|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
25. 5. Apattibhayavagga
1. Samghabhedakasuttavannana
[243] Pancamassa pathame api nu tam ananda adhikarananti vivadadhikaranadisu
annataram adhikaranam bhikkhusamghassa uppajji, sattha tassa vupasantabhavam pucchanto
evamaha. Kuto tam bhanteti bhante kuto kinti kena karanena tam adhikaranam
vupasamissatiti vadati. Kevalakappanti sakalam samantato. Samghabhedaya thitoti samghena
saddhim vadatthaya 1- kathitam patikathentova 2- thito. Tatthayasmati 3- tasmim evam thite
ayasma anuruddho. Na ekavacikampi bhanitabbam mannatiti "ma avuso samghena saddhim
evam avaca"ti ekavacanampi vattabbam na mannati. Voyunjatiti anuyunjati anuyogam
apajjati. Atthavaseti karanavase. Nasessantiti uposathapavarana upagantum adatva
nikkaddhissanti. Sesam palivaseneva veditabbam.
2. Apattibhayasuttavannana
[244] Dutiye khuramundam karitvati panca sikhandake thapetva khurena mundam
karitva. Kharassarenati kakkhalasaddena. Panavenati vajjhabheriya. Thalatthassati ekamante
@Footnote: 1 Ma. tadatthaya 2 Ma. patikarontova 3 cha.Ma. tatrayasmati
Thitassa. Sisacchejjanti sisacchedaraham. 1- Yatra hi namati yam nama. So vatassanti
so vata aham assam, yam evarupam papam na kareyyanti attho. Yathadhammam patikarissatiti
dhammanurupam patikarissati, samanerabhumiyam thassatiti attho. Kalakam vattham paridhayati
kalapilotikam nivasetva. Mosallanti musalabhipataraham. Yathadhammanti idha apattito
vutthaya suddhante patitthahanto yathadhammam patikaroti nama. Bhasmaputanti
charikabhandikam. Garayham bhasmaputanti garahitabbam charikaputena matthakena abhighataraham.
Yathadhammanti idha apattim desento yathadhammam patikaroti nama. Upavajjanti
upavadaraham. Patidesaniyesuti patidesetabbesu. Imina sabbapi sesa apattiyo
sangahita. Imani kho bhikkhave cattari apattibhayaniti bhikkhave imani cattari
apattim nissaya uppajjanakabhayani namati.
3. Sikkhanisamsasuttavannana
[245] Tatiye sikkha anisamsa etthati sikkhanisamsam. Panna uttara etthati
pannuttaram. Vimutti saro etthati vimuttisaram. Sati adhipateyya etthati
satadhipateyyam. Etesam hi sikkhadisankhatanam anisamsadinam atthaya vussatiti vuttam
hoti. Abhisamacarikati uttamasamacarika. Vattavasena pannattasilassetam adhivacanam. Tatha
tatha so tassa sikkhayati tatha tatha so sikkhakamo bhikkhu tasmim sikkhapade.
Adibrahmacariyakati maggabrahmacariyassa adibhutanam catunnam mahasilanametam
adhivacanam. Sabbasoti sabbakarena. Dhammati catusaccadhamma. Pannaya samavekkhita
hontiti sahavipassanaya maggapannaya sudittha honti. Vimuttiya phusita hontiti
arahattaphalavimuttiya nanaphassena phuttha honti. Ajjhattamyeva sati supatthita hotiti
niyakajjhatteyeva sati sutthu upatthita hoti. Pannaya anuggahessamiti
vipassanapannaya anuggahessami. Pannaya samavekkhissamiti idhapi vipassanapannapi
adhippeta. Phusitam va dhammam tattha tattha pannaya anuggahessamiti ettha pana
maggapannava adhippeta.
@Footnote: 1 Ma. sisacchedakaranam
4. Seyyasuttavannana
[246] Catutthe petati kalakata vuccanti. Uttana sentiti te yebhuyyena
uttanakava sayanti. Athava pittivisaye nibbatta peta nama, te appamamsa-
lohitatta atthisanghatajatita ekena passena sayitum na sakkonti, uttanava
senti. Anattamano hotiti tejussadatta hi siho migaraja dve purimapade
ekasmim, pacchimapade ekasmim thane thapetva nanguttham antarasatthimhi pakkhipitva
purimapadapacchimapadanangutthanam thitokasam sallakkhetva dvinnam purimapadanam matthake
sisam thapetva sayati. Divasampi sayitva pabujjhamano na uttasanto pabujjhati,
sisam pana ukkhipitva purimapadadinam thitokasam sallakkhetva sace kinci thanam
vijahitva thitam, "nayidam tuyham jatiya, na surabhavassa anurupan"ti anattamano
hutva tattheva sayati, na gocaraya pakkamati. Idam sandhaya vuttam "anattamano
hoti"ti. Avijahitva thite pana "tuyham jatiya ca surabhavassa ca anurupamidan"ti
hatthatuttho tato utthaya sihavijambhanam vijambhitva kesarabharam vidhunitva tikkhattum
sihanadam naditva gocaraya pakkamati. Tena vuttam "attamano hoti"ti.
5. Thuparahasuttavannana
[247] Pancame raja cakkavattiti ettha kasma bhagava agaramajjhe vasitva
kalakatassa ranno thupakaranam anujanati, na silavato puthujjanabhikkhussati? anacchariyatta
puthujjanabhikkhunam hi thupe anunnayamane tambapannidipe tava thupanam okaso
okaso na bhaveyya, tatha annesu thanesu. Tasma anacchariya te bhavissanti"ti
nanujanati. Cakkavatti raja ekova nibbattati, tenassa thupo acchariyo hoti.
Puthujjanasilavato pana parinibbutabhikkhuno viya mahantampi sakkaram katum vattatiyeva.
Chatthasattamani uttanatthaneva.
8. Pathamavoharasuttavannana
[250] Atthame anariyavoharati anariyanam katha. Sesesupi eseva nayo.
Apattibhayavaggo pancamo.
Pancamapannasako nitthito.
-----------------
The Pali Atthakatha in Roman Book 15 page 443-446.
http://84000.org/tipitaka/atthapali/read_rm.php?B=15&A=10166&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=15&A=10166&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=20&i=536
เนื้อความพระไตรปิฎกฉบับหลวง :-
http://84000.org/tipitaka/read/r.php?B=20&A=6454
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=20&A=6631
The Pali Tipitaka in Roman Character :-
http://84000.org/tipitaka/read/roman_read.php?B=20&A=6631
Contents of The Tipitaka Volume 20
http://84000.org/tipitaka/read/?index_20
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]