AtthaPali Vol.15

6. Devadutasuttavannana [36] Chatthe devadutaniti devaduta. Ayam panettha vacanattho:- devoti maccu, tassa dutati devaduta. Jinnabyadhimata hi samvegajananatthena "idani te maccusamipam gantabban"ti codenti viya, tasma devadutati vuccanti. Deva viya dutatipi devaduta. Yatha hi alankatapatiyattaya devataya akase thatva "tvam asukadivase marissasi"ti vutte tassa vacanam saddhatabbam hoti, evamevam jinnabyadhimatapi dissamana "tvampi evamdhammo"ti codenti viya, tesanca tam vacanam anannathabhavitaya devataya byakaranasadisameva hotiti deva viya dutati devaduta. Visuddhidevanam va dutatipi devaduta. Sabbabodhisatta hi jinnabyadhimatapabbajite disvava samvegam apajjitva @Footnote: ¹ cha.Ma. limpati.evamuparipi ² Ma. tanhaditthikilesehi Nikkhamma pabbajimsu. Evam visuddhidevanam dutatipi devaduta. Idha pana lingavipallasena "devadutani"ti vuttam. Kayena duccaritantiadi kasma araddham? devatanuyunjanatthanu- pakkamakammadassanattham. Imina hi kammena ayam satto niraye nibbattati, atha nam tattha yamo raja devadute samanuyunjati. Tattha kayena duccaritam caratiti kayadvarena tividham duccaritam carati. Vacayati vacidvarena catubbidham duccaritam carati. Manasati manodvarena tividham duccaritam carati. Tamenam bhikkhave nirayapalati ettha ekacce thera "nirayapala nama natthi, yantarupam viya kammameva karanam kareti"ti vadanti. Tam "atthi niraye nirayapalati, amanta. Atthi ca karanika"tiadina nayena abhidhamme ^1- patisedhitameva. Yatha hi manussaloke kammakaranakaraka atthi, evameva niraye nirayapala atthiti. Yamassa rannoti yamaraja nama vemanikapetaraja. Ekasmim kale dibbavimane dibbakapparukkha- dibbauyyanadibbanatakadisampattim anubhavati, ekasmim kale kammavipakam, atthi ^2- dhammiko. Dhammaraja, na cesa ekova hoti, catusu pana dvaresu cattaro jana honti. Amatteyyoti matu hito matteyyo, matari sammapatipannoti attho. Na matteyyoti amatteyyo, matari micchapatipannoti attho. Sesapadesupi eseva nayo. abrahmannoti ettha ca khinasava brahmana nama, tesu micchapatipanno abrahmanno nama. Samanuyunjatiti anuyogavattam aropento pucchati, laddhim patitthapento pana samanuggahati nama. Karanam pucchanto samanubhasati nama. Naddasanti attano santike pahitassa kassaci devadutassa abhavam sandhaya evam vadati. @Footnote: ¹ abhi. 37/866-8/494 nirayapalakatha ² cha.Ma.,i. ayam patho na dissati Atha nam yamo "nayam bhasitassa attham sallakkheti"ti natva attham sallakkhetukamo ambhotiadimaha. Tattha jinnanti jarajinnam. Gopanasivankanti gopanasi viya vankam. Bhogganti bhaggam. Iminapissa vankabhavameva dipeti. Dandaparayananti dandapatisaranam dandadutiyam. Pavedhamananti kampamanam. Aturanti jaraturam. Khandadantanti jaranubhavena khanditadantam. Palitakesanti pandarakesam. Vilunanti luncitva gahitakesam viya khallatam. Khallitasiranti ^1- mahakhallatasisam. Valitanti sanjatavalim. Tilakahatagattanti setatilakakalatilakehi vikinnasariram. Jaradhammoti jarasabhavo, aparimutto jaraya, jara ^2- nama mayham abbhantareyeva pavattiti. Parato byadhidhammo maranadhammoti padadvayepi eseva nayo. Pathamam devadutam samanuyunjitvati ettha jarajinnasatto atthato evam vadati nama "passatha bho ahampi tumhe viya taruno ahosim urubali bahubali javasampanno, tassa me ta balajavasampattiyo antarahita, vijjamanapi me hatthapadapi hatthapada- kiccam na karonti, jarayamhi aparimuttataya ediso jato. Na kho panahameva, tumhepi jaraya aparimuttava. Yatheva hi mayham, evam tumhakampi jara agamissati. Iti tassa pure agamanava kalyanam karotha"ti. Tenevesa devaduto nama jato. Abadhikanti badhikam. Dukkhitanti dukkhappattam. Balhagilananti adhimattagilanam. Dutiyam devadutanti etthapi gilanasatto atthato evam vadati nama "passatha bho ahampi tumhe viya nirogo ahosim, somhi etarahi byadhina abhihato, sake muttakarise palipanno utthatumpi na sakkomi. Vijjamanapi me hatthapada hatthapada- kiccam na karonti, byadhitomhi aparimuttataya ediso jato. Na kho panahameva, tumhepi byadhito aparimuttava. Yatheva hi mayham, evam tumhakampi byadhi agamissati. Iti tassa pure agamanava kalyanam karotha"ti. Tenevesa devaduto nama jato. @Footnote: ¹ Si. khalitam siroti ² Ma. jarajinnam Ekahamatantiadisu ekaham matassa assati ekahamato, tam ekahamatam. Parato padadvayepi eseva nayo. Bhasta viya vayuna uddham jivitapariyadana yathakkamam samuggatena sunabhavena uddhumatatta uddhumatakam. Vinilo vuccati viparibhinnavanno, vinilova vinilako, tam