บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
24. 4. Kammavagga 1. Sankhittasuttavannana [232] Catutthassa pathame kanhanti kalakam dasakusalakammapathakammam. Kanhavipakanti apaye nibbattapanato kalakavipakam. Sukkanti pandaram dasakusalakammapathakammam. Sukkavipakanti sagge nibbattapanato 1- pandaravipakam. Kanham sukkanti missakakammam. Kanhasukkavipakanti sukhadukkhavipakam. Missakakammam hi katva akusalena tiracchanayoniyam mangalahatthitthanadisu uppanno kusalena pavatte sukham vediyati. Kusalena rajakulepi nibbatto akusalena pavatte dukkham vediyati. Akanham asukkanti kammakkhayakaram catumaggananam adhippetam. Tanhi yadi kanham bhaveyya, kanhavipakam dadeyya. Yadi sukkam bhaveyya, sukkavipakam dadeyya. Ubhayavipakassa pana appadanato 2- akanham asukkanti ayamettha attho. 2. Vittharasuttavannana [233] Dutiye sabyapajjhanti sadosam. Kayasankharanti kayadvare cetanam. Abhisankharotiti ayuhati sampindetiti attho. Sesadvayepi eseva nayo. Sabyapajjham @Footnote: 1 cha.Ma. nibbattanato 2 Ma. samugghatanato, su.vi. 3/312/220 Lokanti sadukkham lokam. Sabyapajjha phassati sadukkha vipakaphassa. Sabyapajjham vedanam vediyatiti sabadham savipakavedanam vediyati. Ekantadukkhanti ekanteneva dukkham, na sukhasammissam. Seyyathapi satta nerayikati ettha seyyathapiti nidassanatthe nipato. Tena kevalam nerayikasatte dasseti, anne pana tamsarikkhaka nama natthi. Imina upayena sabbattha attho veditabbo. Seyyathapi manussatiadisu pana manussanam tava kalena sukhavedana uppajjati, kalena dukkhavedana. Ekacce ca devati ettha pana kamavacaradeva datthabba. Tesanhi mahesakkhatara devata disva nisinnasanato vutthanam, parupanauttarasangassa otaranam, anjalipagganhanantiadinam vasena kalena dukkham uppajjati, dibbasampattim anubhavantanam 1- kalena sukham. Ekacce ca vinipatikati ettha vemanikapeta datthabba. Te nirantarameva ekasmim kale sukham, ekasmim kale dukkham vediyanti. Nagasupannahatthiassadayo pana manussa viya vokinnasukhadukkhapi honti. Pahanaya ya cetanati ettha vivattagamini maggacetana veditabba. Sa hi kammakkhayaya samvattati. 3. Sonakayanasuttavannana [234] Tatiye sikhamoggallanoti sisamajjhe thitaya mahatiya sikhaya samannagato moggallanagotto brahmano. Purimaniti atitanantaradivasato patthaya purimani, dutiyadito patthaya purimatarani veditabbani. Sonakayanoti tasseva antevasiko. Kammasaccayam bho lokoti bho ayam loko kammasabhavo. Kammasamarambhatthayiti kammasamarambhena titthati. Kammam ayuhantova patitthati, anayuhanto ucchijjatiti dipeti. Sesam hettha vuttanayameva. 4-9. Sikkhapadasuttadivannana [235] Catutthadini uttanatthaneva. Maggangesu pana yasma satiya upatthapetva pannaya paricchindati, tasma ubhayameva kammam. Sesa anganeva honti, no kammanti @Footnote: 1 Ma. anubhavanato Vuttam. Bojjhangesupi eseva nayo. Abhidhamme pana sabbam cetam 1- avisesena cetanasampayuttakammanteva vannitam. 10. Samanasuttavannana [241] Dasame idhevati imasmimyeva sasane. Ayam pana niyamo sesapadesupi veditabbo. Dutiyadayopi hi samana idheva, na annattha. Sunnati ritta tuccha. Parappavadati cattaro sassatavada, cattaro ekaccasassatika, cattaro antanantika, cattaro amaravikkhepika, dve adhiccasamuppannika, solasa sannivada, attha asannivada, attha nevasanninasannivada, satta ucchedavada, panca ditthadhammanibbanavadati ime sabbepi brahmajale agata dvasatthi ditthiyo ito bahiranam paresam vada parappavada nama. Te sabbepi imehi catuhi phalatthakasamanehi sunna. Na hi te ettha santi. Na kevalanca eteheva sunna, catuhi pana maggatthakasamanehipi, catunnam magganam atthaya araddhavipassakehipiti dvadasahipi samanehi sunnayeva. Idamevattham sandhaya bhagavata mahaparinibbane vuttam "ekunatimso vayasa subhadda yam pabbajim kim kusalanuesi vassani pannasa samadhikani yato aham pabbajito subhadda nayassa dhammassa padesavatti ito bahiddha samanopi natthi. @Footnote: 1 cha.Ma. sabbampetam Dutiyopi samano natthi, tatiyopi samano natthi, catutthopi samano natthi, sunna parappavada samanehi annehi"ti. Ettha hi padesavattiti araddhavipassako adhippeto. Tasma sotapattimaggassa araddhavipassakam maggattham phalatthanti tayopi ekato katva "samanopi natthi"ti aha. Sakadagamimaggassa araddhavipassakam maggattham phalatthanti tayopi ekato katva "dutiyopi samano natthi"ti aha. Itaresupi dvisu eseva nayo. Ekadasamam uttanamevati. Kammavaggo catuttho. ---------------The Pali Atthakatha in Roman Book 15 page 440-443. http://84000.org/tipitaka/atthapali/read_rm.php?B=15&A=10099&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=10099&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=535 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=6421 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=6596 The Pali Tipitaka in Roman Character :- http://84000.org/tipitaka/read/roman_read.php?B=20&A=6596 Contents of The Tipitaka Volume 20 http://84000.org/tipitaka/read/?index_20
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]