AtthaPali Vol.15

5. Hatthakasuttavaṇṇanā [128] Pañcame abhikkantāya rattiyāti ettha abhikkantasaddo khaya- sundarābhirūpaabbhanumodanādīsu dissati. Tattha "abhikkantā bhante ratti, nikkhanto paṭhamo yāmo, ciranisinno bhikkhusaṃgho, uddisatu bhante bhagavā bhikkhūnaṃ pātimokkhan"ti ^2- evamādīsu khaye dissati. "ayaṃ imesaṃ catunnaṃ puggalānaṃ abhikkantataro ca paṇītataro cā"ti ^3- evamādīsu sundare. "ko me vandati pādāni iddhiyā yasasā jalaṃ abhikkantena vaṇṇena sabbā obhāsayaṃ disā"ti ^4- evamādīsu abhirūpe. "abhikkantaṃ bho gotamā"ti ^5- evamādīsu abbhanmodane idha @Footnote: ¹ Ma. āḷārakāḷāme kālaṅkate ² vi.cu. 7/383/204 pātimokkhuddesayācana, @khu.u. 25/45/164 uposathasutta, aṅ.aṭṭhaka. 23/110/207 uposathasutta (syā) @³ aṅ.catukka. 21/100/114 potaliyasutta (syā) ⁴ khu.vimāna. 26/857/87 @maṇḍūkadevaputtavimānavatthu, sā.pa. 1/1/13 ⁵ vi.mahāvi. 1/15/7 verañjakaṇḍa

--------------------------------------------------------------------------------------------- page268.

Pana sundare. Tena abhikkantāya rattiyāti iṭṭhāya kantāya manāpāya rattiyāti vuttaṃ hoti. Abhikkantavaṇṇāti idha abhikkantasaddo abhirūpe, vaṇṇasaddo pana chavithutikulavaggakāraṇasaṇṭhānappamāṇarūpāyatanādīsu dissati. Tattha "suvaṇṇavaṇṇosi bhagavā"ti ^1- evamādīsu chaviyaṃ. "kadā saññūḷhā pana te gahapati samaṇassa gotamassa vaṇṇā"ti ^2- evamādīsu thutiyaṃ. "cattāro me bho gotama vaṇṇā"ti ^3- evamādīsu kulavagge. "atha kena nu vaṇṇena, gandhatthenoti vuccatī"ti ^4- evamādīsu kāraṇe. "mahantaṃ hatthirājavaṇṇaṃ abhinimminitvā"ti ^5- evamādīsu saṇṭhāne. "tayo pattassa vaṇṇā"ti ^6- evamādīsu pamāṇe. "vaṇṇo gandho raso ojā"ti ^7- evamādīsu rūpāyatane. So idha chaviyā daṭṭhabbo. Tena abhikkantavaṇṇāti abhirūpacchavi, iṭṭhavaṇṇā manāpavaṇṇāti vuttaṃ hoti. Kevalakappanti ettha kevalasaddo anavasesayebhuyyaabyāmissānatirekadaḷhattha- visaṃyogādianekattho. Tathā hissa "kevalaparipuṇṇaṃ parisuddhaṃ brahmacariyan"ti ^8- evamādīsu anavaseso attho. ^9- "kevalā ^10- aṅgamagadhā pahūtaṃ khādanīyaṃ bhojanīyaṃ ādāya upasaṅkamissantī"ti ^11- evamādīsu yebhuyyatā. "kevalassa dukkhakkhandhassa samudayo hotī"ti ^12- evamādīsu abyāmissatā. "kevalaṃ saddhāmattakaṃ nūna ayamāyasmā"ti ^13- evamādīsu anatirekatā. "āyasmato bhante anuruddhassa bāhiko nāma saddhivihāriko kevalakappaṃ saṃghabhedāya ṭhito"ti ^14- evamādīsu baḷhatthatā. "kevalī vusitavā uttamapurisoti vuccatī"ti ^15- evamādīsu visaṃyogo. Idha panassa ^16- anavasesatā atthoti adhippetā. @Footnote: ¹ Ma.Ma. 13/399/384 selasutta, khu.su. 25/554/447 selasutta @² Ma.Ma.13/77/54 upālivādasutta ³ dī.pā. 11/115/69 catuvaṇṇasuddhi @⁴ saṃ.sa. 15/234/246 padumapupphasutta ⁵ saṃ.sa. 15/138/124 nāgasutta @⁶ vi.mahāvi. 2/602/68 pattasikkhāpada ⁷ abhi.saṃ. 34/616-645/188-196 rūpakaṇḍa @⁸ vi.mahāvi. 1/1/1 verañjakaṇḍa ⁹ cha.Ma. anavasesatā attho, i. anavasesatanti @attho ¹⁰ cha.Ma. kevalakappā ca ¹¹ vi.mahā. 4/43/37 uruvelapāṭihāriyakathā @¹² abhi.vi. 35/225/160 paṭiccasamuppādavibhaṅga ¹³ vi.mahā. 5/244/6 @soṇakoḷivisavatthu ¹⁴ aṅ.catukka. 21/243/267 saṃghabhedakasutta @¹⁵ saṃ.kha. 17/57/50 sattaṭṭhānasutta ¹⁶ cha.Ma. idha pana

