ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 13 : PALI ROMAN Sam.A. (sarattha.3)

                       3. Lokantagamanasuttavannana
       [116] Tatiye lokassati cakkavalalokassa. Lokassa antanti sankharalokassa
antam. Viharam pavisiti "mayi viharam pavitthe ime bhikkhu imam uddesam
anandam pucchissanti, so ca tesam mama sabbannutananena samsanditva kathessati.
Tato nam thomessami, mama thomanam sutva bhikkhu anandam upasankamitabbam, vacanampissa
1- sotabbam saddhatabbam mannissanti, tam nesam bhavissati digharattam hitaya
sukhaya"ti cintetva sankhittena bhasitassa vittharena attham avibhajitvava
nisinnasane antarahito gandhakutiyam paturahosi. Tena vuttam "utthayasana viharam
pavisi"ti.
       Satthu ceva samvannitoti satthara ca pasattho. Vinnunanti idampi karanatthe
samivacanam, panditehi sabrahmacarihi ca sambhavitoti attho. Pahotiti sakkoti.
Atikkammeva mulam atikkammeva khandhanti saro nama mule va khandhe va bhaveyya,
tampi atikkamitvati attho. Evamsampadamidanti evamsampattikam, idisanti attho.
Atisitvati atikkamitva. Janam janatiti janitabbameva janati. Passam passatiti
passitabbameva passati. Yatha va ekacco viparitam ganhanto janantopi na
janati, passantopi na passati, na evam bhagava. Bhagava pana jananto janati,
passanto passatiyeva. Svayam dassanaparinayakatthena cakkhubhuto. Viditakaranatthena
nanabhuto. Aviparitasabhavatthena pariyattidhammapavattanato va hadayena cintetva
vacaya niccharitadhammamayoti dhammabhuto. Setthatthena brahmabhuto. Athava cakkhu
viya bhutoti cakkhubhuto. Evametesu padesu attho veditabbo. Svayam dhammassa
vattanato vatta. Pavattanato pavatta. Hattham niharitva dassanasamatthataya atthassa
ninneta. Amatadhigamaya 2- patipattim desetiti amatassa data.
       Agarum karitvati punappunam yacapentopi hi garum karoti nama. Attano
sekkhapatisambhidanane thatva sinerupadato valikam uddharamano viya duvinneyyam
katva kathentopi garum karotiyeva nama. Evam akatva amhe punappunam
ayacapetva suvinneyyampi no katva kathehiti vuttam hoti.
@Footnote: 1 cha.Ma. vacanancassa     2 Ma. amatadhigamassa
      Yam kho voti yam kho tumhakam. Cakkhuna kho avuso lokasmim lokasanni
hoti lokamaniti cakkhum hi loke appahinaditthiputhujjano sattalokavasena lokoti
sanjanati ceva mannati ca, tatha cakkavalalokavasena. Na hi annatra
cakkhvadihi dvadasaayatanehi tassa sa sanna va mano va uppajjati.
Tena vuttam "cakkhuna kho avuso lokasmim lokasanni hoti lokamani"ti. Imassa
ca lokassa gamanena anto nama natum va datthum va pattum va na sakka.
Lujjanatthena pana tasseva cakkhvadibhedassa lokassa nibbanasankhatam antam
appatva vattadukkhassa antakiriya nama natthiti veditabba.
     Evam panham vissajjetva idani "savakena panho kathitoti ma
nikkankha ahuvattha, ayam bhagava sabbannutananatulam gahetva nisinno,
icchamana tameva upasankamitva nikkankha hotha"ti uyyojento akankhamana
panatiadimaha.
     Imehi akarehiti imehi karanehi cakkavalalokassa antabhavakaranehi
ceva sankharalokassa antapattikaranehi ca.
     Imehi padehiti imehi akkharasampindanehi. Byanjanehiti patiyekkaakkharehi.
     Panditoti pandiccena samannagato. Catuhi karanehi pandito dhatukusalo
ayatanakusalo paccayakarakusalo karanakaranakusaloti. Mahapannoti mahante
atthe mahante dhamme mahanta niruttiyo mahantani patibhanani
parigganhanasamatthataya mahapannaya samannagato. Yatha tam anandenati yatha anandena
byakatam,
     tam sandhaya vuttam. Yatha anandena tam byakatam, ahampi tam evameva
byakareyyanti attho.



             The Pali Atthakatha in Roman Book 13 page 38-40. http://84000.org/tipitaka/atthapali/read_rm.php?B=13&A=821&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=821&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=18&i=169              เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=2411              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=2339              The Pali Tipitaka in Roman Character :- http://84000.org/tipitaka/read/roman_read.php?B=18&A=2339              Contents of The Tipitaka Volume 18 http://84000.org/tipitaka/read/?index_18

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]