ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 13 : PALI ROMAN Sam.A. (sarattha.3)

                     4-5. Bharadvajasuttadivannana
    [127-128] Catutthe pindam ulamano pariyesamano pabbajitoti
pindolo. So kira parijinnabhogo brahmano ahosi. Atha bhikkhusamghassa
labhasakkaram disva pindatthaya nikkhamitva pabbajito, so mahantam kapallapattam
gahetva carati, tena kapallapuram yagum pivati, kapallapurapuve khadati, kapallapuram
bhattam bhunjati. Athassa mahagghasabhavam satthu arocayimsu. Sattha tassa pattathavikam
nanujani. Hetthamance pattam nikujjetva thapeti. So thapentopi ghamsantova
panametva thapeti, ganhantopi ghamsantova akaddhitva ganhati. Tam gacchante
kale ghamsanena parikkhinam nalikodanamattameva ganhanakam jatam. Tato satthu
arocesum, athassa sattha pattathavikam anujani. Thero aparena samayena indriyabhavanam
bhavetva aggaphale arahatte patitthasi. Iti so pindatthaya pabbajitatta
Pindolo, gottena pana bharadvajoti ubhayam ekato katva pindolabharadvajoti
vuccati.
       Upasankamiti uggatuggatehi mahaamaccehi parivuto upasankami. Thero kira
ekadivasam savatthiyam pindaya caritva katabhattakicco nidaghasamaye sitatthane
divaviharam nisidissamiti akasena gantva gangatire udenassa ranno
udakatthanam nama 1- uyyanam atthi, tattha vicaritva 2- annatarasmim rukkhamule
divaviharam nisidi sitena udakavatena vijiyamano.
    Udenopi kho nama raja sattaham mahapanam pivitva sattame divase
uyyanam patijaggapetva mahajanaparivaro uyyanam gantva mangalasilapatte
atthataya seyyaya nipajji. Tassa eka paricarika pade sambahamana nisinna.
Raja kamena niddam okkami. Tasmim niddam okkamante natakitthiyo "yassatthaya
mayam gitadini payojeyyama, so niddam upagato, na ca niddakale pahasam 3-
katum vattati"ti attano attano turiyani thapetva uyyanam pakkanta. Ta
tattha tattha phalaphalani khadamana pupphani pilandhamana vicarantiyo theram disva
"ma saddamakarittha"ti annamannam nivarayamana vanditva nisidimsu. Thero "issa
pahatabba, maccheram vinodetabban"tiadina nayena tasam dhammakatham 4- kathesi.
     Sapi kho ranno pade sambahamana nisinna itthi pade caletva
rajanam pabodhesi. So "kahanta gata"ti pucchi. Kim tasam tumhehi, ta ekam samanam
parivaretva nisinnati. Raja kuddho uddhane pakkhittalonam viya tatatatayamano
utthahitva "tambakipillikahi nam khadapessami"ti gacchanto ekasmim asokarukkhe
@Footnote: 1 cha.Ma. udapanam nama          2 cha.Ma. pavisitva
@3 cha.Ma. mahasaddam          4 cha.Ma. anurupam dhammakatham
Tambakipillikanam putam disva hatthenakaddhitva sakham ganhitum nasakkhi.
Kipillikanam puto chinditva 1- ranno sise pati, sakalasariram salithusehi parikinnam
viya dandadipikahi jhapiyamanam 2- viya ca ahosi. Thero ranno dutthabhavam natva
iddhiya akasam pakkhandi. Tapi itthiyo utthaya ranno santikam gantva
sariram punchantiyo viya bhumiyam patitapatita kipillikayo gahetva sarire khipamana
sabba mukhasattihi vijjhimsu "kim nametam, anne rajano pabbajite disva
vandanti, panham pucchanti, ayam pana raja kipillikaputam sise bhinditukamo
jato"ti.
    Raja attano aparadham disva uyyanapalam pakkosapetva pucchi "kim
esa pabbajito annesupi divasesu idha agacchati"ti. Ama devati. Idha tvam
agatadivase mayham aroceyyasiti. Theropi katipaheneva puna agantva rukkhamule
nisidi. Uyyanapalo disva "mahanto me ayam pannakaro"ti vegena gantva
ranno arocesi. Raja utthahitva sankhapanavadisaddam nivaretva uggatuggatehi
amaccehi saddhim uyyanam agamasi. Tena vuttam "upasankami"ti.
    Anikilitavino kamesuti ya kamesu kamakilitam 3- akilitapubba,
aparibhuttakamati attho. Addhananca apadentiti pavenim patipadenti, digharattam
anubandhapenti. Matumattisuti matupamanasu. Lokasmim hi mata bhagini dhitati
idam tividham garukarammanam nama, iti garukarammanena 4- upanibandham cittam
sodhetum 5- na labhatiti dassento evamaha. Athassa tena panhena cittam
anotarantam disva bhagavata patikulamanasikaravasena cittupanibandhanattham vuttam
battimsakarakammatthanam kathesi.
@Footnote: 1 cha.Ma. chijjitva    2 cha.Ma. dayhamanam    3 cha.Ma. kamakila, tam
@4 cha.Ma. garukarammane       5 cha.Ma. vimocetum
    Abhavitakayati abhavitapancadvarikakaya. Tesantam dukkaram hotiti tesam tam
asubhakammatthanam bhavetum dukkaram hoti. Itissa iminapi cittam anotarantam disva
indriyasamvarasilam kathesi. Indriyasamvarasmim hi upanibandhacittam visodhitum 1- na
labhati. Raja tam sutva tattha otinnacitto acchariyam bho bharadvajatiadimaha.
    Arakkhiteneva kayenatiadisu hatthapade kilapento givam parivattento
kayam na rakkhati nama, nanappakaram dutthullam kathento vacanam na rakkhati nama,
kamavitakkadayo vitakkento cittam na rakkhati nama. Rakkhiteneva kayenatiadisu
vuttavipariyayena attho veditabbo.
      Ativiya mam tasmim samaye lobhadhamma parisahantiti mam tasmim samaye atikkamitva
lobho adhibhavatiti attho. Upatthitaya satiyati kayagataya satiya upatthitaya.
Na mam tatha tasmim samayeti tasmim samaye mam yatha pubbe, na tatha lobho
atikkamitva uppajjatiti attho. Parisahantiti padassa uppajjantitipi atthoyeva.
Iti imasmim sutte tayo kaya kathita. Katham? "imameva kayan"ti ettha hi
Karajakayo kathito, "bhavitakayo"ti ettha pancadvarikakayo, "rakkhiteneva
kayena"ti ettha copanakayo, kayavinnattiti attho. Pancamam uttanameva.



             The Pali Atthakatha in Roman Book 13 page 44-47. http://84000.org/tipitaka/atthapali/read_rm.php?B=13&A=945&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=945&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=18&i=195              เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=2904              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=2822              The Pali Tipitaka in Roman Character :- http://84000.org/tipitaka/read/roman_read.php?B=18&A=2822              Contents of The Tipitaka Volume 18 http://84000.org/tipitaka/read/?index_18

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]