AtthaPali Vol.15

11. Mahacorasuttavannana [51] Ekadasame mahacoroti mahanto balavacoro. Sandhinti gharasandhim. @Footnote: ¹ Ma. anuppadanatthaya, anuppadanam anuppadessamiti Nillopanti mahavilopam. Ekagarikanti ekameva geham parivaretva vilumpanam. Paripanthepi titthatiti panthaduhanakammam karoti. Nadividugganti nadinam duggamanatthanam antaradipakam, yattha sakka hoti dvihipi tihipi janghasahassehi saddhim niliyitum. Pabbatavisamanti pabbatanam visamatthanam pabbatantaram, yattha sakka hoti sattahi va atthahi va janghasahassehi saddhim niliyitum. Tinagahananti tinena vaddhetva sanchannam yojanatthanam ^1-. Gehanti ^2- gharam annamannam samsatthasakham ^3- ekabaddham mahavanasandam. Pariyodhaya attham bhanissantiti pariyodahitva tam tam karanam pakkhipitva attham kathayissanti. Tyassati te assa. Pariyodhaya attham bhanantiti kisminci kinci vattum araddheyeva "ma evam avacuttha, mayam etam kulaparamparaya janama, na esa evarupam karissati"ti tam tam karanam pakkhipitva mahantampi dosam pariharanta attham bhananti. Athava pariyodhayati paticchadetvatipi attho. Tehi tassapi dosam paticchadetva attham bhananti. Khatam upahatanti gunakhananena khatam, gunupaghatena upahatam. Visamena kayakammenati sampakkhalanatthena ^4- visamena kayadvarikakammena. Vacimanokammesupi eseva nayo. Antaggahikayati dasavatthukaya antam gahetva thitaditthiya. Sesam sabbattha uttanamevati. Culavaggo pancamo. Pathamapannasako nitthito. ---------------- @Footnote: ¹ cha.Ma. dvattiyojanatthanam ² cha.Ma. rodhanti @³ Si. gedhanti gharam arannam samsattasakham ⁴ Si. sapakkhalanatthena

The Pali Atthakatha in Roman Book 15 page 155-156. http://84000.org/tipitaka/atthapali/read_rm.php?B=15&A=3556&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=3556&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=490 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=3984 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=4035 The Pali Tipitaka in Roman Character :- http://84000.org/tipitaka/read/roman_read.php?B=20&A=4035 Contents of The Tipitaka Volume 20 http://84000.org/tipitaka/read/?index_20