AtthaPali Vol.15

2. Anandasuttavannana [32] Dutiye tatharupoti tathajatiko. Samadhipatilabhoti cittekaggatalabho. Imasmim ca savinnanaketi ettha attano ca parassa cati ubhayesampi kaye ^5- savinnanakatthena ekato katva ^6- imasminti vutte. ^7- Ahamkaramamamkaramananusayati ahamkaraditthi ca mamamkaratanha ca mananusayo cati ete hi kilesa. ^8- Nassuti na bhaveyyum. Bahiddha ca sabbanimittesuti rupanimittam saddagandharasaphotthabbanimittam sassatadinimittam puggalanimittam dhammanimittanti evarupesu ca bahiddha sabbanimittesu. Cetovimuttim pannavimuttinti phalasamadhinceva phalanananca. Siyati bhaveyya. Idhananda bhikkhunoti ananda imasmim sasane bhikkhuno. Etam santam etam panitanti nibbanam dassento aha. Nibbanam hi kilesanam santataya santam nama, nibbanam santanti samapattim appetvava divasampi nisinnassa cittuppado santanteva pavattatitipi santam. Panitanti samapattim appetva nisinnassapi cittuppado panitanteva pavattatiti nibbanam panitannama. Sabbasankharasamathotiadinipi tasseva vevacanani. "sabbasankharasamatho"ti samapattim appetva nisinnassa hi @Footnote: ¹ cha.Ma.,i. site unhodakena, unhe sitodakena ² Si.,i. sagge ca modatiti @³ Si.,i. idha ceva ⁴ Ma. devalokam ⁵ cha.Ma.,i. kayo @⁶ Si.,i. ekoti katva ⁷ cha.Ma.,i. vutto ⁸ cha.Ma.,i. attano ca parassa ca kilesa Divasabhagasmimpi cittuppado sabbasankharasamathotveva pavattati .pe. Tatha tisu bhavesu vanasankhataya tanhaya abhavena nibbananti laddhanamena ^1- tasmim samapattim appetva nisinnassa cittuppado nibbananteva ^2- pavattatiti sabbasankharasamathoti- adini namani labhati. Imasmim pana atthavidhe abhogasamannahare imasmim thane ekopi labbhati, dvepi sabbepi labbhanteva. Sankhayati nanena janitva. Paroparaniti parani ca oparani ^3- ca. Paraattabhavasakaattabhavadini ^4- parani ca oparani cati vuttam hoti. Yassati yassa arahato. Injitanti raginjitadosamohamanaditthikilesaduccaritinjitanti imani satta injitani calitani phanditani. Natthi kuhinciti katthaci ekarammanepi natthi. Santoti paccanikakilesanam santataya santo. Vidhumoti kayaduccaritadidhumavirahito. Anighoti ragadiighavirahito. Nirasoti nittanho. Atariti tinno uttinno samatikkanto. Soti so araham khinasavo. Jatijaranti ettha jatijaragahaneneva byadhimaranampi gahitamevati veditabbam. Iti suttantepi ^5- gathayapi arahattaphalasamapattiyeva kathitati.

The Pali Atthakatha in Roman Book 15 page 113-114. http://84000.org/tipitaka/atthapali/read_rm.php?B=15&A=2536&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=2536&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=471 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=3482 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=3484 The Pali Tipitaka in Roman Character :- http://84000.org/tipitaka/read/roman_read.php?B=20&A=3484 Contents of The Tipitaka Volume 20 http://84000.org/tipitaka/read/?index_20