บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
12. 2. Ayacanavaggavannana [131] Dutiyassa pathame saddho bhikkhave bhikkhu evam samma ayacamano ayaceyyati saddho bhikkhu utthahitva "yadiso sariputtatthero pannaya, ahampi tadiso homi. Yadiso moggallanatthero iddhiya, ahampi tadiso homi"ti evam ayacanto pihento patthento yam atthi, tasseva patthitatta samma pattheyya nama. Ito uttarim patthento miccha pattheyya. Dve hitva 1- evarupa hi patthana yam natthi, tassa patthitatta micchapatthana nama hoti. Kimkarana? esa bhikkhave tula etam pamananti yatha hi suvannam va hirannam va tulentassa tula icchitabba, dhannam nimantassa mananti tulane tula, minane ca manam pamanam hoti, evameva mama savakanam bhikkhunam esa tula etam pamanam yadidam sariputta- moggallana. Te gahetva "ahampi nanena va iddhiya va samano 2- homi"ti attanam tuletum va manetum va sakka, na ito annatha. @Footnote: 1 cha.Ma. ayam patho na dissati 2 cha.Ma.,i. etampamano, ka. evam pamano [132] Dutiyadisupi eseva nayo. Idam panettha visesamattam:- khema ca bhikkhuni uppalavanna cati etasu hi khema pannaya agga, uppalavanna iddhiya. Tasma "pannaya va iddhiya va etadisi homi"ti samma ayacamana ayaceyya. Khujjuttarapi mahapannataya agga, nandamata mahiddhikataya. Tasma "pannaya va iddhiya va etadisi homi"ti samma ayacamana ayaceyya. [135] Pancame khatanti gunanam khatatta khatam. Upahatanti gunanam upahatatta upahatam, chinnagunam natthagunanti attho. Attanam pariharatiti niggunam attanam jaggati gopayati. Savajjoti sadoso. Sanuvajjoti saupavado. Pasavatiti patilabhati. Ananuviccati ajanitva avinicchinitva. Apariyogahetvati ananupavisitva. Avannarahassati avannayuttassa micchapatipannassa titthiyassa va titthiyasavakassa va. Vannam bhasatiti "supatipanno esa sammapatipanno"ti gunam katheti. Vannarahassati buddhadisu annatarassa sammapatipannassa. Avannam bhasatiti "duppatipanno esa micchapatipanno"ti gunam katheti. Avannarahassati buddhadisu annatarassa sammapatipannassa. Avannam bhasatiti "duppatipanno esa micchapatipanno"ti agunam katheti. Avannarahassa avannam bhasatiti idhekacco puggalo duppatipannanam micchapatipannanam titthiyanam titthiyasavakanam "itipi duppatipanna itipi micchapatipanna"ti avannam bhasati. Vannarahassa vannam bhasatiti supatipannanam sammapatipannanam buddhanam buddhasavakanam "itipi supatipanna itipi sammapatipanna"ti vannam bhasati. [136] Chatthe appasadaniye thaneti appasadakare karane. 1- Pasadam upadamsetiti duppatipadaya micchapatipadaya "ayam supatipada sammapatipada"ti @Footnote: 1 cha.Ma. appasadakarane Pasadam janeti. Pasadaniye thane appasadanti supatipadaya sammapatipadaya "ayam duppatipada micchapatipada"ti appasadam janetiti. Sesamettha uttanameva. [137] Sattame dvisuti dvisu okasesu dvisu karanesu. Micchapati- pajjamanoti micchapatipattim apajjamano. 1- Matari ca pitari cati mittavinduko viya matari, ajatasattu viya pitari. Sukkapakkho vuttanayeneva veditabbo. [138] Atthame tathagate ca tathagatasavake cati devadatto viya tathagate, kokaliko viya ca tathagatasavake. Sukkapakkhe anandatthero viya tathagate, nandagopalakasetthiputto 2- viya ca tathagatasavake. [139] Navame sacittavodananti sakacittassa vodanam, atthannam samapattinam etam namam. Na ca kinci loke upadiyatiti loke ca rupadisu dhammesu kinci ekam dhammampi na ganhati 3- na paramasati. Evamettha anupadanannama dutiyo dhammo hoti. Dasamaekadasamam uttanamevati. 4- Ayacanavaggo dutiyo. -------------The Pali Atthakatha in Roman Book 15 page 66-68. http://84000.org/tipitaka/atthapali/read_rm.php?B=15&A=1474&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=1474&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=375 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=2295 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=2269 The Pali Tipitaka in Roman Character :- http://84000.org/tipitaka/read/roman_read.php?B=20&A=2269 Contents of The Tipitaka Volume 20 http://84000.org/tipitaka/read/?index_20
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]