--------------------------------------------------------------------------------------------- page269.

Kappasaddo panāyaṃ abhisaddahanavohārakālapaññatticchedanavikappalesasamantabhāvādi- anekattho. Tathā hissa "okappaniyametaṃ bhoto gotamassa, yathātaṃ arahato sammāsambuddhassā"ti ^1- evamādīsu abhisaddahanaṃ attho. "anujānāmi bhikkhave pañcahi samaṇakappehi phalaṃ paribhuñjitun"ti ^2- evamādīsu vohāro. "yena sudaṃ niccakappaṃ viharāmī"ti evamādīsu kālo. "iccāyasmā kappo"ti ^3- evamādīsu paññatti. "alaṅkato kappitakesamassū"ti ^4- evamādīsu chedanaṃ. "kappati dvaṅgulakappo"ti ^5- evamādīsu vikapPo. "atthi kappo nipajjitun"ti ^6- evamādīsu leso. "kevalakappaṃ jetavanaṃ ^7- obhāsetvā"ti ^8- evamādīsu samantabhāvo. Idha panassa samantabhāvo atthoti ^9- adhippeto. Tasmā kevalakappaṃ jetavananti ettha anavasesaṃ samantato jetavananti attho. Obhāsetvāti ābhāya pharitvā. Vālikāyāti ^10- saṇhavālukāyaṃ. Na saṇṭhāti na patiṭṭhāti. Oḷārikanti brahmadevatāya hi paṭhaviyaṃ patiṭṭhānakāle attabhāvo oḷāriko māpetuṃ vaṭṭati paṭhavī vā, tasmā evamāha. Dhammāti iminā pubbe uggahitabuddhavacanaṃ dasseti. Nappavattino ahesunti sajjhāyamūḷhakavācāya ^11- parihīnā ^12- ahesuṃ. Appaṭivāṇoti anivatto anukkaṇṭhito. Dassanassāti cakkhuviññāṇena dassanassa. Upaṭṭhānassāti catūhi paccayehi upaṭṭhānassa. Adhisīlanti dasavidhaṃ sīlaṃ. Tañhi pañcasīlaṃ upādāya adhisīlanti vuccati. Avihaṃ gatoti avihābrahmaloke nibbattosmīti dasseti. @Footnote: ¹ Ma.mū. 12/387/345 mahāsaccakasutta ² vi.cu. 7/250/7 khuddakavatthukhandhaka @³ khu.su. 25/1099/544 kappamāṇavakapañhā, khu. cūḷa. 30/372/181 @kappamāṇavakapañhaniddesa (syā) ⁴ khu.vimāna. 26/1094/121 paṭhamakuṇḍalīvimāna, @khu.jā. 28/911/319 vidhurajātaka (syā) ⁵ vi.cu. 7/446/286 sattasatikakkhandhaka @⁶ aṅ.aṭṭhaka. 23/185(95)/345 yamakavagga (syā) ⁷ cha.Ma.,i. veḷuvanaṃ @⁸ saṃ.sa. 15/92/61 candimasatta ⁹ cha.Ma. attho ¹⁰ cha.Ma. vālukāyāti @¹¹ cha.Ma. sajjhāyamūḷhakā vācā ¹² cha.Ma. pahīnāyeva

The Pali Atthakatha in Roman Book 15 page 267-269. http://84000.org/tipitaka/atthapali/read_rm.php?B=15&A=6196&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=6196&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=20&i=567 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=7337 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=7595 The Pali Tipitaka in Roman Character :- http://84000.org/tipitaka/read/roman_read.php?B=20&A=7595 Contents of The Tipitaka Volume 20 http://84000.org/tipitaka/read/?index_20