ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 13 : PALI ROMAN Sam.A. (sarattha.3)

                        3. Atthasatapariyayavagga
                         1. Sivakasuttavannana
    [269] Tatiyavaggassa pathame moliyasivakoti sivakoti tassa namam. Cula
panassa atthi, tasma moliyasivakoti vuccati. Paribbajakoti channaparibbajako.
Pittasamutthananiti pittapaccayani. Vedayitaniti vedana. Tattha pittapaccaya tisso
vedana uppajjanti, katham? ekacco hi "pittam me kuppitam, dujjanam kho pana
jivitan"ti danam deti, silam samadiyati, uposathakammam karoti, evamassa kusalavedana
uppajjati, ekacco "pittabhesajjam karissami"ti panam hanati, adinnam adiyati,
musa bhanati, dasa dussilayakammani karoti, evamassa akusalavedana uppajjati.
Ekacco "ettakenapi me bhesajjakaranena pittam na vupasammati, alam yam hotu, 1-
tam hotu"ti majjhato kayikavedanam adhivasento nipajjati, evamessa abyakatavedanava
uppajjati.
    Samampi kho etanti tam tam pittavikaram disva attanapi etam veditabbam.
Saccasammatanti bhutam sammatam. Lokopi hissa sarire sabalavannatadipittavikaram
@Footnote: 1 cha.Ma. hoti
Disva "pittamassa kuppitan"ti janati. Tasmati yasma samanca viditam lokassa
ca saccasammatam adhidhavanti, tasma. Semhasamutthanadisupi eseva nayo. Ettha
pana sannipatikaniti tinnampi pittadinam kopena samutthitani. Utuparinamajaniti
visabhagaututo jatani. Jangaladesavasinam hi anuppadese 1- vasantanam visabhago
utu uppajjati, anupadesananca jangaladeseti evam malayasamuddatiradivasenapi
utu visabhagata uppajjatiyeva. Tato jatati utuparinamajatani.
    Visamapariharajaniti mahabharavahanasudhakottanadito va avelaya carantassa
sappadamsanakuppapatadito va visamapariharato jatani. Opakkamikaniti "ayam
coro va paradariko vati gahetva jannukakapparamuggaradihi nippothanaupakkamam
paccayam katva uppannani. Etam bahi upakkamam labhitva koci vuttanayeneva
kusalam karoti, koci akusalam, koci adhivasento nipajjati. Kammavipakajaniti
kevalam kammavipakatova jatani. Tesupi hi uppannesu vuttanayeneva koci kusalam
karoti, koci akusalam, koci adhivasento nipajjati. Evam sabbavaresu tividhava
vedana honti.
    Tattha purimehi sattahi karanehi uppanna saririka vedana sakka
patibahitum, kammavipakajanam pana sabbabhesajjanipi sabbaparittanipi nalam
patighataya. Imasmim sutte lokavoharo nama kathitoti.



             The Pali Atthakatha in Roman Book 13 page 142-143. http://84000.org/tipitaka/atthapali/read_rm.php?B=13&A=3118&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=3118&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=18&i=427              เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=6098              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=5795              The Pali Tipitaka in Roman Character :- http://84000.org/tipitaka/read/roman_read.php?B=18&A=5795              Contents of The Tipitaka Volume 18 http://84000.org/tipitaka/read/?index_18

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]