vinilakam. Tam patikulatta va kucchitam vinilanti vinilakam. Vipubbakanti vissandamanapubbakam, paribhinnatthanehi paggharitena pubbena sampalimakkhitanti attho. Tatiyam devadutanti ettha matakasatto atthato evam vadati nama "passatha bho mam amakasusane chadditam uddhumatakadibhavam pattam, maranatomhi aparimuttataya ediso jato. Na kho panahameva, tumhepi maranato aparimutta. Yatheva hi mayham, evam tumhakampi maranam agamissati. Iti tassa pure agamanava kalyanam karotha"ti. Tenevesa devaduto nama jato. Imam pana devadutanuyogam ko labhati, ko na labhati? yena tava bahum papam Katam, so gantva niraye nibbattatiyeva. Yena pana parittam papam katam, so labhati. Yatha hi sabhandam coram gahetva kattabbameva karonti na vinicchinanti. Anuvijjhitva gahitam pana vinicchayatthanam nayanti, so vinicchayam labhati. Evam sampadameta. Parittapapakamma hi attano dhammatayapi saranti. Sariyamanapi saranti. Tattha dighajayantadamilo ^1- nama attano dhammataya sari. So kira damilo sumanagirimahavihare akasacetiyam rattapattena ^2- pujesi, atha nirayaussadasamante nibbatto aggijalasaddam sutvava attana pujitapattam anussari, so gantva sagge nibbatto. Aparopi puttassa daharabhikkhuno khalisatakam dento padamule thapesi, maranakalamhi patapatati sadde nimittam ganhi, sopi ussadasamante nibbatto jalasaddena tam satakam anussaritva sagge nibbatto. Evam tava attano dhammataya kusalakammam saritva sagge nibbattanti ^3-. @Footnote: ¹ Si.,i. dighajantudamilo ² Ma. cetiye rattapatam, cha.,i. rattapatena. evamuparipi @³ cha.Ma. nibbattatiti Attano dhammataya asarante pana tayo devadute pucchanti. Tattha koci pathameneva devadutena sarati, koci dutiyatatiyehi. Yo ^1- tihipi na sarati. Tam yamo raja sayam sareti. Eko kira amacco sumanapupphakumbhena mahacetiyam pujetva yamassa pattim adasi, tam akusalakammena niraye nibbattam yamassa santikam nayimsu. Tasmim tihipi devadutehi kusalam asarante yamo sayam olokento disva "nanu tvam mahacetiyam sumanapupphakumbhena pujetva mayham pattim adasi"ti saresi, so tasmim kale saritva devalokam gato. Yamo pana sayam oloketvapi apassanto "mahadukkham nama anubhavissati ayam satto"ti tunhi hoti ^2-. Tattam ayokhilanti tigavutam attabhavam sampajjalitaya lohapathaviya uttanakam nipajjapetva dakkhinahatthe talappamanam ayasulam pavesenti, tatha vamahatthadisu. Yatha ca tam uttanakam nipajjapetva, evam urenapi vamapassenapi dakkhinapassenapi nipajjapetva te tam kammakaranam karontiyeva. Samvesetvati ^3- jalitaya lohapathaviya tigavutam attabhavam nipajjapetva. Kutharihiti mahatihi gehassa ekapakkhacchadanamatta hi kutharihi tacchanti, lohitam nadi hutva sandati, lohapathavito jala utthahitva tacchitatthanam ganhati, ^4- mahadukkham uppajjati. Tacchanta pana suttahatam karitva darum ^5- viya atthamsampi chalamsampi karonti. Vasihiti mahasuppappamanahi vasihi. Rathe yojetvati saddhim yugayottapakkharathacakkakubbarapajanehi sabbato pajjalite rathe yojetva. Mahantanti mahakutagarappamanam. Aropentiti sampajjalitehi ayamuggarehi pothenta aropenti. Sakimpi uddhanti supakkutthitaya ukkhaliya pakkhittatandula viya uddhamadho tiriyanca gacchati. Mahanirayeti avicimahanirayamhi. Bhagaso mitoti bhage thapetva vibhatto. Pariyantoti parikkhitto. Ayasati @Footnote: ¹ cha.Ma. koci ² cha.Ma. ahosi @³ Ma. samkaddhitvati ⁴ Si. ganhanti ⁵ Si. daru Upari ayapattena chadito. Samanta yojanasatam, pharitva titthatiti evam pharitva titthati, yathatam samanta yojanasate thatva olokentassa akkhini yamakagolaka viya nikkhamanti. Hinakayupagati hinakayam upagata hutva. Upadaneti tanhaditthiggahane. Jatimaranasambhaveti jatiya ca maranassa ca karanabhute. Anupadati catuhi upadanehi anupadiyitva. Jatimaranasankhayeti jatimaranasankhayasankhate nibbane vimuccanti. Ditthadhammabhinibbutati ditthadhamme imasmimyeva attabhave sabbakilesanibbanena nibbuta. Sabbadukkham upaccagunti sakalam vattadukkham atikkanta.

The Pali Atthakatha in Roman Book 15 page 132-137. http://84000.org/tipitaka/atthapali/read_rm.php?B=15&A=2994&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=2994&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=475 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=3629 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=3636 The Pali Tipitaka in Roman Character :- http://84000.org/tipitaka/read/roman_read.php?B=20&A=3636 Contents of The Tipitaka Volume 20 http://84000.org/tipitaka/read/?index_20