&A=8144&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=8144&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=652 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=6866 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=6084 The Pali Tipitaka in Roman Character :- http://84000.org/tipitaka/read/roman_read.php?B=16&A=6084 Contents of The Tipitaka Volume 16 http://84000.org/tipitaka/read/?index_16
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]