ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 15 : PALI ROMAN An.A. (manoratha.2)

                      10. Adhipateyyasuttavannana
     [40] Dasame adhipateyyaniti jetthakakaranato nibbattani. Attadhipateyyanti-
adisu attanam jetthakam katva nibbattitam gunajatam attadhipateyyam. Lokam jetthakam
katva nibbattitam lokadhipateyyam. Navavidham lokuttaradhammam jetthakam katva
nibbattitam dhammadhipateyyam. Na iti bhavabhavahetuti iti bhavo, iti bhavoti evam
ayatim na tassa tassa sampati bhavassa hetu. Otinnoti anupavittho. Yassa hi jati
anto pavittha, so jatiya otinno nama. Jaradisupi eseva nayo. Kevalassa
dukkhakkhandhassati sakalassa vattadukkharasissa. Antakiriya pannayethati kotikaranam 2-
paricchedaparivatumakaranam pannayeyya. Ohayati pahaya. Papitthatareti lamakatare.
Araddhanti paggahitam paripunnam, araddhatta va asallinam. Upatthitati
catusatipatthanavasena upatthita. Upatthita upatthitattava asammuttha. Passaddho
kayoti namakayo ca karajakayo ca passaddho vupasantadaratho. Passaddhattava asaraddho.
Samahitam
@Footnote: 1 Ma. pabbajitato ca, cha.pabbajjato ca             2 cha.Ma.,i. antakaranam
Cittanti arammane cittam samma ahitam sutthu thapitam. Samma ahitattava ekaggam.
Adhipatim karitvati jetthakam karitva. Suddhamattanam pariharatiti suddham nimmalam katva
attanam pariharati patijaggati, gopayatiti attho. Ayanca yava arahattamagga pariyayena
suddhamattanam pariharati nama, phalappattova pana nippariyayena suddhamattanam pariharati.
     Svakkhatotiadini visuddhimagge 1- vittharitani. Janam passam viharantiti tam
dhammam jananta passanta viharanti. Imani kho bhikkhave tini adhipateyyaniti
ettha ca tani 2- tini adhipateyyani lokiyalokuttaramissakani kathitani.
     Pakubbatoti karontassa. Atta te purisa janati, saccam va yadi va
musati yam tvam karosi, tam yadi va yathasabhavam 3- yadi va no yathasabhavam tam tava
atta janati. Imina ca karanena veditabbam. "papakammam karontassa loke
paticchannatthanam nama natthi"ti. Kalyananti sundaram. Atimannasiti atikkamitva
mannasi. Atha nam pariguhasiti yatha me attapi na janati, evam nam pariguhamiti
vayamasi. Attadhipakoti attajetthako  lokadhipoti 4- lokajetthako. Nipakoti pannava.
Jhayiti jhayanto. Dhammadhipoti dhammajetthako. Saccaparakkamoti thiraparakkamo
bhutaparakkamo. Pasayha maranti maram pasahitva. Abhibhuyya antakanti idam tasseva
vevacanam. Yo ca phusi jatikhayam padhanavati yo jhayi padhanava maram abhibhavitva
jatikkhayam arahattam phusi. So tadisoti so tathavidho tatha santhito. Lokaviduti
tayo loke vidite pakate katva thito. Sumedhoti sundarapanno 5-. Sabbesu
dhammesu atammayo muniti sabbesu tebhumikadhammesu tanhasankhataya tammayataya 6-
abhavena atammayo khinasavamuni kadaci katthaci na hiyati na parihiyatiti vuttam
hotiti.
                        Devadutavaggo catuttho.
@Footnote: 1 suddhi. 1/273 chaanussatiniddesa   2 Ma. ettavata   3 cha.Ma.,i. yathasabhavanti
@4 cha.Ma. attadhipateyyakoti       5 cha.Ma. supanno    8 Si.,i. tammataya



             The Pali Atthakatha in Roman Book 15 page 146-147. http://84000.org/tipitaka/atthapali/read_rm.php?B=15&A=3328&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=3328&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=20&i=479              เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=3827              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=3872              The Pali Tipitaka in Roman Character :- http://84000.org/tipitaka/read/roman_read.php?B=20&A=3872              Contents of The Tipitaka Volume 20 http://84000.org/tipitaka/read/?index_20

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]