บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
13. Pataliyasuttavannana [365] Terasame duteyyaniti dutakammani pannani ceva mukhasasanani ca. Panatipatancahanti idam kasma araddham? na kevalam aham mayam janami, annampi idancidanca janamiti sabbannubhavadassanattham araddham. Santi hi gamani eke samanabrahmanati idam sesasamanabrahmananam laddhim dassetva tassa pajahapanattham araddham. Mali kundaliti malaya mali, kundalehi kundali. Itthikamehiti itthihi saddhim kama itthikama, tehi itthikamehi. Avasathagaranti kulagharassa ekasmim thane ekekasseva sukhanivasatthaya katam vasagaram. Tenaham yathasatti yathabalam samvibhajamiti tassaham attano sattianurupena ceva balanurupena ca samvibhagam karomi. Alanti yuttam. Kankhaniye thaneti kankhitabbe karane. Cittasamadhinti tasmim dhammasamadhismim thito tvam saha vipassanaya catunnam magganam vasena cittasamadhim sace patilabheyyasiti dasseti. Apannakataya mayhanti ayam patipada mayham apannakataya anaparadhakataya eva samvattatiti attho. Kataggahoti jayaggaho. Ayam kho gamani dhammasamadhi, tatra ce tvam cittasamadhim patilabheyyasiti ettha dhammasamadhiti dasakusalakammapathakamma, cittasamadhiti saha vipassanaya cattaro Magga. Athava "pamojjam jayati, pamuditassa piti jayati"ti 1- evam vutta pamojjapitippassaddhisukhasamadhisankhata panca dhamma dhammasamadhi nama, cittasamadhi pana saha vipassanaya cattaro maggava. Athava dasakusalakammapatha cattaro brahmavihara cati ayam dhammasamadhi nama, tam dhammasamadhim purentassa uppanna cittekaggata cittasamadhi nama. Evam tvam imam kankhadhammam pajaheyyasiti evam tvam imasmim vuttappabhede dhammasamadhismim thito sace evam cittasamadhim patilabheyyasi, ekamsenetam kankham pajaheyyasiti attho. Sesam sabbattha vuttanayamevati. Gamanisamyuttavannana nitthita. ------------ @Footnote: 1 an.pancaka. 22/25/23 (sya)The Pali Atthakatha in Roman Book 13 page 171-172. http://84000.org/tipitaka/atthapali/read_rm.php?B=13&A=3743&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=3743&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=18&i=649 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=8581 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=8513 The Pali Tipitaka in Roman Character :- http://84000.org/tipitaka/read/roman_read.php?B=18&A=8513 Contents of The Tipitaka Volume 18 http://84000.org/tipitaka/read/?index_18
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]